Morgunblaðið - 08.03.2008, Blaðsíða 20

20 LAUGARDAGUR 8. MARS 2008 MORGUNBLAÐIÐ
AKUREYRI
Eftir Helga Bjarnason
helgi@mbl.is
Vallarheiði | „Ég hef trú á þessu
svæði. Það hefur verið verkefni
okkar Suðurnesjamanna að taka á
hlutunum með bjartsýni. Það var
sorglegt að sjá hverfið fara í eyði
þegar varnarliðið fór en núna er
þetta komið í gott horf. Og það er
varanlegt, ekki vofir lengur yfir að
starfsemin hverfi í burtu einn góð-
an veðurdag, eins og var með her-
inn,“ segir Ingólfur Karlsson, veit-
ingamaður í Langbest í Keflavík.
Hann og kona hans, Helena Guð-
jónsdóttir, hafa tekið á leigu hús-
næði á Vallarheiði og opna þar
veitinga- og kaffihús í maí.
Ingólfur gerði í gær samning
um aðstöðuna við Háskólavelli sem
eiga húsnæðið og Þróunarfélag
Keflavíkurflugvallar. Litið er á
uppbyggingu staðarins sem þróun-
arverkefni sem þessir aðilar
standa að. Framkvæmdir við að
lagfæra húsnæðið eru að hefjast.
Gróska á Suðurnesjum
Veitinga- og kaffihúsið verður í
þjónustubyggingu sem áður hýsti
aðal skyndibitastað vallarins.
Margir þekkja hann undir heitinu
Wendýs, eða Viking sem er enn
eldra heiti, en síðustu ár varn-
arliðsins var hann rekinn undir
merkjum Subway og Taco Bell. Í
sama húsi er Samkaup með versl-
un og ýmis önnur þjónusta er fyr-
irhuguð. Þetta verður um 100
manna veitingastaður, skyndibita-
staður í hæsta gæðaflokki, eins og
Ingólfur tekur til orða, eins og
Langbest við Hafnargötuna í
Keflavík sem Ingólfur og Helena
hafa rekið í ellefu ár. Þau eru með
vínveitingaleyfi. Kaffihúsið er nýj-
ung í þeirra rekstri. Það opnar
fyrr á morgnana og lokar seinna á
kvöldin en veitingastaðurinn.
Ingólfur segist ráðast í útvíkkun
rekstrarins til þess að þjóna ört
vaxandi samfélagi á Vallarheiði en
einnig telur hann að það vanti
veitingastað af þessu tagi á Suð-
urnesin. Langbest við Hafnargöt-
una hefur sprengt utan af sér hús-
næðið og verður hluti starf-
seminnar fluttur á nýja staðinn, til
dæmis heimsendingarþjónustan.
Telur Ingólfur nýja staðinn ágæt-
lega staðsettan gagnvart nýju
hverfunum í Reykjanesbæ.
Spurður um tækifærin vekur
Ingólfur athygli á því að íbúum
Suðurnesja fjölgi ört. Þar hafi ver-
ið mesta fólksfjölgun á öllu landinu
á síðasta ári. Íbúar háskólahverf-
isins á Vallarheiði eru nú um eitt
þúsund og fer fjölgandi. Að sögn
Ingólfs er reiknað með að þeir
verði orðnir sautján hundruð í
haust. Þá segir hann mikla grósku
framundan svo sem vegna upp-
byggingar á netþjónabúi og öðrum
verkefnum á Keflavíkurflugvelli og
álveri í Helguvík. Það sé því full
þörf á því að auka við þjónustuna
við íbúana.
Hef trú á þessu svæði
Veitingastaður Þjónustukjarni fyrir háskólahverfið er í húsi sem áður
hýsti sömu starfsemi í þágu varnarliðsins og starfsmanna þess.
Langbest opnar
veitinga- og kaffi-
hús á Vallarheiði
Morgunblaðið/Helgi Bjarnason
Færa út kvíarnar Ingólfur Karls-
son og Helena Guðjónsdóttir.
Reykjanesbær | Fimmtíu ár eru lið-
in frá stofnun Bæjar- og héraðs-
bókasafns Keflavíkur sem varð síð-
ar hluti af Bókasafni Reykjanes-
bæjar.
Lestrarfélög voru stofnuð í sveit-
arfélögunum á Suðurnesjum í byrj-
un tuttugustu aldar. Eftir að lög um
almenningsbókasöfn voru sam-
þykkt 1955 hélt Lestrarfélagið í
Höfnum áfram starfsemi sinni en
Bóksafn Njarðvíkur var stofnað
1956 og Bæjar- og héraðsbókasafn
Keflavíkur formlega opnað 7. mars
1958. Þegar sveitarfélögin voru
sameinuð 1994 sameinuðust söfnin
undir merkjum Bókasafns Reykja-
nesbæjar.
Göngugata Bókasafn Reykjanesbæjar er til húsa í Kjarna við Hafnargötu.
Fimmtíu ára bókasafn
Reykjanesbær | Sýningu Daða Guð-
björnssonar listmálara, Dans ele-
mentanna, í Listasafni Reykjanes-
bæjar lýkur á morgun. Sýningin
hefur verið vel sótt. Í dag opnar Sól-
veig Dagmar Þórisdóttir sýninguna
För hersins í Bíósal Duushúsa.
Daði verður með leiðsögn fyrir al-
menning um sýninguna í dag, laug-
ardag, klukkan 14.30. Guðbjörn Guð-
björnsson söngvari, bróðir Daða,
syngur nokkur lög við undirleik
Ragnheiðar Skúladóttur.
Sýning Sólveigar Dagmarar Þór-
isdóttur var fyrst opnuð í Þjóðarbók-
hlöðunni og stóð þar í rúman mánuð.
Sýndar eru ljósmyndir frá varnar-
svæðinu, bæði gamlar og nýjar. Þá
gefst gestum kostur á að tjá sig með
málningu á striga. Sá þáttur vakti
mikla athygli í Þjóðmenningarhús-
inu. Við opnunina mun Sólveig segja
frá sýningunni í Reykjavík og hvern-
ig til tókst með hana.
Sýningin er haldin í samvinnu við
Byggðasafn Reykjanesbæjar.
„För hersins“ opnuð
í Bíósal Duushúsa
SUÐURNES
BÆJARSTJÓRN Akureyrar hefur
ákveðið að auglýsa að nýju deiliskipu-
lagstillögu, með endurbættum gögn-
um, um fyrirhugað akstursíþrótta- og
skotsvæði í Glerárdal.
Bæjarstjórinn segir tillöguna snú-
ast um að skilgreina svæði fyrir þær
fjölmörgu íþróttagreinar sem nú þeg-
ar eru þar stundaðar og hafa haft að-
stöðu á bráðabirgðaleyfum.
Alls bárust 37 athugasemdir við
deiliskipulagstillöguna sem auglýst
var í haust, m.a. varðandi hljóð-
mengun og að starfsemin væri óæski-
leg á milli tveggja hesthúsahverfa.
Svæðið sem um ræðir hefur til
margra ára verið notað til ýmissa at-
hafna, s.s. torfæruaksturs, motocross
og annars aksturs, „án þess að hægt
hafi verið að hafa fullnægjandi stjórn
á umferð um svæðið. Auk þess er það
illa útlítandi eftir efnistöku og annað
jarðrask til margra ára og án efa
kemur töluvert af því ryki sem veldur
svifryksmengun hér á Akureyri frá
þessu svæði. Það er því mikilvægt að
ganga frá því, græða svæði upp og
skipuleggja til annarra nota,“ segir
Sigrún Björk Jakobsdóttir bæj-
arstjóri.
„Meginmarkmið tillögunnar snýr
að öryggismálum, m.a. gagnvart
hestamönnum, en með þessu verður
hægt að stjórna þeirri umferð sem
þarna er og afmarka hana innan lok-
aðs, afgirts svæðis til þess að forðast
hugsanleg slys og hagsmuna-
árekstra.“
Um 70% starfseminnar fara fram í
svokölluðu akstursgerði, að sögn Sig-
rúnar Bjarkar, en þar verður kvart-
mílubraut og aðstaða fyrir öku-
kennslu. Hún segir að settar verði
upp hljóðmanir sem eigi að draga úr
hávaða og ónæði af akstri. „Hér á
landi er ekki að finna í reglugerðum
sérstakar kröfur um leyfilegt hljóð-
stig frá aksturs- og skotsvæðum ólíkt
því sem gerist í nágrannalöndunum.
Við höfum því stuðst við sænskar og
danskar reglugerðir í þessum efnum
sem eru mjög ítarlegar og mun
strangari en þær íslensku.“
Sigrún segir reiðleiðina á milli
hverfanna verða færða í samráði við
hestamenn „en hugmyndum er varp-
að fram í deiliskipulagstillögunni til
þess að koma til móts við at-
hugasemdir, m.a. vegna örygg-
iskrafna,“ segir Sigrún Björk.
Deiliskipulagstil-
laga auglýst að nýju
FJÖLSMIÐJAN, vinnusetur fyrir
ungt fólk sem stendur á krossgötum
í lífinu, hefur starfsemi á Akureyri í
dag. Hún er til húsa á Óseyri 1A, þar
sem Trésmiðjan Alfa var áður og
Trésmiðjan Þór á árum áður. Opið
hús verður í Fjölsmiðjunni í dag frá
kl. 11.00 til 16.00 og eru allir vel-
komnir.
Erlingur Kristjánsson, forstöðu-
maður Fjölsmiðjunnar á Akureyri,
segir að þar gefist ungu fólki á aldr-
inum 16-24 ára tækifæri til að þjálfa
sig fyrir almennan vinnumarkað eða
áframhaldandi nám. „Fjölsmiðjan
leitast við að bjóða fjölbreytni í vinnu
og auðvelda nemum að taka ákvörð-
un um framtíð sína að lokinni starfs-
þjálfun. Við leggjum áherslu á að
þeir nemar sem hafa verið við störf í
Fjölsmiðjunni fari þaðan sem sterk-
ari einstaklingar félagslega og náms-
lega og hæfari fyrir vinnumarkað-
inn. Það er því ætlunin að vera í
góðum tengslum við skóla og vinnu-
markað til að aðstoða nemana við að
velja sér leiðir í lífinu,“ segir Erling-
ur í samtali við Morgunblaðið.
Starfsemi Fjölsmiðjunnar við Ós-
eyri verður aðallega þríþætt. Í fyrsta
lagi verður starfrækt verslun með
notuð húsgögn og húsbúnað, með
sama sniði og í Góða hirðinum í
Reykjavík, í öðru lagi verður boðið
upp á bílaþvott fyrir einstaklinga og
fyrirtæki og síðast en ekki síst verð-
ur eldhús og mötuneyti á staðnum.
„Einnig tökum við að okkur marg-
vísleg verkefni fyrir fyrirtæki og fé-
lög,“ segir Erlingur. Hann segir fulla
þörf á starfsemi eins og þessari á Ak-
ureyri því um 50 ungmenni í bænum
séu nú á atvinnuleysisskrá, en störf
verða í boði fyrir 15-20 á staðnum.
Fjölsmiðjan var stofnuð síðastliðið
sumar að fyrirmynd Fjölsmiðjunnar
í Kópavogi sem hefur verið starf-
rækt síðan 2001 með frábærum ár-
angri, að sögn Erlings. Þar er við
stjórnvölinn Þorbjörn Jensson, fyrr-
verandi landsliðsmaður og landsliðs-
þjálfari í handbolta, og Erlingur er
sjálfur gamall handboltakappi, bæði
leikmaður og þjálfari, eins og margir
vita. Leiðbeinendur á Akureyri eru
þrír.
Stofnendur fyrirtækisins á Akur-
eyri eru Rauði krossinn, Akureyrar-
bær, Vinnumálastofnun, Eining-Iðja
og Félag verslunar- og skrifstofu-
fólks á Akureyri og nágrenni. Stjórn
Fjölsmiðjunnar er skipuð fulltrúum
þessara aðila.
Fyrir ungt fólk
á krossgötum
Morgunblaðið/Skapti Hallgrímsson
Stjórnar Erlingur Kristjánsson er
forstöðumaður Fjölsmiðjunnar.
Starfsemi Fjöl-
smiðjunnar hefst á
Akureyri í dag
STJÓRN Akureyrarstofu skorar á
borgarstjórn Reykjavíkur að finna
Iceland Express aðstöðu á Reykja-
víkurflugvelli. Stjórnin fjallaði í
vikunni um áform félagsins um
áætlunarflug á milli Akureyrar og
Reykjavíkur.
Gerð var svohljóðandi bókun:
„Stjórn Akureyrarstofu fagnar
þeim áformum Iceland Express að
hefja áætlunarflug milli Reykjavík-
ur og Akureyrar og yfirlýsingu fé-
lagsins um möguleika á ódýrari far-
gjöldum en þeim sem nú eru í boði.
Slík samkeppni hefði mikla þýðingu
fyrir íbúa og ferðaþjónustu á Akur-
eyri. Óviðunandi er að óvissa um
stöðu Reykjavíkurflugvallar komi
niður á þróun innanlandsflugs á Ís-
landi. Því skorar stjórn Akureyrar-
stofu á borgarstjórn Reykjavíkur
að finna félaginu aðstöðu á Reykja-
víkurflugvelli nú þegar svo að af
þessum áformum geti orðið í vor.“
Borgin útvegi
aðstöðu strax
ÞÉTTBÝLIÐ syðst í Hörgárbyggð
heitir Lónsbakki, skv. nýlegri
ákvörðun sveitarstjórnar. Tillaga
um það kom frá skipulags- og um-
hverfisnefnd sveitarfélagsins. Þétt-
býlið nær yfir göturnar Skógarhlíð
og Birkihlíð, ásamt Lóni, Lónsá,
Berghóli I og II, Húsamiðjulóðinni,
lóð Þórs- og DNG-húss og lóð leik-
skólans Álfasteins.
Svæðið með íbúðagötunum hefur
ýmist verið nefnt Spyrnuhverfi,
Skógarhlíð eða Skógarhlíðarhverfi,
en flestar atvinnulóðirnar hafa ver-
ið kenndar við Lónsbakka. Hagstof-
unni hefur verið tilkynnt um þá
ákvörðun að allt svæðið verði nefnt
Lónsbakki og er þess vænst að
nafngiftin festist í sessi.
Lónsbakki
skal það heita