Morgunblaðið - 20.11.2007, Side 2

2 ÞRIÐJUDAGUR 20. NÓVEMBER 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
BÆJARSTJÓRNIN í Hveragerði leggst eindreg-
ið gegn byggingu Bitruvirkjunar og hvetur Orku-
veitu Reykjavíkur og sveitarfélagið Ölfus til þess
að endurskoða áform um framkvæmdir á og við
Ölkelduháls/Bitru.
Þetta kemur fram í bókun bæjarstjórnar þar
sem lýst er stuðningi við fyrri samþykktir bæj-
arráðs og skipulags- og byggingarnefndar bæj-
arins. „Bæjarstjórn telur rétt að leitað verði ann-
arra leiða til orkuöflunar áður en ráðist er í
framkvæmdir á jafn viðkvæmu svæði og hér um
ræðir. Svæðið norður af Hveragerði býr yfir ein-
stakri fegurð og í raun er það ein best varðveitta
náttúruperlan í nágrenni höfuðborgarsvæðisins.
Svæðið, sem er á náttúruminjaskrá, er vinsæll
áfangastaður erlendra sem innlendra ferðamanna
og hafa vinsældir þess aukist stöðugt undanfarin
ár,“ segir m.a.
Fram kemur einnig að allar framkvæmdir á
svæðinu dragi úr gildi þess sem útivistarsvæðis
fyrir þá sem vilji njóta óspilltrar náttúru. „Í frum-
matsskýrslu framkvæmdaaðila kemur fram að
áhrif vegna framkvæmdarinnar geta orðið veruleg
í Hveragerði sem er næsti þéttbýlisstaður við
virkjunina í aðeins 4,5 km fjarlægð. Bæjarstjórn
telur afar óábyrgt af sveitarfélaginu Ölfusi og OR
að halda áfram með framkvæmd þar sem jafn mik-
il óvissa ríkir um áhrif á loft, vatnslindir og nátt-
úru og hér um ræðir og hvetur hlutaðeigandi til að
láta náttúruna njóta vafans,“ segir einnig í bókun
bæjarstjórnarinnar.
Veruleg skaðleg áhrif
Í afgreiðslu skipulags- og byggingarnefndar
Hveragerðisbæjar kemur fram að nefndin er sam-
mála um að bygging Bitruvirkjunar sé fram-
kvæmd sem muni hafa veruleg skaðleg áhrif á
möguleika Hveragerðis og nágrennis sem íbúðar-
og ferðamannasvæðis og leggst því alfarið gegn
framkvæmdinni.
Bæjarstjórn Hveragerðis
leggst gegn Bitruvirkjun
Ölfus og Orkuveita Reykjavíkur hvött til þess að láta náttúruna njóta vafans


   


 
          



 


   

   



   

  

  
!

  




 

 




 



 
 

 
 GENGIÐ var frá
sátt í máli Svan-
dísar Svavars-
dóttur gegn
Orkuveitu
Reykjavíkur
vegna ákvarðana
eigendafundar
veitunnar 3.
október síðastlið-
inn. Sáttin felst í
því að Orkuveit-
an viðurkennir að umræddur eig-
endafundur hafi verið ólögmætur
og Svandís fellur frá kröfu um að
ákvarðanir fundarins verði dæmdar
ólögmætar.
Búið var að falla frá ákvörðunum
eigendafundarins 3. október á eig-
endafundi Orkuveitunnar á föstu-
daginn var, en þar var samþykkt að
hafna samruna Reykjavík Energy
Invest (REI) og Geysir Green
Energy (GGE). Sáttin felur jafn-
framt í sér að Orkuveitan mun
greiða kostnað Svandísar af máls-
höfðuninni.
Munnlegur málflutningur í mál-
inu var fyrirhugaður í Héraðsdómi
Reykjavíkur í gær, en af honum
varð ekki þar sem sátt var fyrir
hendi í málinu. Svandís sagðist í
Morgunblaðinu á sunnudag vera
tilbúin til þess að leita sátta þar
sem hún hefði ekki lengur lögvarða
hagsmuni af dómsúrskurði eftir þá
ákvörðun eigendafundar OR á
föstudag að hafna samruna Reykja-
vík Energy Invest við Geysir Green
Energy.
Sátt í máli
Svandísar
gegn OR
Svandís
Svavarsdóttir
HÉRAÐSDÓMUR Reykjavíkur
hefur framlengt gæsluvarðhald yfir
tveimur Litháum til 21. desember
nk. en þeir eru grunaðir um nauðgun
í miðborg Reykjavíkur fyrir rúmri
viku.
Um er að ræða tvo Litháa á þrí-
tugsaldri. Þeir eru grunaðir um að
hafa fylgt konu, sem þeir höfðu áður
hitt á skemmtistað, eftir upp Lauga-
veginn og inn í húsasund og ráðist
þar á hana og þröngvað henni til
kynmaka.
Mennirnir voru upphaflega úr-
skurðaðir í vikulangt gæsluvarðhald
sem rann út í gær. Þeir sæta gæslu á
grundvelli almannahagsmuna.
Gæslan
framlengd
VOPNAÐA ránið í Sunnubúðinni á
sunnudag er upplýst hjá lögreglu og
viðurkenndu sakborningarnir fjórir
brot sín. Þeir eru lausir úr haldi en
eiga yfir höfði sér ákæru fyrir brot á
hegningarlögum. Þeir eru 16 ára og
því á sakhæfisaldri. Í hegningarlög-
um er kveðið á um allt að 16 ára
fangelsi fyrir rán.
Strákarnir sögðu lögreglunni hvað
þeim gekk til með ráninu en lögregla
tjáir sig ekki um það sem kom fram
við yfirheyrslurnar.
Handtaka þeirra var samspil
þriggja þátta að sögn lögreglu, fjöl-
miðla, almennings og lögreglunnar.
Atburðarásin var þannig að vegfar-
andi hafði séð frétt um ránið og séð
til strákanna í kjölfarið og þótt hegð-
un þeirra grunsamleg. Þegar við-
komandi hringdi í lögregluna brást
hún fljótt við ábendingunni og náði
strákunum samdægurs. Öxi og kylfa
ásamt þýfi eru í vörslu lögreglu
vegna rannsóknarinnar.
Viður-
kenndu
ránið
Samspil þriggja þátta
leiddi til handtöku
VETUR er genginn í garð á Norðurlandi og bændur
eru flestir búnir að taka sauðfé á hús. Hrossin eru hins
vegar flest ennþá úti, en sum þeirra koma reyndar
aldrei í hús yfir veturinn. Þeim er á hinn bóginn gefið
úti og tryggja þarf að þau hafi skjól fyrir veðrum.
Hnausahrossin í Húnavatnssýslu eru búin undir vet-
urinn og eiga í öruggt skjól að venda ef harðnar á daln-
um. Spáð er mildu veðri um allt land í þessari viku. Það
skipast hins vegar fljótt veður í lofti og nauðsynlegt
fyrir hesteigendur að fylgjast með hrossunum.
Morgunblaðið/Jón Sigurðsson
Hrossin búin undir veturinn
♦♦♦
Eftir Örlyg Stein Sigurjónsson
orsi@mbl.is
SÝSLUMAÐURINN í Hafnarfirði
setti lögbann á vefsíðuna Torrent.is
í gær og var henni lokað. Að sögn
Snæbjörns Steingrímssonar, fram-
kvæmdastjóra Samtaka myndrétt-
hafa á Íslandi, lokaði eigandi Tor-
rent, Svavar Lúthersson, sjálfur
síðunni en honum var gefin klukku-
stund til þess. Að öðrum kosti hefði
lögregla gert það.
Lögbannsbeiðendur eru SMÁÍS,
SÍK (Framleiðendafélagið), STEF
(Samband tónskálda og eigenda
flutningsréttar) og FHF (Félag
hljómplötuframleiðenda). Þessi
sömu rétthafasamtök höfðu áður
lagt fram opinbera kæru gegn eig-
anda síðunnar en þar sem ekkert
hafði verið aðhafst af hálfu yfir-
valda í yfir 8 mánuði síðan kæran
var lögð inn sáu rétthafasamtökin
sér engan annan kost en að höfða
einkamál og fara fram á lögbann
gegn síðunni.
„Það er okkar álit að eigandi
www.torrent.is sé sekur um stór-
felld hlutdeildarbrot með dreifingu
á efni varið höfundarrétti sem fer
um istorrent í óþökk rétthafa,“ seg-
ir í tilkynningu frá SMÁÍS.
Svavar Lúthersson hyggur á
varnir fyrir héraðsdómi þegar lög-
bannsbeiðendur munu krefjast
staðfestingar lögbannsins.
„Ég er ósáttur við lögbannið og
jafnframt hversu víðtækt það var.
Ég má til dæmis ekki taka á móti
tölvupósti hjá léninu en það tengist
ekkert meintri brotastarfsemi,“
segir hann. Svavar segir að hann
hefði orðið sáttari ef lögbannið hefði
verið þrengra en raunin varð. Hann
bendir á að SMÁÍS hafi alltaf átt
kost á því að ákveðið efni yrði fjar-
lægt. „Og það hefur verið gert, jafn-
vel á opinberan hátt,“ segir hann.
Svavar segir að nú verði lög-
bannsbeiðendur að höfða staðfest-
ingarmál fyrir héraðsdómi „Og við
munum berjast gegn því að lög-
bannið verði staðfest,“ segir hann
um fyrirhugaðar kröfur sínar.
Hróbjartur Jónatansson, lögmað-
ur lögbannsbeiðanda, bendir á að
lögð hafi verið fram óyggjandi gögn
um að mesta niðurhalið, sem hinir
26 þúsund notendur Torrent hafa
sótt í, sé höfundarréttarvarið. Þar
sé átt við tónlist, sjónvarpsþætti,
tölvuleiki og slíkt efni. „Eigandi síð-
unnar er að hvetja til þess að not-
endur í þessu svokallaða samfélagi
dreifi höfundarréttarvörðu efni sín
á milli,“ segir hann. „Auk þess hef-
ur hann tekjur af því að veita fólki
slíkan aðgang.“
Hróbjartur bendir á að í Finn-
landi hafi dómstóll sakfellt 21 sak-
borning í álíka máli fyrir brot á höf-
undarréttarlögum sem hlutdeildar-
menn. „Þannig að menn geta ekki
skýlt sér á bak við það að þeir séu ef
til vill ekki sjálfir að sækja efnið. En
þeir eru að stuðla að því að efninu sé
dreift.“
Lögbann sett á vefsíðuna Torrent.is
 Síðueigandinn fær ekki að sækja tölvupóstinn sinn og telur lögbannið alltof víðtækt  Mun verjast
fyrir héraðsdómi í staðfestingarmálinu  Réttarstefna verður gefin út innan sjö daga frá lögbanninu
Lokað Síðan torrent.is verður lok-
uð að minnsta kosti þar til héraðs-
dómur tekur afstöðu, líklega eftir
áramótin.
Morgunblaðið/ÞÖK