Morgunblaðið - 08.03.2008, Blaðsíða 50

50 LAUGARDAGUR 8. MARS 2008 MORGUNBLAÐIÐ
Eftir Höskuld Ólafsson
hoskuldur@mbl.is
„ÞETTA gekk ekki upp,“ segir
Kiddi Bigfoot, eigandi eins elsta og
merkasta tónleikastaðar landsins,
Gauks á Stöng, sem lokar á allra
næstu dögum.
„Ég reyndi í tæpt ár að láta stað-
inn ganga sem tónleikastað en það
er af sem áður var þegar staðurinn
fylltist af tónleikaþyrstum gestum
um hverja einustu helgi.“
Kiddi er þó ekki á bak og burt því
Gauknum verður undir hans stjórn
breytt í klúbb og í stað sveittra rokk-
ara verður tónlistinni stjórnað af
dansvænum plötusnúðum.
Aðspurður hvað þurfi til að láta
tónleikastað ganga í dag segir Kiddi
að það sé í fyrsta lagi erfitt að fá vin-
sælar ballhljómsveitir til að spila nú-
orðið.
„Það er mikið að gera hjá þessum
sveitum í einkasamkvæmum og í
brúðkaupum og svo eru ekki marg-
ar svona sveitir að koma fram á sjón-
arsviðið. Það er frekar að svona ró-
legar sveitir séu vinsælar í dag og
þær henta ekki stað eins og Gaukn-
um. Hljómsveitir eins og Á móti sól,
Dalton og Nýdönsk hafa fyllt húsið
nokkrum sinnum hver en þessar
sveitir eru dýrar og fólk vill helst
ekki greiða sig inn á svona tón-
leika,“ segir Kiddi, augljóslega svo-
lítið dapur í bragði, enda var það
ekki síður af hugsjón sem hann fór
út í þennan bransa.
„Það er hins vegar ekki nóg og
maður verður líka að eiga fyrir salti
í grautinn. Ég reyndi mitt besta við
að halda uppi heiðri Gauksins og það
er erfitt að sjá á eftir þessum
rekstri.“
Nýja nafnið ekki enn ákveðið
En Kiddi er líka bjartsýnn á fram-
tíð nýja staðarins. „Við ætlum að
breyta staðnum töluvert að innan og
nú eru teikningar í smíðum hjá arki-
tektastofu út í bæ. Segir hann að
klúbburinn verði mjög flottur en lof-
ar þó að verðlagið verði ekki of hátt.
„Ég mun örugglega ekki nenna að
standa í því að flytja inn plötusnúða
sjálfur. Verð frekar í samstarfi við
þá sem það gera í dag.“ Aðspurður
hvort svona klúbbur kalli ekki á opn-
unartíma langt fram á næsta dag
segir Kiddi að nú þegar hafi hann
leyfi til hálfsex á morgnana. „Ég
verð alla vega ekki með opið lengur
en leyfið segir til um.“
En hvað á nýi klúbburinn að
heita?
Það hefur enn ekki verið ákveðið
en að öllum líkindum verður það
nafn sem allir kannast við og tengja
við annan og eldri skemmtistað“
Blaðamaður nefnir alla staði sem
honum koma í hug; Hollywood,
Glaumbæ, Sigtún, Þórscafé, Klúbb-
inn og Tjarnarbúð, en allt fyrir ekki,
Kiddi er þögull sem gröf ... Gauks á
Stöng.
Nýr klúbbur rís úr ösku Gauks á Stöng
Kiddi Bigfoot sér
eftir Gauknum
en segir rekstur-
inn ekki hafa
staðið undir sér
Morgunblaðið/RAX
Sárt að kveðja Rúmlega tveggja áratuga sögu Gauksins er senn lokið.
Morgunblaðið/Golli
Rokk og ról Rokkið er dautt á Gauknum, blóm og kransar afþakkaðir.