Morgunblaðið - 21.12.2007, Blaðsíða 23

MORGUNBLAÐIÐ FÖSTUDAGUR 21. DESEMBER 2007 23
AUSTURLAND
Eftir Steinunni Ásmundsdóttur
steinunn@mbl.is
„ÞAÐ verður væntanlega nóg af
verkefnum hjá Landsvirkjun á
næstu árum og vissulega er stefnt á
verkefni erlendis,“ segir Guðmundur
Pétursson, yfirverkefnisstjóri Kára-
hnjúkavirkjunar hjá Landsvirkjun.
Framkvæmdum við virkjunina lýkur
til fulls árið 2009. Guðmundur segir
mikinn uppgang í vatnsorkugeiran-
um í heiminum í dag. „Það er verið
að virkja um 150 þúsund megavött af
vatnsafli í heiminum um þessar
mundir, t.d. í Indlandi, Tyrklandi, Ír-
an, Suður-Ameríku og Kína, og
Svisslendingar eru líka að endur-
bæta hjá sér virkjanir og byggja
dælustöðvar. Það er því mikil eftir-
spurn eftir fagfólki og búnaði.“
Samið á góðum tímapunkti
Framleiðendur ná ekki að anna
eftirspurn eftir tækjum og búnaði og
mörg stór fyrirtæki treysta sér því
ekki til að bjóða í verkefni af þeim
sökum. Verðið hækkar í samræmi
við þetta og segir Guðmundur
Landsvirkjun heppna að hafa gert
alla sína samninga vegna Kára-
hnjúkavirkjunar fyrir þessa upp-
sveiflu. Indverjar ætli sér t.d. að
virkja um 30 þúsund megavött
næstu tíu árin og því þurfi að fram-
leiða gríðarmikið af rafölum, hverfl-
um og öðrum búnaði bara fyrir þá.
Guðmundur segir Landsvirkjun
vel í stakk búna til að veita ráðgjöf
erlendis, enda hafi hún komið að
mörgum verkum og lagt gott til víða.
Kárahnjúkavirkjun hafi verið kynnt
talsvert á alþjóðavísu, í fagtímaritum
og á stórum ráðstefnum. „Við erum
samt eins og dropi í hafið í því
samhengi með Kárahnjúkavirkjun.
Impregilo er t.d. búið að byggja um
180 stíflur um allan heim og vinna
um 3000 kílómetra af neðanjarðar-
göngum.“ Guðmundur segir til þess
tekið af erlendum verktökum og fyr-
irtækjum, sem komið hafa að Kára-
hnjúkaverkefninu, hversu gott sé að
eiga við Íslendinga, þeir séu sann-
gjarnir og áreiðanlegir og taki skjót-
ar og ígrundaðar ákvarðanir umfram
marga aðila erlendis.
150 þúsund MW í
vatnsaflsvirkjun
Morgunblaðið/Steinunn Ásmundsdóttir
Bjart Guðmundur Pétursson og
Gianni Porta í Kárahnjúkavirkjun.
Í HNOTSKURN
»Mikil aukning er í gerð vatns-aflsvirkjana á heimsvísu.
»Eftirpurn eykst stöðugt eftirfagfólki og búnaði í slíkar
virkjanir.
»Heppilegt var að samningarvegna Kárahnjúkavirkjunar
náðust fyrir nýjustu uppsveifluna.
Seyðisfjörður | Ljúft og gott veður hefur verið á Seyð-
isfirði að undanförnu og bærinn er orðinn mjög jóla-
legur. Seyðfirðingar fara enda margir hverjir á kostum
í jólaskreytingum húsa sinna og eru þau oft og tíðum
hreint augnayndi í skammdeginu. Miðbærinn iðar af
lífi og fólk er komið í besta jólaskap.
Ljósmynd/Einar Bragi Bragason
Jólaglit og gleði á Seyðisfirði
Reyðarfjörður | Fullkomin aðstaða
fyrir starfmenn Alcoa Fjarðaáls hef-
ur verið tekin í notkun í nýju og
glæsilegu starfsmannahúsi. Í gær
var boðið upp á hefðbundinn íslensk-
an jólamat og tónleika í nýjum mat-
sal fyrirtækisins. Auk matsalarins
og eins fullkomnasta eldhúss á Ís-
landi eru í húsinu móttaka, búnings-
og baðaðstaða, bókasafn, kennslu-
stofur og skrifstofur. Í gær hóf
Heilsuverndarstöðin einnig rekstur
heilsugæslu fyrir starfsmenn
Fjarðaáls í byggingunni.
Fyrirtækið Lostæti á Akureyri
sér um rekstur matsalarins og eld-
hússins, auk þess að sjá um veitingar
og næturmat víðs vegar um fyrir-
tækið. Gert er ráð fyrir að matsal-
urinn anni um 700 manns á sólar-
hring. Starfsmannahúsið er samtals
um 3650 fermetrar að flatarmáli og
þar af er veitingaaðstaðan rúmir 800
fermetrar. Við hönnun hússins lögðu
TBL arkitektar áherslu á að það
væri bjart og opið enda koma starfs-
menn og gestir fyrst að því á leið að
álverinu. Verktakafyrirtækið Atafl
byggði húsið og HRV veitti verk-
fræðiráðgjöf.
Eitt besta eldhús Íslands
Starfsmenn álversins fagna nýju mötuneyti á vinnustað
Einar Falur Ingólfsson. Kjartan Þorbjörnsson.
Komin er út bókin Í fyrsta kasti
eftir ljósmyndarana og stangveiðimennina
Einar Fal Ingólfsson og Kjartan Þorbjörnsson.
Jólagjöf stangveiðimannsins
Í þessari glæsilegu bók er að finna fjölda skemmti-
legra veiðisagna frá tugum viðmælenda þeirra félaga
ásamt óviðjafnanlegum ljósmyndum frá mörgum
helstu veiðisvæðunum hringinn í kringum Ísland.
Áskrifendum Morgunblaðsins býðst að fá þessa stórglæsilegu
bók á sérstöku verði með 25% afslætti. Fullt verð er 4.990
krónur en verð til áskrifenda er 3.750 krónur.
Bókina geta áskrifendur fengið í afgreiðslu Morgunblaðsins að
Hádegismóum 2, 110 Reykjavík eða pantað hana á mbl.is.
M
bl
94
06
02
„Feiknamerkileg bók, stútfull af spennandi
upplýsingum um veiðiár- og vötn.“
Bjarni Brynjólfsson, Veiðimaðurinn