Morgunblaðið - 08.03.2008, Blaðsíða 24

lifun
24 LAUGARDAGUR 8. MARS 2008 MORGUNBLAÐIÐ
Uppáhaldshornið er hér viðborðstofuborðið mitt þarsem ég hef óheft útsýni útá Fossvoginn, yfir til Dor-
ritar og Ólafs á Bessastöðum. Ætli ég
sé ekki eins og fýllinn, sem nær ekki
flugi nema sjá sjóinn,“ segir mat-
reiðslumeistarinn Úlfar Eysteinsson,
sem fyrir löngu er orðinn lands-
þekktur veitingamaður á Þremur
Frökkum við Baldursgötu í Reykja-
vík og stendur auk þess gjarnan við
grillið á árlegum Bryggjudegi sem
íbúar við Bakkabraut í Kópavogi
standa fyrir í tengslum við sjómanna-
daginn.
Vel syndur matseðill
„Ég opnaði Þrjá Frakka á bjórdag-
inn 1. mars árið 1989 og á því orðið
nítján ára gamla kennitölu í veitinga-
húsabransanum sem verður að telj-
ast hálfgert met nú til dags. Það er
hinsvegar ekki bjart framundan í
ljósi komandi efnahagslægðar, sem
nú þegar er farin að taka á sig myndir
með minnkandi aðsókn. Bandaríkja-
menn, að frátöldum nokkrum fræg-
um leikurum, eru hættir að koma til
Íslands vegna dýrtíðar í ljósi lágs
dollaragengis og þegar ferðamála-
yfirvöld senda frá sér tölur um vax-
andi fjölda ferðamanna til landsins
eru meðtaldir þúsundir pólskra
verkamanna, sem leið eiga um Leifs-
stöð með reglulegu millibili,“ segir
Úlfar ómyrkur í máli.
„Það er samt alltaf jafn-gaman að
geta glatt fólk með góðum mat, en
segja má að matseðillinn sé vel synd-
ur því ég býð eingöngu upp á fiskmeti
og sjófugl auk íslenska fjallalambsins
sem verður að fá að vera með. Og enn
er til hrefnukjöt, sem hefur átt geysi-
legum vinsældum að fagna enda er ég
að selja af því um tvo tonn árlega,“
segir Úlfar, sem segist vera svo þræl-
heppinn að hafa börnin sín tvö með í
rekstrinum. Sonurinn Stefán hafi fet-
að í fótspor föðurs síns með því að
læra til kokks og dóttirin Guðný
Hrönn sjái m.a. um starfsmannamál
og launabókhald.
Dellukarl þarf dótakassa
Úlfar hafði búið í 16 ár í „sveitinni“
upp við Vatnsenda er hann fluttist út
á Kársnestá við Kópavogshöfn 2003,
en húsið var reist sem verbúð 1997.
Þar eru níu tveggja hæða sambyggð
hús, sem í eru 10 íbúðir og „dótakass-
ar“ á neðri hæðum í þeim flestum,
eins og Úlfar orðar það. „Ég á mér
mikið af áhugamálum og geymi þarna
meðal annars báta, bíla og ýmis önn-
ur dellutengd tól og tæki. Gólfflötur-
inn er 120 fm og íbúðin mín því jafn-
stór og einhvern veginn þarf einn
karl að réttlæta það fyrir sjálfum sér
að búa svona rúmt.“ Í Kópavogshöfn,
seinsnar frá íbúðinni, liggur svo bát-
urinn Krummi við festar, níu metra
langur Mótunarbátur, sem Úlfar á í
félagi við sjómanninn og þúsund-
þjalasmiðinn Auðun Stefnisson, sem
hjálpaði Úlfari að innrétta íbúðina.
„Þó Auðunn sé með þykkustu hendur
sem ég hef séð, leika smæstu hlutir í
höndunum á honum.“
Sjóstangaveiði, rallýakstur og
bridds eru meðal áhugamála Úlfars.
Á góðviðrisdögum siglir Krummi
gjarnan á sjó svo eigendur hans geti
dorgað eða skotið langvíu eða álku úti
á Syðra-Hrauni. Úlfar hefur sömu-
leiðis tekið þátt í fjölda rallýkeppna
og sjóstangaveiðikeppna og fjölda
bridskeppna. „Ég held þó að ég sé
búinn að missa kjarkinn í rallýinu, en
sjóstangaveiðin kemur örugglega til
með að fylgja mér áfram. Við erum
nú þegar farnir að undirbúa 220
manna Evrópumót í sjóstangaveiði,
sem áformað er að halda hérlendis
vorið 2010. Bridsspilamennskan er
svo vetrarsport sem lítið hefur verið
stundað að undanförnu vegna eigin
vaktavinnu,“ segir Úlfar, en bætir við
að hann hafi svo frekar nýlega fest
kaup á litlu sumarhúsi á Siglufirði.
Veðjar á myndlistina
Myndlist blasir við á öllum veggj-
um þegar inn til Úlfars er komið enda
segist hann kaupa sér mynd en ekki
hlutabréf, eigi hann aukakrónur af-
lögu. „En nú vantar mig meira vegg-
pláss því ég kem ekki nema helm-
ingnum af myndunum mínum á
veggina,“ segir Úlfar, sem lauslega
áætlar myndlistareign sína upp á um
eitt hundrað myndir eftir marga
þekkta listamenn. „Ætli ég hafi ekki
smitast af myndlistarbakteríunni hjá
Tolla í Síld og fisk þegar ég var að
læra til kokks hjá honum í Leikhús-
kjallaranum og síðar færði ég mig yf-
ir á Holtið þegar hann tók við því,“
útskýrir Úlfar.
Ein listakona fær þó meira vegg-
pláss en aðrar listaspírur, en það er
Sigurdís Harpa Arnarsdóttir, ættuð
frá Vestmannaeyjum. „Hún útskrif-
aðist frá Myndlistarskólanum á Ak-
ureyri fyrir einum tíu árum og ég
bara veðjaði á hana með því að
styrkja hana enda lofar hún góðu.
Sjálfur hef ég kosið að fjárfesta í
myndlist sem þýðir að maður verður
að vera opinn fyrir ungum og upp-
rennandi listamönnum áður en þeir
verða „alvöru“ frægir,“ segir Úlfar að
lokum.
Í stofunni Vel fer um Úlfar í Chesterfield-sófanum í stofunni, þó borð-
stofuborðið sé engu að síður uppáhaldshorn hans í íbúðinni. Þaðan hefur
hann nefnilega óheft útsýni út á Fossvoginn.
Nær ekki flugi nema sjá út á sjó
Við Bakkabraut Húsið er á tveimur hæðum. Íbúðin eru á efri hæðinni,
áhugamálin á þeirri neðri og báturinn Krummi liggur í Kópavogshöfn.
Fiskur og fugl er uppi-
staðan í því sem Úlfar Ey-
steinsson matreiðir fyrir
gesti sína á Þremur frökk-
um. Jóhanna Ingvarsdótt-
ir þáði hins vegar kaffi
heima hjá Úlfari þar sem
hann býr við Kópavogs-
höfn, hefur útsýni yfir sjó-
inn til Bessastaða og á sér
risastóran dótakassa und-
ir öll áhugamálin sín.
Keppnismaður Nokkra verðlaunabikara á Úlfar eftir
þátttöku í sjóstangaveiðikeppni og rallýkeppni.
Háaloftið Loftið í húsinu var tekið niður og þar
síðan búið til manngengt geymsluloft.
Morgunblaðið/Valdís Thor
Íbúðin Veggirnir eru þakktir myndverkum og eru verkin raunar fleiri en svo að hægt sé að koma þeim fyrir í
íbúðinni. Úlfar áætlar að hann eigi um eitt hundrað listaverk eftir fjölda listamanna.
Dellukarlinn Úlfar Eysteinsson býr
ekki bara til góða sjávarrétti, því
sjórinn togar í hann á fleiri vegu.
Í eldhúsinu Ikea-innrétting úr eik
er í eldhúsi og á vegg blasir við
málverk eftir Tryggva Ólafsson.
Sjálfur hef ég kosið að
fjárfesta í myndlist sem
þýðir að maður verður að
vera opinn fyrir ungum og
upprennandi listamönnum