Morgunblaðið - 21.12.2007, Blaðsíða 19
Morgunblaðið/Brynjar Gauti
Eftir Ingveldi Geirsdóttur
ingveldur@mbl.is
ÞAÐ verða sannkallaðir stór-
tónleikar í Akureyrarkirkju á milli
jóla og nýárs. Þar kemur Kristján
Jóhannsson tenórsöngvari fram
ásamt fimm ungum og upprennandi
söngvurum sem eiga það allir sam-
eiginlegt að hafa verið nemendur
hans.
„Ég fékk Kristján til að halda
fjögurra vikna námskeið á Íslandi
sem lauk nú fyrir jól þar sem hann
var með fjórtán íslenska söngvara í
einkatímum. Svo datt okkur, þessum
lærðu nemendum Kristjáns, í hug að
við þyrftum að skella saman einum
jólatónleikum, en við erum öll komin
að því að vera atvinnumenn. Því er
yfirskriftin á tónleikunum Kristján
Jóhannsson og vinir en ekki læri-
sveinar,“ segir Valdimar Hilmarsson
bassbarítón sem sótti einkatíma hjá
Kristjáni á Ítalíu. Auk hans koma
fram á tónleikunum í Akureyr-
arkirkju; Jóna Fanney Svav-
arsdóttir sópran, Alexandra Rigazzi-
Tarling messósópran, Gissur Páll
Gissurarson tenór og Hlöðver Sig-
urðsson tenór. Undirleikari á tón-
leikunum er Svíinn Magnus Gilljam
sem starfar í London.
„Algjör snillingur“
Spurður hvernig sé að vera læri-
sveinn Kristjáns lætur Valdimar vel
af því.
„Það er rosalega fínt. Kristján er
maður sem er búinn að fara í gegn-
um mikinn feril. Það er erfitt að
komast að söngvurum sem eru með
sömu reynslu og hann hefur fengið.
Tæknilega hefur hann tamið sér
hina svokölluðu ítölsku tækni og er
algjör snillingur í söngtækni hins
ítalska skóla og það er þekking sem
er líka mjög erfitt að ná í. Ég hef
verið víða um heim og hafði búið á
Ítalíu í tvö ár áður en ég fór loksins
til hans. Þá hafði ég hitt marga
kennara á Ítalíu og hann er sá lang-
besti. Kristján gerir mest fyrir okk-
ur sem erum lengra komin, þetta
eru ekki bara söngtímar heldur leið-
ir hann okkur líka áfram í því hvern-
ig á að komast inn í bransann,“ segir
Valdimar sem nam söng við Guild-
hall School of Music and Drama í
London 1999-2003 og síðar við Moz-
arteum í Salzburg.
Hann segir þá nemendurna halda
vel hópinn. „Kristján, ég, Gissur og
Hlöðver höfum verið kallaðir Skytt-
urnar fjórar. Við gerum margt ann-
að saman en að syngja.“
Verdi, Puccini og Mozart
Valdimar segir efnisskrá tón-
leikanna samansetta af mjög þekkt-
um perlum úr óperubókmenntunum
til dæmis eftir Verdi, Puccini og
Mozart auk nokkurra hátíðlegra
jólaperlna. „Kristján er náttúrlega
aðalnúmerið en við hin syngjum líka
einsöng og það verða nokkrir dúett-
ar.“ Alexandra, eiginkona Valdi-
mars, syngur eina íslenska jólalagið
á tónleikunum, „Ave María“ eftir
Sigvalda Kaldalóns. Þykir það
einkar skemmtilegt þar sem hún er
eini útlendingurinn í hópnum. Valdi-
mar segir að þeim hafi fundist við
hæfi að láta hana spreyta sig á ís-
lenskunni og henni takist vel upp
enda hafi hún góðan aðstoðarmann í
framburðinum, hann sjálfan.
Valdimar tekur þátt í uppfærslu
Íslensku óperunnar á La Traviata
eftir áramót. Eftir það verkefni seg-
ist hann vera óbókaður. „Það er allt
opið en ég er að reyna að koma mér
að helst á Ítalíu,“ segir Valdimar
sem mun eyða jólunum hjá for-
eldrum sínum í Grindavík. „Ég fæ að
syngja „Ó helga nótt“ í messu í
Grindavíkurkirkju á aðfangadag,
það er mikill hátíðleiki í því og þá
eru komin jól hjá mér,“ segir hann.
Tónleikar Kristjáns Jóhannssonar
og vina fara fram í Akureyrarkirkju
föstudaginn 28. desember kl. 20.
Valdimar segir að eins og staðan er í
dag sé aðeins gert ráð fyrir þessum
einu tónleikum sem Sparisjóður
Norðlendinga stendur fyrir en það
fari eftir aðsókn hvort slegið verði
upp aukatónleikum fyrir norðan.
Kristján og vinir á Akureyri
Kristján Jóhannsson heldur tónleika ásamt fimm nemendum sínum í Akur-
eyrarkirkju milli jóla og nýárs Flytja perlur úr óperubókmenntunum
Með lærimeistaranum Valdimar Hilmarsson, Hlöðver Sigurðsson, Kristján og Gissur Páll Sigurðsson.
MORGUNBLAÐIÐ FÖSTUDAGUR 21. DESEMBER 2007 19
MENNING
BÓKIN Last Rituals, ensk þýðing á
glæpasögu Yrsu Sigurðardóttur,
Þriðja táknið, fær ekki svo jákvæða
umsögn í bandaríska vikublaðinu
Village Voice. Bókin er sögð eiga að
höfða til aðdáenda hinna „dökku
norrænu sagna“ (e. Nordic noir), líkt
og glæpasögur Arnalds Indriða-
sonar og bækur Peter Hög og
Kerstin Ekman.
Í umsögn segir að Yrsa þrýsti á
„heita hnappa“; ævaforna, íslenska
galdra, miðaldatexta og „lík án
augna“. Söguhetja Þriðja táknsins,
Þóra Guðmundsdóttir, eigi hins veg-
ar ekki séns í lögreglumanninn Er-
lend í bókum Arnaldar.
Skrif Yrsu eru sögð „klunnaleg“
og skapa álíka andrúmsloft og finna
megi í „Cliffs Notes“ (bæklingar
sem gefnir eru út í Bandaríkjunum
nemendum til aðstoðar, m.a. stuttar
skýringar á bókmenntaverkum).
Samt sem áður fái Yrsa nokkur
stig fyrir samtöl í bókinni. Dæmi um
slíkt er gefið á ensku: „This is the
same T-shirt I saw in the photog-
raphs of the tongue operation,“
(„Þetta er sami stuttermabolurinn
og ég sá á ljósmyndunum af tungu-
aðgerðinni“, þýð. blaðamanns).
Þá segir blaðamaður að lokum að
alltaf megi halda í vonina um að önn-
ur bók Yrsu á enskri tungu, My Soul
to Take, verði betri.
Erlendur
betri
„Klunnaleg“ skrif en
samtöl oft ágæt
Betri Ingvar E. Sigurðsson sem
Erlendur í Mýrinni.
ROYAL Aca-
demy-listaháskól-
inn og -safnið í
London vinna nú
að því að bjarga
fyrirhugaðri sýn-
ingu sinni á rúss-
neskum og
frönskum meist-
araverkum. Örfá-
ar vikur eru í sýn-
ingaropnun en
Rússar hafa nú hætt við að lána
verkin, m.a. Hermitage-safnið í St.
Pétursborg og Pushkin-safnið í
Moskvu. Royal Academy var búið að
tryggja verkin fyrir tæpan milljarð
punda. Meðal verka sem átti að sýna
er „Dansinn“ eftir Matisse, sem er
talið eitt af lykilverkum vestrænnar
myndlistar. Það hefur verið í Rúss-
landi nær alla 20. öldina. Sýning-
arstjórar og yfirvöld Rússlands og
Bretlands hafa blandað sér í deiluna,
en samskipti ríkjanna hafa farið
versnandi frá því að hinn rússneski
Alexander Lítvínenkó, fyrrverandi
njósnari, dó á spítala í London eftir
að eitrað hafði verið fyrir honum.
Opinber skýring rússneskra yf-
irvalda á því að hætt hafi verið við
listaverkalánið er ótti við að afkom-
endur upphaflegra eigenda í Rúss-
landi muni gera tilkall til verkanna.
Engin lög í Bretlandi eru sögð geta
hindrað slíkt eignanám en menning-
armálaráðherra Breta hefur sent
rússneskum yfirvöldum bréf út af
málinu og segir þar að verkunum
verði skilað. Ótti Rússa er eðlilegur í
ljósi þess að tilraun var gerð til
eignaupptöku á 55 verkum Pushkin-
safnsins á sýningu í Sviss fyrir
tveimur árum.
Rússar
lána ekki
Hluti af verkinu
„Dansinn“.
AÐVENTUVAKA verður í
Fríkirkjunni í Reykjavík á
vetrarsólstöðum í kvöld kl. 21.
Flytendur tals og tóna verða
Aðalheiður Þorsteinsdóttir,
Anna Sigríður Helgadóttir og
Ása Björk Ólafsdóttir, en þær
flytja jólalög og sálma frá ýms-
um tímum.
Lesið verður úr ritningunni
á milli tónlistaratriða en auk
þess er á dagskránni stutt hug-
leiðing. Allt segja þær tónlistarkonurnar þetta
verða á rólegum nótum og stundina tilvalda til að
vinda ofan af streitu og öðlast svolítinn frið í sálina
í miðjum jólaundirbúningnum.
Allir eru hjartanlega velkomnir.
Tónlist
Tónlist og friður
á vetrarsólstöðum
Anna Sigríður
Helgadóttir
SAGNFRÆÐISTOFNUN
Háskóla Íslands hefur gefið út
bókina Íslandskvikmyndir
1916-1966 – Ímyndir, sjálfs-
mynd og vald eftir Írisi Ell-
enberger sagnfræðing. Íris
rekur þar sögu 60 heim-
ildamynda um Ísland í ljósi
sjónrænnar menningar, póli-
tísks andrúmslofts, viðskipta-
hagsmuna, strauma í kvikmyndagerð og kenninga
um það vald sem talið er innbyggt í miðilinn. Íris
Ellenberger lauk MA-prófi frá Háskóla Íslands
haustið 2006 og stundar nú doktorsnám í sagn-
fræði við sama skóla. Bókin Íslandskvikmyndir
1916-1966 er í Meistaraprófsritröð Sagn-
fræðistofnunarinnar.
Fræði
Saga heimilda-
mynda um Ísland
SÍÐUSTU kertaljósa-
tónleikar Camerarctica,
Mozart við kertaljós,
verða í Dómkirkjunni í
kvöld kl. 21. Hópurinn
hefur leikið tónlist eftir
Mozart í 15 ár og þykir
mörgum ómissandi að
koma úr miðri jólaösinni
inn í kyrrð og kertaljós í
rökkrinu. Á efnisskránni
eru tveir kvartettar eftir Mozart ásamt kvartett
eftir samtímamann hans, Carl Stamitz. Hópinn
skipa Ármann Helgason, klarinettuleikari, Hall-
fríður Ólafsdóttir, flautuleikari, Hildigunnur Hall-
dórsdóttir fiðluleikari, Guðrún Þórarinsdóttir,
víóluleikari og Sigurgeir Agnarsson, sellóleikari.
Tónlist
Camerarctica í síð-
asta sinn fyrir jól
Camerarctica
♦♦♦
SMÁRALIND SÍMI 545 1550 GLÆSIBÆ SÍMI 545 1500 KRINGLUNNI SÍMI 545 1580
ÍS
L
E
N
S
K
A
/S
IA
.I
S
/U
T
I
35
20
0
12
/0
6
í jólapakkann
Peysur, buxur og bolir
1.990
Verð frá