Morgunblaðið - 21.11.2007, Qupperneq 21

MORGUNBLAÐIÐ MIÐVIKUDAGUR 21. NÓVEMBER 2007 21
LANDIÐ
SUÐURNES
Reykjanesbær | Fjölskyldu- og fé-
lagsþjónusta Reykjanesbæjar og
Keflavíkurkirkja vinna saman að
því að bæta uppeldisskilyrði barna
og efla fráskilda foreldra í uppeldis-
hlutverkinu. Í þeim tilgangi er efnt
til fræðslufundar í kvöld um mik-
ilvægi þess að fráskildir foreldrar
annist í sameiningu uppeldi barna
sinna. Fræðslukvöldið er í Kirkju-
lundi og hefst klukkan 20.
Fræðslukvöldin eru framhald af
ráðstefnu sem efnt var til á síðasta
ári um málefnið. Í kynningu á verk-
efninu er lögð áhersla á það hversu
mikilvægir báðir foreldrar eru
börnum sínum í uppvextinum og að
velferð og vöxtur barnanna sé háð-
ur samskiptum við foreldrana.
Einnig er lögð áhersla á hversu
mikilvægt er að foreldrunum takist
að vera samstiga í uppeldishlut-
verkinu, hvort sem þeir búa saman
eða ekki.
Fræðsla til að efla fráskilda
foreldra í uppeldinu
Morgunblaðið/Helgi Bjarnason
Áfram ábyrg Góð þátttaka var í ráðstefnu um skilnaðarbörn í fyrra.
Eftir Helga Bjarnason
helgi@mbl.is
Keflavík | „Ég tel mig hafa verið
heppinn að alast þarna upp og
kynnast þessu umhverfi. Keflavík
var nafli alheimsins í hugum okkar
strákanna,“ segir Ólafur Ormsson
rithöfundur. Í nýjustu bók hans,
„Ævintýraþorpið – saga úr sjávar-
plássi“, eru endurminningar frá
uppvaxtarárunum í Keflavík.
Ólafur er fæddur í Reykjavík
1943. Eftir að hann missti móður
sína var honum komið fyrir hjá föð-
ursystur sinni, Guðrúnu Ólafsdótt-
ur, og manni hennar, Björgvini
Þorsteinssyni, í Höfnum árið 1948
og sama árið fluttu þau til Keflavík-
ur. Þau bjuggu í litlu steinhúsi á
miðri Hafnargötunni sem var að-
algatan í Keflavík, eins og enn er.
Ólafur bjó í Keflavík í fjórtán ár, og
telur sig hafa mótast mjög af sam-
félaginu og þeim miklu breytingum
sem á því urðu á þessum tíma.
Komin í skarkala heimsins
Keflavík var eitt af helstu útgerð-
ar- og fiskvinnsluplássum landsins
þegar Ólafur kom þangað og fjöldi
fólks sótti þangað vinnu. Samfélag-
ið mótaðist ekki síður af því þegar
bandaríski herinn kom sér upp her-
stöð á heiðinni ofan við bæinn. „Það
fóru allt í einu að fara orrustuþotur
um loftið með ofsalegum hraða og
við fórum að verða varir við banda-
ríska hermenn á götunum í Kefla-
vík. Allt tók miklum breytingum á
stuttum tíma,“ segir Ólafur og bæt-
ir því við að Keflavík hafi áður verið
friðsælt þorp, þannig að umskiptin
hafi verið mikil. „Við vorum allt í
einu komin inn í skarkala heims-
ins.“
Ólafur kynntist lífinu á vellinum
af eigin raun. Hann fékk snemma
að sitja í hjá vörubílstjórum sem
fluttu vörur frá höfninni og upp á
völl. „Þá leit maður dýrðina augum
og komst í snertingu við þetta allt.“
Þeir félagarnir komust inn á völlinn
og fóru þar í bíó, 10 til 12 ára gaml-
ir.
Ólafur þekkti hjón á Keflavíkur-
flugvelli, íslenska konu og Banda-
ríkjamann. Sterk bernskuminning,
sem varð raunar kveikjan að bók-
inni, tengist þeim óbeint. „Ég var í
amerískum leðurklossum sem þau
gáfu mér að veiða marhnút niðri á
bryggju þegar við sáum orrustu-
þotu hrapa í sjóinn, líklega fyrir ut-
an Njarðvík. Ég varð ofsalega
hræddur og sparkaði af mér öðrum
klossanum þegar ég sá líkin flutt í
land,“ segir Ólafur. Þessi minning
hefur setið í honum og varð til þess
að hann fór að hugsa um þessa bók.
Ólafur segir að þetta sé endur-
minningabók, ekki skáldævisaga,
eins og hann tekur sjálfur til orða.
Og allar persónurnar sem þar koma
fyrir eru raunverulegar og eru
kynntar til sögunnar undir sínum
réttu nöfnum. Hann segir frá mörg-
um þekktum og eftirminnilegum
Keflvíkingum, látnum og núlifandi,
og einnig æskufélögum sínum sem
sumir eru þekktir borgarar þar í
dag, svo sem Geirmundi Kristins-
syni sparisjóðsstjóra og Rúnari Júl-
íussyni tónlistarmanni.
Keflavík var nafli al-
heimsins í hugum okkar
Morgunblaðið/Kristinn
Ævintýraþorpið Ólafur Ormsson dregur upp myndir frá litríkum æskuár-
um í Keflavík í endurminningabók sem hann hefur sent frá sér.
Ólafur Ormsson
gefur út endur-
minningabók
Eftir Gunnlaug Árnason
Stykkishólmur | Stykkishólms-
bær og Íslenska gámafélagið ehf.
hafa undirritað samning um
flokkun sorps og moltugerð í
sveitarfélaginu. Umhverfisráð-
herra, Þórunn Sveinbjarnardótt-
ir, var viðstödd undirritunina og
lýsti yfir mikilli ánægju með
frumkvæði bæjaryfirvalda.
Stykkishólmsbær er fyrstur
allra sveitarfélaga til að taka
skrefið til fulls í flokkun sorps og
hefja flokkun á sorpi og moltu-
gera lífrænan úrgang frá öllum
heimilum í bænum.
Þrjár tunnur verða settar við
hvert hús þar sem íbúum er ætlað
að flokka sitt sorp í endurvinn-
anlegan úrgang, lífrænan úrgang
og annað sorp. Markmið verkefn-
isins er að minnka umfang al-
menns sorps sem fer til urðunar
að lágmarki um 60%.
Áfram í fararbroddi
Í viðtali við Erlu Friðriksdóttur
bæjarstjóra kom fram að Stykk-
ishólmsbær hefði verið í farar-
broddi í umhverfismálum. „Unnið
er eftir metnaðarfullri umhverf-
isstefnu í bæjarfélaginu. Fyrst
allra hafna á landinu fékk Stykk-
ishólmshöfn Bláfánann, sem er
umhverfisvottun fyrir hafnir og
strendur, og á þessu ári fengu
leikskólinn og yngri deild grunn-
skólans Grænfánann. Þá notum
við eingöngu umhverfisvottaðan
skrifstofupappír og lágmörkum
eins og kostur er notkun hreinsi-
efna hjá öllum stofnunum bæjar-
ins. Nú tökum við næsta skref í
umhverfismálum með því að
flokka allt heimilissorp og mikið
lengra verður ekki komist í bili,“
segir Erla Friðriksdóttir.
Erla segir að flokkun sorpsins
hefjist þann 20. janúar næstkom-
andi. Áður fá húseigendur tvær
tunnur til viðbótar við þá gráu
tunnu sem fyrir er, þ.e. grænu
tunnuna og brúnu tunnuna.
Græna tunnan er ætluð fyrir end-
urvinnanlegan úrgang, svo sem
pappa, pappír, fernur og plast.
Innihald grænu tunnunnar verður
síðan flokkað frekar og sent til
endurvinnslu. Einnig fær hvert
heimili brúna tunnu undir lífræn-
an úrgang heimilisins. Íslenska
gámafélagið mun síðan losa brúnu
tunnurnar og umbreyta lífræna
úrganginum í næringarríka
moltu. Moltan verður notuð í bæj-
arfélaginu við uppgræðslu og
gróðursetningu.
Starfsmenn Íslenska gáma-
félagsins munu ganga í hvert hús
og útskýra mikilvægi verkefnis-
ins, hvernig best er að haga flokk-
un sorpsins og hvernig best er að
koma tunnunum fyrir við heimilin.
Erla Friðriksdóttir var spurð
út í ástæðuna fyrir því að farið var
af stað með verkefnið.
„Við erum að svara kalli tímans.
Í fyrra endurnýjuðum við samn-
ing okkar við Íslenska gámafélag-
ið um sorphirðu. Í kjölfarið var
ákveðið að hefja viðræður við það
um enn frekari flokkun á sorpinu.
Þeir hjá Íslenska gámafélaginu
eru mjög áhugasamir og opnir
fyrir því að minnka urðun á sorpi.
Við búum í neysluþjóðfélagi þar
sem stöðug aukning er á sorpi og
við því þarf að bregðast. Sveitar-
félagið sendir um 55 tonn af sorpi
á mánuði til urðunar í Fíflholt eða
tæp 700 tonn á ári, sem er mikið.
Okkar markmið er að minnka
sorp sem fer til urðunar a.m.k. um
60%, þannig að við sendum ekki
frá okkur nema um 300 tonn á ári,
en hin 400 tonnin verði endurunn-
in eða breytt í mold,“ segir Erla.
Hún segir að aukin flokkun
sorps muni kosta samfélagið meiri
peninga til að byrja með. Rétt sé
að beina sjónum að því jákvæða,
því með þessu sparist ýmislegt.
Minni akstur verður í Fíflholt,
urðunargjöld verða lægri og bæj-
arfélagið fær afurðirnar úr moltu-
gerðinni.
„Við vonumst til þess að með
því að staðsetja tunnurnar við
heimilin auðveldum við íbúunum
að flokka og koma sorpinu frá sér.
Mér hefur alltaf fundist Hólmarar
vera meðvitaðir um umhverfið og
náttúruna. Því er ég viss um að
við náum okkar markmiðum og
erum að taka farsælt spor inn í
framtíðina,“ segir Erla Friðriks-
dóttir bæjarstjóri.
Allt heimilissorp sem til fellur í Stykkishólmi verður flokkað frá 20. janúar
Skrefið stigið til fulls
Morgunblaðið/Gunnlaugur Árnason
Flokkun Þórunn Sveinbjarnardóttir umhverfisráðherra, Jón Frantz-
son, framkvæmdarstjóri Íslenska gámafélagsins, og Erla Friðriksdóttir
bæjarstjóri við tunnurnar þrjár sem verða við hvert heimili.
Kópasker | Skjálftafélagið er heiti félags
áhugamanna um Jarðskjálftasetur á
Kópaskeri sem nýlega var stofnað. Stefnt
er að því að setja upp sýningu strax í sum-
ar og stækka hana og efla í framhaldinu.
„Þetta er ársgömul hugmynd sem hefur
verið í vinnslu um skeið,“ segir Benedikt
Björgvinsson, sem upphaflega kom fram
með hugmyndina á námskeiði hjá At-
vinnuþróunarfélagi Þingeyinga. Hún fékk
síðan byr undir báða vængi eftir fund sem
samtökin Landsbyggðin lifi héldu á Kópa-
skeri. Formaður samtakanna, Ragnar
Stefánsson jarðskjálftafræðingur, hvatti
Benedikt og félaga hans til að gera meira
úr hugmyndinni en þeir höfðu haft í huga.
Sérstök undirbúningsnefnd hefur unnið
að málinu í samvinnu við Atvinnuþróun-
arfélag Þingeyinga og Þekkingarsetur
Þingeyinga. Nú hefur verið stofnað sér-
stakt félag um framkvæmdina, undir for-
ystu Benedikts. Átján gerðust stofn-
félagar.
Kveikjan að þessu öllu er jarðskjálftinn
sem reið yfir 13. janúar 1976 og hafði mik-
il áhrif á Kópaskeri og í nágrenninu. Hug-
myndin er að gera afleiðingum skjálftans
skil með sýningunni sem opnuð verður í
sumar, sem og jarðfræðilegri sérstöðu
svæðisins. Þá vonast Benedikt til að í
framtíðinni verði hægt að stuðla að rann-
sóknum á jarðfræði svæðisins.
Jarðskjálftasetur
stofnað á Kópaskeri
Morgunblaðið/Kristbjörg Sigurðardóttir
Stofnun Átján gengu í Skjálftafélagið á
Kópaskeri á stofnfundi á dögunum.
Aðalfundarboð
Aðalfundur Golfklúbbs Akureyrar
Verður haldinn fimmtudaginn
29. nóvember kl. 20:00.
Fundarstaður: Golfskálinn að Jaðri.
Dagskrá:
1. Kosning fundarstjóra
og ritara.
2. Skýrsla formanns.
3. Kynning á endurskoðuðum
ársreikningi félagsins.
4. Umræður um skýrslu
formanns og ársreikning
sem síðan skal borinn upp til
samþykktar.
5. Umræða og atkvæða
greiðsla um lagabreytingar
ef einhverjar eru.
6. Kosning stjórnar og
varamanna í stjórn –
Kosning í nefndir á vegum
klúbbsins.
7. Tillaga stjórnar um árgjöld
næsta árs.
8. Kosning endurskoðenda.
9. Önnur mál.
Stjórn Golfklúbbs Akureyrar