Morgunblaðið - 11.01.2008, Side 2

Í HNOTSKURN
»Samkvæmt tölum Seðlabank-ans minnkuðu eignir lífeyr-
issjóðanna um tæplega 33 millj-
arða króna í nóvember en þetta
er 2% lækkun á heildareign-
unum.
»Allt bendir til að eignir líf-eyrissjóðanna hafi einnig
rýrnað í desember.
Eftir Egil Ólafsson
egol@mbl.is
EIGNIR lífeyrissjóðanna minnkuðu
um tæplega 33 milljarða í nóvember
samkvæmt tölum sem Seðlabankinn
birti í gær.
Þetta er 2% lækkun á heildar-
eignunum. Hrein eign lífeyris-
sjóðanna hefur ekki minnkað svo
mikið í einum mánuði frá því mán-
aðarlegar mælingar hófust árið
1997.
Eignir í verðbréfum með breyti-
legum tekjum (hlutabréf og verð-
bréfasjóðir) rýrnuðu um 38,5 millj-
arða í mánuðinum, en eignir í
verðbréfum með föstum tekjum
(skuldabréf) hækkuðu um rúmlega
10 milljarða.
Innlendar eignir lífeyrissjóðanna
lækkuðu um 21,1 milljarð í nóv-
ember og erlendar eignir sjóðanna
lækkuðu um 7,2 milljarða.
Heildareignir 1.646 milljarðar
Heildareignir lífeyrissjóðanna í
lok nóvember námu 1.646 milljörð-
um, en þær námu 1.500 milljörðum í
upphafi ársins 2007. Á tólf mánaða
tímabilinu til nóvemberloka jókst
hrein eign sjóðanna um 207 millj-
arða króna eða 14,4% sem er mun
hægari aukning en á árinu 2006
þegar hún jókst um 22,2%.
Hlutabréfaverð hér heima og er-
lendis lækkaði umtalsvert í desem-
ber og því bendir allt til að eignir
lífeyrissjóðanna hafi einnig rýrnað í
desember. Þær tölur liggja fyrir
eftir mánuð.
Eignirnar rýrnuðu
um 33 milljarða
Mesta rýrnun eigna lífeyrissjóða í einum mánuði frá upphafi
2 FÖSTUDAGUR 11. JANÚAR 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
ÚTLIT er fyrir að niðursveiflan á
hlutabréfamarkaði valdi því að tekjur
ríkisins af fjármagnstekjuskatti og
tekjuskatti lögaðila verði minni en
áætlað hefur verið. Engar tölur liggja
þó enn fyrir. „Ég geri ráð fyrir því að
fjárlaganefnd muni funda í næstu
viku, m.a. um þetta, og við munum fá
á fundinn fulltrúa efnahagsskrifstofu
fjármálaráðuneytisins. Einnig mun
ég vera í sambandi við Pétur Blöndal,
formann efnahags- og skattanefndar,
um hvort hugsanlega verði haldinn
sameiginlegur fundur nefndanna,“
segir Gunnar Svavarsson, formaður
fjárlaganefndar. Hann vill engu spá
um hversu háar fjárhæðir kann að
vera að tefla. „Það má vel vera í ljósi
þess sem gerðist á síðustu vikum árs-
ins að fyrirtækin sýni hugsanlega
breytta afkomu miðað við þær
afkomuspár sem uppi hafa verið.
Þetta eru tveir stórir tekjupóstar.“
Áætlað hefur verið að tekjur af
fjármagnstekjuskatti yrðu rúmlega
30 milljarðar á seinasta ári og á þessu
ári er gert ráð fyrir að hann skili 35
milljörðum á rekstrargrunni. Tekju-
skattur lögaðila skili 45,5 milljörðum
á rekstrargrunni í ár. Fjármálaráðu-
neytið birti í gær greiðsluafkomu rík-
issjóðs fyrir jan/nóv. 2007. Jókst fjár-
magnstekjuskattur um 54,6% á
þessum 11 mánuðum m.v. sama tíma
2006 og var um 23 milljarðar. Skv.
ráðuneytinu eru þessar tölur enn á
greiðslugrunni, ekki alveg sambæri-
legar við fjárlagatölur og koma ekki
að fullu til innheimtu fyrr en á þessu
ári.
Tapar ríkið á
niðursveiflunni?
Fjárlaganefnd ræðir áhrifin eftir helgi
RÍKISSAKSÓKNARI hefur gefið
út ákæru í Fáskrúðsfjarðarmálinu
svokallaða sem varðar tilraun nokk-
urra manna til að smygla um 40 kg af
fíkniefnum til landsins með skútu.
Mennirnir voru handteknir við kom-
una til Fáskrúðsfjarðar í september
á síðasta ári og lögðu lögreglumenn
hald á fíkniefnin.
Á rannsóknarstigi hjá lögreglu
gekk málið undir heitinu Aðgerð
Pólstjarna.
Einn maður er í haldi í Færeyjum
vegna málsins en hér á landi sitja
fjórir menn í gæsluvarðhaldi auk
þess fimmta sem hefur hafið afplán-
un á gömlum dómi.
Málið er komið til Héraðsdóms
Reykjavíkur og má vænta þess að
það verði þingfest innan tíðar. Þá
verða sakborningar spurðir út í sak-
arefnið og þeim gefinn kostur á að
tjá afstöðu sína til þess.
Í framhaldinu verður málið tekið
fyrir og ákveðið hvenær aðalmeðferð
og vitnaleiðslur hefjast.
Gefin út ákæra í Fá-
skrúðsfjarðarmálinu
Magn Reynt var að smygla 40 kg af
fíkniefnum til landsins með skútu.
„ÍBÚARNIR hér búa á því svæði
Íslands þar sem byggð er þéttari
en annars staðar og hafa almennt
takmarkaðan skilning á mikilvægi
þess að það sé þrengt að þeim
enn meira en orðið er,“ segir
Haraldur Ólafsson, íbúi við Há-
vallagötu, sem hefur gert alvar-
legar athugasemdir við fyrirætl-
anir í þá veru að byggja
fjölbýlishús á svokölluðum Bláa
róló, leikvelli á Blómsturvöllum.
Haraldur ásamt fleiri íbúum á
svæðinu vill að leikvöllurinn fái
að halda sér og Blómsturvellir fái
að standa. Auk þess vilja íbúarnir
að leiksvæðið verði stækkað og
reiturinn helgaður útivist og
börnum.
„Þarna er einstakt tækifæri til
að gera lítið, aðlaðandi útivist-
arsvæði fyrir íbúa Vesturbæj-
arsvæðisins um ókomna framtíð,“
segir Haraldur. „Með því að
byggja þarna væri verið að fórna
miklum hagsmunum fyrir litla.
Þá kemur að öðrum þætti þessa
máls, þ.e. hver ræður. Þarna kem-
ur verktaki og kaupir lóð á hóf-
legu verði. Stjórnmálamenn lang-
flestra flokka sem buðu fram í
síðustu borgarstjórnarkosningum
gáfu út yfirlýsingar varðandi
skipulag á þessu svæði sem lúta að
verndun reitsins og að ekki væri
tilefni til að fækka bílastæðum á
svæðunum. En svo gerist það að
embættismenn borgarinnar aug-
lýsa forsögn að deiliskipulagi þar
sem talað er sérstaklega um þétt-
ingu byggðar á þessum reit. Þá
hlýtur maður að spyrja sig hverjir
það séu sem stjórna. Eru það
verktakar sem skipa embættis-
mönnum fyrir verkum?“
Haraldur bendir einnig á að
Blómsturvellir séu gamalt og fal-
legt hús í röð svipaðra húsa sem
setja svip á vesturbæinn og rík
ástæða sé til að rífa ekki Blómst-
urvelli og mótmælir því að skipu-
lagsvinna af þessu tagi skuli ekki
kynnt betur en raunin sé.
Morgunblaðið/Frikki
Blái róló
fari ekki
undir hús
Andstaða við tillögu um að reisa hús á leikvelli í Vesturbænum
Eftir Elvu Björk Sverrisdóttur
elva@mbl.is
TVEIR af þremur læknum við Heil-
brigðisstofnun Blönduóss hafa sagt
upp störfum við stofnunina og hafa
stöðurnar verið auglýstar. Að sögn
Valbjörns Steingrímssonar, for-
stjóra stofnunarinnar, er megin-
ástæðan fyrir þessu sú að læknarnir
hafi verið ósáttir við breytingar á
túlkun kjarasamnings.
Hann segir kjarnann í málinu að í
mars 2006 hafi Læknafélagið gert
kjarasamning, sem kynntur hafi ver-
ið forstjórum heilbrigðisstofnana þá
um sumarið. Í samninginn hafi verið
sett bókun um að heilsugæslulækn-
ar, sem fái greitt samkvæmt gjald-
skrá fyrir læknisverk á vöktum, fái
gæsluvaktarkaup í álagsþrepi 0–9%
samkvæmt kjarasamningnum.
Óánægðir með túlkun
kjarasamningsins
„Það var ákveðið í haust að þessi
bókun yrði sett í gagnið næsta vor
hér á Blönduósi,“ segir hann. Bók-
unin sé víðast hvar í gildi á heilbrigð-
isstofnunum.
Valbjörn segir að um leið og þetta
var kynnt hafi hann tilkynnt að
vaktaskipulag læknanna yrði endur-
hannað og lagað að kjarasamningi.
Valbjörn segir að læknarnir á heil-
brigðisstofnuninni hafi verið
óánægðir með túlkun kjarasamn-
ingsins. Sú óánægja hafi orðið til
þess að tveimur mánuðum eftir að
breytingarnar voru kynntar, eða í
desemberbyrjun, hafi tveir lækn-
anna sagt upp. Annar þeirra sem
sögðu starfi sínu lausu er yfirlæknir
stofnunarinnar.
Valbjörn segir að það komi í ljós á
næstu vikum hvernig til takist með
ráðningar lækna, enda sé Blönduós
góður staður að vera og starfa á.
Tveir af þremur hætta
 Læknar við Heilbrigðisstofnun Blönduóss segja upp störf-
um og stöðurnar auglýstar  Ósáttir við túlkun á samningum
INDRIÐI H. Þorláksson, fyrrver-
andi ríkisskattstjóri, telur miklu
skynsamlegra að taka upp tveggja
þrepa skattkerfi heldur en taka upp
viðbótarpersónuafslátt eins og ASÍ
hefur lagt til. Hann hvetur til þess
að tveggja þrepa tekjuskattur verði
skoðaður.
„Hugmynd ASÍ virðist (mis-
heppnuð) tilraun til að komast hjá
tveggja þrepa skattkerfi sem hefur
að ósekju verið útmálað sem grýla.
Staðreyndin er sú að tveggja þrepa
skattkerfi er einfalt í framkvæmd
og staðgreiðsla í því yrði ámóta
nákvæm og nú er með lítilli breyt-
ingu á staðgreiðslukerfinu,“ segir
Indriði. | 25
Vill láta skoða
tveggja þrepa
tekjuskatt
LÖGREGLAN á Suðurnesjum
handtók þrjá pilta undir tvítugu í
gærkvöldi fyrir meinta hand-
rukkun. Atvikið gerðist á bersvæði
í Vogum og hafði lögreglan fengið
ákveðnar grunsemdir um að verið
væri að handrukka á svæðinu. Lög-
reglan tók piltana í yfirheyrslu á
lögreglustöð. Þeir höfðu ekki sýnt
skuldunautum sínum ofbeldi, en
lögregla segir að ofbeldi hafi hins-
vegar verið hótað. Piltarnir streitt-
ust ekki á móti handtöku.
Teknir fyrir
rukkanir