Morgunblaðið - 05.03.2008, Blaðsíða 36

Teikningin er komin
aftur í tísku í myndlist-
inni, eftir langt tímabil út-
legðar og forsmánar … 40
»
reykjavíkreykjavík
ÞAÐ kom mörgum á óvart þegar af
því fréttist að hljómsveitin Jakobín-
arína hefði lagt upp laupana. Sveitin
var með þeim allra efnilegustu og
svo virtist sem heimsfrægðin ein
lægi fyrir þessum ungu drengjum
sem voru jafnsvalir á sviði og þeir
voru kokhraustir í blaðaviðtölum.
En allt kom fyrir ekki, hjólin snerust
of hratt og drengirnir í Jakobínurínu
urðu fljótt þreyttir á eilífum ferða-
lögum, blaðaviðtölum og félagsskap
sem var ekki beint sá sem maður
óskar sér á táningsárunum. Nú á
laugardaginn verður sveitinni fylgt
til grafar á Organ þar sem vinir og
vandamenn geta vottað sveitinni
virðingu sína, eins og að því er ýjað í
fréttatilkynningu, og séð sveitina
spila í síðasta skipti á Íslandi.
Hljómsveitirnar Singapore Sling og
Mammút hita upp en auk þeirra
kemur fram fjöldinn allur af plötu-
snúðum sem hyggjast sjá syrgj-
endum fyrir viðeigandi sorg-
arsálmum. Tónleikarnir hefjast kl.
22 og aðgangseyrir er 1.000 krónur.
Innifalið í verði er fyrsta og síðasta
breiðskífa Jakobínurínu The Last
Crusade.
Blessuð sé minning Jakobínurínu.
Jarðarför Jakobínurínu
Jakobínarína Hallbergur Daði Hallbergsson, Ágúst Fannar Ásgeirsson,
Sigurður Möller Sívertsen, Björgvin Ingi Pétursson, Gunnar Bergmann
Ragnarsson og Heimir Gestur Valdimarsson.
 Miðasala á tón-
leika Erics Clap-
tons í Egilshöll
fór heldur betur
vel af stað í gær.
Viðbrögðin létu
heldur ekki á sér
standa þegar því var ranglega hald-
ið fram hér í Morgunblaðinu að
miðasala hæfist mánudaginn. Miða-
sölusímar voru rauðglóandi fram
eftir degi eða allt þar til leiðrétt-
ingin birtist á mbl.is.
En tónleikahaldarar hljóta að
vera í skýjunum yfir skjótum við-
brögðum íslenskra aðdáenda Clap-
tons. Um 8.000 miðar seldust á tón-
leikana fyrsta hálftímann eftir að
miðasala hófst kl. 10 og fjórum tím-
um síðar höfðu 9.500 manns tryggt
sér miða á tónleikana í forsölu.
Langflestir miðarnir seldust á
netinu í gær eða 95%, en 5% í versl-
unum Skífunnar og BT en þar
höfðu á einhverjum stöðum-
myndast raðir áður en opnað var
fyrir miðasölu.
Miðasala á Clapton
gengur vonum framar
 Nú styttist óðum í afmælistón-
leika Sálarinnar hans Jóns míns
sem haldnir verða í Laugardalshöll-
inni föstudagskvöldið 14. mars
næstkomandi. Þrátt fyrir að ein-
ungis mánuður sé liðinn frá því að
tilkynnt var um tónleikana og frek-
ar lítið hafi farið fyrir auglýsingum
hefur miðasala gengið gríðarlega
vel, og er nú svo komið að um það
bil 5.000 miðar hafa selst. Það þýðir
að aðeins örfáir miðar eru eftir á
tónleikana, en þess má geta að upp
seldist í stúku á fyrsta degi.
Ítarlegt viðtal við Sálina verður
birt í Morgunblaðinu um helgina.
Vel selst á Sálina
Eftir Helga Snæ Sigurðsson
helgisnaer@mbl.is
ÞAÐ verður haldin pönkhátíð á Grand Rokk á
laugardaginn, heiðurspönktónleikar þar sem
flutt verða 40 lög eftir hljómsveitir á borð við
Clash, Sex Pistols, Stiff Little Fingers, Ramones,
Stranglers, Buzzcocks og Sham 69. Nokkrir
gamlir, íslenskir pönkarar sjá um flutninginn,
liðsmenn úr Fræbbblunum, Snillingunum,
Taugadeildinni, Tappa Tíkarrassi, Q4U, Das
Kapital, Oxsmá, Mogo Homo o.fl. íslenskum
pönkhljómsveitum. Sveitirnar koma ekki fram
heilar, svo því sé haldið til haga, heldur einstaka
meðlimir þeirra.
Valgarður Guðjónsson, söngvari Fræbbblanna
og gítarleikari, segir sveitina hafa fengið hug-
myndina að tónleikunum sem og Árni Daníel úr
Taugadeildinni. Spurður að því hvort hann hafi
orðið var við einhvers konar upprisu pönksins á
Íslandi nýverið svarar Valgarður því að honum
hafi eiginlega alltaf þótt hún alltaf vera í gangi.
„Ef þú hlustar á Ramones, Jam, Clash eða eitt-
hvað af þessum hljómsveitum í dag sem þóttu
ofsalega grófar og byltingarkenndar á sínum
tíma þá er þetta bara mjög venjuleg rokkmúsík.
Tónlistin var bara orðin svo ofsalega skrítin á
þessum tíma að þetta þótti gróft og hrátt og allt
það. Í rauninni er þetta bara mjög flott músík og
mér finnst hálfgerð afskræming sú ímynd sem
pönkið virðist hafa í dag, td. í einhverri sam-
keppni um daginn, þetta er komið svo langt frá
öllum uppruna og öllu sem þetta gekk út á að ég
er eiginlega bæði illa pirraður og hálf miður
mín,“ segir Valgarður; illa sé farið með ímynd
pönksins og gefið í skyn að það hafi verið tómt
rugl.
Hvernig útskýrir hann þá pönkið fyrir þeim
sem ekkert veit? „Þetta var í rauninni bara
hrátt, einfalt og skemmtilegt rokk. Þetta kemur
þegar bæði diskóið og progg-rokkið er á fullu og
menn algjörlega búnir að týna sér, komnir út í
annars vegar flókna og hundleiðinlega hluti og
hins vegar þetta mónótóníska diskó,“ útskýrir
Valgarður.
Pönkið hafi í raun verið afturhvarf til rokks-
ins eins og það var á sjöunda áratugnum. „Ég er
bæði alveg miður mín og þetta fer ferlega í taug-
arnar á mér,“ undirstrikar Valgarður. Pönkið
hafi verið svo miklu meira en öskur og læti,
meira í það lagt í tónum og textum en látið sé í
veðri vaka nú á tímum.
Hugmyndin er að halda árlega pönkhátíð á
borð við þá sem haldin verður á laugardaginn,
þar sem spiluð verða lög frá upphafi pönkbylgj-
unnar. Valgarður segir tónleikana 100% heið-
urstónleika, til heiðurs upphafsmönnum pönks-
ins. „Miðað við það sem ég hef séð af
hljómleikum síðustu ár eru menn mjög flottir,“
segir hann um íslensku pönkarana sem troða
upp 8. mars.
– Há engin gömul pönkmeiðsl mönnum, t.d.
heyrnarskemmdir?
„Ég er með það fína heyrn að ég þoli lítinn há-
vaða á nóttunni,“ svarar Valgarður. Hann vakni
við minnsta hávaða. Allir hinir séu í fínu formi
líka að hann best viti. Ókeypis aðgangur er á
pönkhátíðina, leikar hefjast kl. 22 og standa
fram á nótt enda heil 40 lög sem verða flutt. Það
er því skyldumæting fyrir alla unnendur góðs
pönks, á hvaða aldri svo sem þeir kunna að vera.
100 prósent pönk
 Valgarður í Fræbbblunum segir pönkið afskræmt og misskilið
 Tónleikar því til heiðurs verða haldnir á Grand Rokk um helgina
Ljósmynd/ Viktor Orri Valgarðsson
Alvöru pönkarar Fræbbblarnir á Menningarnótt 2007. Valgarður fremstur í flokki sem fyrr.
■ Á morgun kl. 19.30
Gamalt og nýtt
Enginn vill missa af Sigrúnu Eðvaldsdóttur leika hinn magnaða
fiðlukonsert Albans Berg. Auk hans eru á efnisskránni verk meist-
aranna Brahms og Bach í meistaralegum hljómsveitarbúningi
Schönbergs og Weberns. Hljómsveitarstjóri: Rumon Gamba
Einleikari: Sigrún Eðvaldsdóttir
Missið ekki af tónleikakynningu Vinafélags SÍ. Súpa og fyrirlestur á
Hótel Sögu kl. 18. Aðeins 1.200 kr. Allir velkomnir.
■ Fim. 13. mars kl. 19.30
Páskatónleikar
Söngsveitin Fílharmónía og evrópskir einsöngvarar í fremstu röð
taka þátt í flutningi Þýskrar sálumessu eftir, Brahms, eins mesta
snilldarverks kórbókmenntanna.
■ Lau. 15. mars kl. 17.00
Kristallinn – kammertónleikaröð í Þjóðmenningarhúsinu
Kvartett fyrir endalok tímans eftir Messiaen er eitt áhrifaríkasta
snilldarverk tuttugustu aldarinnar.Miðasala
S. 545 2500
www.sinfonia.is