Morgunblaðið - 21.12.2007, Blaðsíða 6

6 FÖSTUDAGUR 21. DESEMBER 2007 MORGUNBLAÐIÐ
FRÉTTIR
VINNUSLYS varð rétt fyrir klukk-
an átta í gærkvöldi á byggingar-
svæði við Mánatún í Reykjavík.
Samkvæmt upplýsingum lögregl-
unnar féll maður á fertugsaldri um
10 metra og slasaðist töluvert.
Hann brotnaði bæði á höndum og
fótum og var fluttur á slysadeild.
Rannsókn á orsökum slyssins
stendur yfir.
Slasaðist
við vinnu
SJÓMÆLINGASVIÐ Landhelgis-
gæslu Íslands hefur vakið athygli
á því að fullt tungl er á aðfanga-
dag og að vanda sé stórstreymi því
samfara. Því sé ástæða fyrir sjó-
menn og aðra til að fylgjast vel
með veðurspá og loftþrýstingi.
Flóðspá er reiknuð út miðað við
venjuleg veðurskilyrði. Breytingar
á veðri valda mismun á útreiknuð-
um og raunverulegum sjávarföll-
um því töflur yfir sjávarföll eru
reiknaðar út miðað við meðalloft-
þyngd sem er við sjávarmál 1013
hPa.
Varað við
stórstreymi
TÍU fyrrverandi stjórnarmenn í
HPY-samsteypunni finnsku (Síma-
félagi Helsinki), sem nú heitir Elisa,
sendu í gær lesendabréf til finnska
blaðsins Helsingin Sanomat þar sem
þeir lýsa andúð sinni á tilraunum
Novators, fjárfestingafélags Björg-
ólfs Thors Björgólfssonar, til þess að
kljúfa Elisu í tvennt. Eins og fram
hefur komið í Morgunblaðinu hafa
hugmyndir Björgólfs Thors vakið
mikla athygli í Finnlandi og eru ekki
allir á eitt sáttir um þær, og hefur
stjórn félagsins lýst þeim sem til-
raun til valdaráns.
Fyrrverandi forsætisráðherra
Finnlands skrifar undir
Tímenningarnir vísa til lesenda-
bréfs sem Kurt Nordman, fyrrum
forstjóri Elisu, sendi til blaðsins hinn
5. desember sl. og segjast taka heils-
hugar undir þau sjónarmið sem þar
koma fram. Tillögur Novators séu
engan veginn jákvæðar fyrir Elisu.
„Allar aðgerðir, eins og að skipta
upp fyrirtækinu, skipta um stjórn
þess og breyta starfsaðferðum,
myndu samkvæmt okkar skilningi
einungis hafa það markmið að tæma
eigið fé fyrirtækisins sem hefur tek-
ið 125 ár að skapa.
Rökstuðningur Novators fyrir yf-
irtökutilraun, undir svo fallegum
heitum sem alþjóðavæðing og
framþróun Elisa, er einungis til að
slá ryki í augu til að ekki sjáist hin
raunverulega áætlun yfirtakandans.
Þess vegna hvetjum við alla hlut-
hafa, sérstaklega hinn stóra hóp lít-
illa hluthafa, að veita þeim aðila um-
boð sitt á aðalfundi fyrirtækisins,
sem hefur tilkynnt að hann ætli að
mótmæla áætlunum Novators,“ seg-
ir í bréfinu. Meðal þeirra sem skrifa
undir bréfið er Harri Holkeri, fyrr-
um forsætisráðherra Finnlands.
Reiknuðum með viðbrögðum
Orri Hauksson, sem haldið hefur
utan um þetta verkefni Novators í
Finnlandi, sagði að stjórnendur
Novators hafi fyrirfram gert sér
grein fyrir að það yrðu viðbrögð í
Finnlandi við útspili félagsins. Það
sé óvenjulegt í Finnlandi að hlut-
hafar séu að hlutast til um stjórn.
Novotor hafi lengi verið tilbúinn til
þess að taka meiri ábyrgð á stjórnun
félagsins.
Mótmæla tillögum
Novator harkalega
Fyrrum stjórnarmenn í Símafélagi Helsinki (Elisu) sendu yf-
irlýsingu í Helsingin Sanomat og vara við áformum Novators
M
arga undrar hve vest-
rænar, gamalreyndar
menningarþjóðir
skora lágt í Písa-
könnuninni marg-
umtöluðu. Lönd á borð við Danmörku,
Spán, Slóvakíu, Ísland, Noreg, Frakk-
land, Bandaríkin og Ítalíu raða sér í
tossabekk heimsins. Og Tékkland,
Þýskaland, Svíþjóð og Bretland lafa
rétt ofan við meðallag.
Hvernig skyldi standa á þessu? Má
láta sér detta í hug að ástæðan liggi
að einhverju leyti í lífsmáta þessara
sömu samfélaga? Til að mynda: Er
ekki æ stærri skerfur af veröld ung-
linga kominn út fyrir veggi skólastof-
unnar? Hjá okkur sem gengum í
skóla, fyrir einni kynslóð eða svo, var
veruleikinn að vísu ekki allur í skóla-
töskunni, en samt tiltölulega fljótlegt
að smala þau afréttarlönd sem hugur
unglinga leitaði inn á. Sá sem vildi
kynna sér bakgrunninn kæmist vænt-
anlega langt með að lesa bíóauglýs-
ingar, skoða dagskrá útvarps og sjón-
varps, fletta í gegnum dagblöð og
nasa af nokkrum bókum.
Aftur á móti núna! Hendir nokkur
reiður á þeim víðáttum sem taka við
einu barni þegar skólastofunni slepp-
ir? Og það sem meira er, er ekki
skólastofan orðin hálfgildings boð-
flenna í öllu því afþreyingarfári eða
hvað á að kalla sendingarnar sem
barninu bjóðast með nettengdri far-
tölvu og þráðlausum síma? Ég ímynda
mér að það sé ekki tekið út með sæld-
inni að vera kennari í dag, frá því að
tróna einn á toppi athyglinnar til þess
að þurfa að „verðskulda“ hana – að
öðrum kosti fjarstýrt burt. Dögum
oftar hlýtur hann að spyrja út í til-
gang sinn. Og nemandinn hver sé til-
gangur menntunar. Hverju svarar
samfélagið? Ekki á tyllidögum eða í
tækifærisræðum heldur því sem blasir
við í veruleikanum. Að það borgi sig
að leita sér menntunar? Að það sé hún
sem skili mestum afrakstri?
Orðið sem flestar Evróputungur
nota yfir menningu er „ræktun“ (kúlt-
úr). En til að sú ræktun megi takast
verður að vera jarðvegur, nægilega
djúpur fyrir rætur og eins þarf að
gæta þess að í moldina sytri ekki
spilliefni frá öllu því efnahelvíti sem
viðgengst á yfirborði jarðar. Aldrei
hafa aðrar eins holskeflur af dellu rið-
ið yfir hugarheiminn og nú. Sjálfsagt
væri ekki síður en í loftslagsmálum
nauðsyn að koma hér á einhverskonar
Kyoto-sáttmála um losunarkvóta. Að
hverri þjóð yrði gert að setja sér
markmið varðandi losunarheimildir á
glórulausri dellu. En myndu Banda-
ríkjamenn taka það í mál? Og á ekki
Kína alveg eftir að leysa út sinn dellu-
kvóta?
Það gildir víst einu hvort litið er til
efnis eða anda, rödd skynseminnar
segir eitt og hið sama: Það verður að
snúa við. Í stað „meira og meira“
verður að koma „minna og betra“.
Þetta er alveg ný staða í samfelldri
sögu tegundarinnar þær tvær og hálfa
milljón ára sem hún hefur lafað á
jarðarhnettinum. Alvanalegt er að
skorturinn hafi neytt hana til að tak-
marka sig, en aldrei fyrr hafa heilu
samfélögin staðið andspænis því að
hemja sig vegna ofgnægta. Enda ætl-
ar það ekki að ganga þrautalaust fyrir
sig, á það erum við minnt með nöfnum
á borð við Rio, Kyoto og nú síðast
Balí.
Mannkynið líkist manni sem hefur
misst áttanna, en þráast við og heldur
áfram villuráfi um æ meiri vegleysur
þrátt fyrir þrábeiðni eiginkonunnar
um að nema staðar og spyrja til veg-
ar. Það er ekki fyrr en vegaskilti með
áletruninni „hengiflug“ birtist að hann
tekur í mál að líta á kortið, og sann-
færist þá fyrst um nauðsyn þess að
snúa við. Nema hann taki sér í munn
orðin fleygu sem gárungarnir lögðu í
munn Leníns sáluga: „Félagar, í fyrra
vorum við á barmi hengiflugsins, í ár
höfum við tekið risaskref fram á við!“
Skakki turninn í Písa
» Orðið sem flestarEvróputungur nota yf-
ir menningu er „ræktun“
(kúltúr). En til að sú
ræktun megi takast verð-
ur að vera jarðvegur,
nægilega djúpur fyrir
rætur og eins þarf að
gæta þess að í moldina
sytri ekki spilliefni frá
öllu því efnahelvíti sem
viðgengst á yfirborði
jarðar.
Pétur
Gunnarsson
PISTILL
Enn betra golf 3
Enn betra golf
Eftir
Arnar Má Ólafsson
landsliðsþjálfara og
Úlfar Jónsson
margfaldan
Íslandsmeistara
og golfkennara
Eftir Arnar Má Ólafsson
landsliðsþjálfara og
Úlfar Jónsson
margfaldan Íslandsmeistar
a
GOLF
ENN BETRABETRA
G
O
LF
A
rnar M
ár Ó
lafsson og Ú
lfar Jónsson
11/20/07 11:46:42 PM
Jólabók golfarans!
Borgartúni 23 · 105 Reykjavík · Sími: 512 7575 - www.heimur.is
eftir Arnar Má Ólafsson og Úlfar Jónsson
Fæst í helstu bókabúðum og víðar!
Verð kr. 3.490,- m/vsk
STOFNFUNDUR Suðurlinda ohf.
var haldinn í Stóru-Vogaskóla í
Vogum gær en hluthafar í félaginu
eru; Grindavíkurkaupstaður, Hafn-
arfjarðarkaupstaður og sveitarfé-
lagið Vogar.
Í stofnsamþykkt sem var staðfest
á fundinum segir m.a. að félaginu
sé ætlað að standa vörð um sameig-
inlega hagsmuni sveitarfélaganna
Grindavíkur, Hafnarfjarðar og
Voga varðandi náttúruauðlindir við
Trölladyngju, Sandfell og Krýsu-
vík, m.a. mögulega nýtingu jarð-
varma og eignar- og nýtingarrétt
hvers sveitarfélags fyrir sig. Sér-
staklega verði horft til nýtingar
orkuauðlinda til atvinnuþróunar og
uppbyggingar í sveitarfélögunum
þremur.
Ólafur Örn formaður
Á fundinum var einnig kjörin
fimm mann stjórn til eins árs.
Formaður er Ólafur Örn Ólafs-
son, bæjarstjóri í Grindavík. Aðrir
stjórnarmenn eru Ellý Erlingsdótt-
ir, forseti bæjarstjórnar í Hafnar-
firði, Haraldur Þór Ólason bæjar-
fulltrúi Hafnarfirði, Birgir Örn
Ólafsson, forseti bæjarstjórnar
Vogum og Íris Bettý Alfreðsdóttir,
bæjarfulltrúi Vogum. | Miðopna
Suðurlindir
stofnsettar
Eftir Andra Karl
andri@mbl.is
ÓFÆRT var nema á bát upp að
bænum Ferjukoti í Borgarfirði í
gærdag vegna mikilla vatnavaxta í
Hvítá, og aðeins var hægt að komast
að bænum Auðsholti í Árnessýslu á
mjög stórum bílum eða dráttarvél-
um. Talið er að vatnavextirnir hafi
náð hámarki síðdegis í gær og þrátt
fyrir að spáð sé rigningu í dag muni
vatnshæðin minnka.
Þorkell Fjeldsted bóndi í Ferju-
koti sagði í samtali við Morgunblaðið
í gærkvöldi að hann merkti það þeg-
ar að vatnið hefði sjatnað. Það náði
þó enn yfir veginn og torfært væri að
komast að bænum. Hann sagði
vatnshæðina þó litla núna miðað við
oft áður en átti vart orð yfir miklar
breytingar í veðurfari að undan-
förnu. „Annaðhvort fýkur maður til
eða flýtur.“
Vegurinn upp að bænum hefur oft
farið illa í flóðum en Þorkell hafði
ekki miklar áhyggjur af því. Hann
yrði þá bara lagaður til í dag með
gröfum.
Á bænum Auðsholti vöknuðu íbú-
ar við það í gærmorgun að bærinn
var umlukinn vatni. Krakkarnir á
bænum komust því ekki á litlu-jólin,
þeim til mikillar armæðu, og póst-
urinn sneri fljótt við þegar hann sá í
hvað stefndi.
Steinar Halldórsson íbúi á Auðs-
holti sagði það ótrúlega tilviljun að
fyrir nákvæmlega ári, eða að kvöldi
19. desember, flæddi einnig. Það flóð
var hins vegar töluvert meira og náð
rúmlega þremur metrum þar sem
dýpst mældist. Í gær mældist vatnið
einn og hálfur metri yfir veginum.
Að sögn lögreglunnar á Selfossi í
gærkvöldi var talið að vatnavextirnir
hefðu náð hámarki og myndu ekki
valda frekari usla. Enginn viðbúnað-
ur var því vegna flóða.
Vatnið umlukti bæina
Morgunblaðið/Sigurður Sigmundsson
Á ferðinni Benedikt Kristinn Ólafsson, íbúi á Auðsholti, fór á traktornum
til að sækja póstinn um miðjan dag í gær, en póstberinn hafði snúið við.
Vatnsmagn var
farið að sjatna í
gærkvöldi
♦♦♦