Morgunblaðið - 19.03.2008, Blaðsíða 18

18 MIÐVIKUDAGUR 19. MARS 2008 MORGUNBLAÐIÐ
HÖFUÐBORGARSVÆÐIÐ
FÉLAG leikskólakennara (FL) var-
aði í ályktun á nýafstöðnum aðal-
fundi sínum við hugmyndum borg-
aryfirvalda um að koma á fót 5 ára
deildum við fjóra grunnskóla í
Reykjavík. Er bent á að hvorki í nú-
verandi lögum né í framkomnu
frumvarpi til laga um leikskólann sé
að finna heimild fyrir rekstri 5 ára
deildar innan grunnskóla.
„Okkur finnst vanta í þessa um-
ræðu rökin fyrir breytingunum,“
segir Björg Bjarnadóttir, formaður
FL. Segist hún spyrja sig hvort
hagsmunir barnanna séu hafðir í
fyrirrúmi verði tillaga borgaryf-
irvalda að veruleika. „Það er skoðun
leikskólakennara almennt og stefna
FL að 5 ára börn eigi að vera í leik-
skólanum vegna þess að sú kennslu-
og hugmyndafræði sem þar er lögð
til grundvallar við skipulag starfsins
henti betur börnum á þessum aldri,“
segir Björg og bendir á að rann-
sóknir fræðimanna staðfesti þetta.
Björg kallar eftir því að foreldrar
láti meira í sér heyra. „Eru það óskir
foreldra að flytja börnin fyrr í
grunnskólaumhverfið?“ spyr Björg
og bendir á að leikskólinn bjóði upp
á mun verndaðra umhverfi en
grunnskólinn geti boðið.
Kennsla 5 ára barna áfram í
leikskólum á Seltjarnarnesi
Í fréttatilkynninngu sem bæjaryf-
irvöld á Seltjarnarnesi hafa sent frá
sér er vakin athygli á því að það er
stefna bæjaryfirvalda að kennsla 5
ára barna verði áfram í leikskól-
anum á Seltjarnarnesi, en að aukin
áhersla verði lögð á samfellu milli
skólastiga. Í samtali við Morg-
unblaðið segir Jónmundur Guð-
marsson, bæjarstjóri Seltjarn-
arness, fréttatilkynninguna vera
senda út af gefnu tilefni vegna þeirr-
ar umræðu sem verið hafi um þessi
mál að undanförnu. Bendir hann á
að bæjaryfirvöld á Seltjarnarnesi
hafi skoðað þessi mál ofan í kjölinn
eftir síðustu sveitarstjórnarkosn-
ingar vorið 2006 og í framhaldinu
skipað vinnuhóp sem hafði það að
verkefni að skoða kosti og galla þess
að stofna 5 ára deild við Grunnskóla
Seltjarnarness. Segir hann það hafa
verið niðurstöðu vinnuhópsins að
halda skyldi kennslu 5 ára barna á
leikskólastiginu sökum þess að ljóst
væri að umhverfið á leikskólum væri
meira aðlagandi fyrir börn þar sem
kennslan færi frekar fram í leik.
Morgunblaðið/Golli
Gaman í íþróttakennslunni Elstu börnin á leikskólunum tveimur á Seltjarnarnesi, Mánabrekku og Sólbrekku, fá
vikulega að fara í Íþróttahúsið á Nesinu og kynnast hinum ólíku íþróttum undir handleiðslu íþróttafræðinga.
Vara við 5 ára bekkjum
Eftir Silju Björk Huldudóttur
silja@mbl.is
„ÞARNA er um tímamótasamning
að ræða. Við erum að stíga skref sem
er byrjunin á því að auka samstarfið
milli heilsugæslu og velferðarþjón-
ustu til hagsbóta fyrir skjólstæð-
ingana,“ segir Jórunn Frímanns-
dóttir, formaður velferðarráðs
Reykjavíkurborgar, en fulltrúar
Heilsugæslunnar í Árbæ og Þjón-
ustumiðstöðvar Árbæjar og Grafar-
vogs skrifuðu nýverið undir viljayfir-
lýsingu um samstarf. Er stefnt að
auknu samstarfi þessara tveggja
stofnana frá og með haustinu þegar
þær flytjast undir sama þak í nýju og
sérhönnuðu húsnæði í Hraunbæ 115.
Í samtali við Morgunblaðið segir
Jórunn það vilja borgaryfirvalda að
auka samstarf heilsugæslunnar og
velferðarþjónustunnar í fleiri hverf-
um borgarinnar eftir því sem við
verði komið. Bendir hún í því sam-
bandi á að þjónustumiðstöð Grafar-
vogs og Kjalarness sé að flytja í
menningarmiðstöð sem byggð verð-
ur í Spöng í næsta húsi við heilsu-
gæslu Grafarvogs, auk þess sem ver-
ið sé að skoða möguleika þess að
flytja þjónustumiðstöð Laugardals
og Háaleitis úr Síðumúlanum í
Glæsibæ svo hún verði í nánari
tengslum við heilsugæsluna þar.
Húsnæði heilsugæslunnar
stækkar úr 613 í 1.510 fermetra
„Með þessu fyrirhugaða samstarfi
gerum við okkur vonir um að hægt
verði að veita sameiginlegum skjól-
stæðingum beggja þessara kerfa
betri þjónustu,“ segir Svanhvít Jak-
obsdóttir, settur forstjóri Heilsu-
gæslu höfuðborgarsvæðisins. Segir
hún til skoðunar hvort hægt verði að
auka skilvirkni heilsugæslunnar og
velferðarþjónustunnar, auka gæði
þjónustunnar og kanna mögulega
samþættingu hennar með það að
leiðarljósi að það komi sameiginleg-
um skjólstæðingum til góða.
Forsvarsmenn framkvæmda- og
eignasviðs Reykjavíkurborgar hafa
gengið frá samningi við Faghús ehf.
um leigu á 530 fm í Hraunbæ 115 til
10 ára, en að sögn Jórunnar er það
álíka stórt húsnæði og þjónustumið-
stöð Árbæjar og Grafarholts er með
til umráða í dag. Fulltrúar Heilsu-
gæslunnar hafa sömuleiðis skrifað
undir leigusamning við Faghús ehf.
vegna 1.510 fm til 20 ára. Að sögn
Svanhvítar var eldra húsnæði heilsu-
gæslunnar í Árbæ löngu sprungið,
en það var um 613 fm að stærð. Sam-
hliða stærra húsnæði verður stöðu-
gildum við heilsugæsluna fjölgað úr
23 í allt að 34 ársverk, en læknum
heilsugæslunnar í Árbæ mun fjölga
úr sjö í tíu við flutninginn.
Á að leiða til
betri þjónustu
Boða aukið samstarf heilsugæslunnar
og velferðarþjónustunnar í Árbæ
Morgunblaðið/Sverrir
SJÚKRAHÚSIÐ á Akureyri (FSA)
hefur kynnt niðurstöður viðamik-
illar rannsóknar sem Capacent vann
fyrir FSA á viðhorfum sjúklinga til
þeirrar þjónustu sem sjúkrahúsið
veitir, aðbúnaðar þar og andrúms-
lofts. Markmið rannsóknarinnar var
að kanna gæði frá sjónarhóli sjúk-
linga og breytingar frá fyrri mæl-
ingu, 2005.
Útkoman er í nær öllum tilfellum
betri nú en í fyrri könnun. 651 ein-
staklingur var í endanlegu úrtaki
könnunarinnar og þar af svöruðu
504 eða 77,4%. Í úrtakinu voru sjúk-
lingar, 18 ára og eldri, sem nýverið
höfðu útskrifast af tilteknum deild-
um sjúkrahússins. Lögð var áhersla
á að meta fjóra þætti starfseminnar;
faglega færni, aðbúnað, ein-
staklingsmiðaða nálgun og fé-
lagslegt andrúmsloft. Þátttakendur
svöruðu ýmsum spurningum um
reynslu sína og upplifun af fram-
angreindum þáttum. Svör þeirra
voru síðan notuð til að meta hvort
gæði þessara þátta væru í jafnvægi,
hvort gæðin væru rífleg ellegar
hvort vantaði upp á þau.
Hvað faglega færni varðar töldu
54,6% þeirra sem svöruðu að gæðin
væru í jafnvægi, 34,7% töldu gæði
faglegrar færni rífleg en 6,4% töldu
vanta upp á gæðin. Einnig má nefna
að þegar spurt var um einstaklings-
miðaða nálgun töldu 53,2% svarenda
gæðin í jafnvægi, 39,2% töldu gæðin
rífleg en 7,6% töldu vanta upp á
gæðin. Ríflega helmingur svarenda,
eða 50,7%, taldi gæði aðbúnaðar í
jafnvægi, 40,3% töldu gæðin rífleg
en 9,0% töldu vanta upp á gæðin.
Sjúklingar
ánægðir
með FSA
ELFA Rún Kristinsdóttir leikur ein-
leik í fiðlukonsert Dvoráks með Sin-
fóníuhljómsveit Norðurlands á tón-
leikum í Glerárkirkju á morgun,
skírdag. Elfa Rún hlaut titilinn bjart-
asta vonin á Íslensku tónlistarverð-
laununum 2006 og var tilnefnd flytj-
andi ársins á sömu hátíð í gær.
Stjórnandi á tónleikunum er Guð-
mundur Óli Gunnarsson.
„Þetta er skemmtilegur konsert og
ótrúlega fallegur,“ sagði Elfa Rún í
samtali við Morgunblaðið eftir æfingu
hljómsveitarinnar í gær.
„Þetta er einn af stóru konsertun-
um og mér finnst skemmtilegt að fá
tækifæri til þess að spila hann hér fyr-
ir norðan. Ég hef heldur aldrei spilað
hann í heild sinni.“
Elfa Rún býr í Berlín og spilar víða.
Hún er fædd á Akureyri árið 1985 og
hóf fiðlunám fjögurra ára gömul hjá
móður sinni Lilju Hjaltadóttur. Síðar
nam hún m.a. hjá Guðnýju Guð-
mundsdóttur. Elfa Rún útskrifaðist
úr Tónlistarháskólanum úr Freiburg
í Þýskalandi í febrúar 2007 með
hæstu einkunn undir handleiðslu
próf. Rainer Kussmaul.
Elfa Rún hefur komið fram sem
einleikari með Sinfóníuhljómsveit Ís-
lands, Royal Chamber Orchestra To-
kyo og Akademisches Orchester
Freiburg í Þýskalandi. Hún er fastur
meðlimur Kammersveitarinnar Ísa-
foldar, Camerata Drammatica og Sol-
istenensemble Kaleidoskop í Berlín
en hefur einnig leikið með fjölda ann-
arra hljómsveita þar á meðal Balthas-
ar Neumann Ensemble og fleiri
kammerhópum í Þýskalandi. Hún
hefur mikinn áhuga á flutningi bar-
okktónlistar og hefur á síðustu árum
meðal annars unnið með Trevor Pin-
nock og Thomas Helngelbrock.
Auk viðurkenningarinnar sem
nefnd var í upphafi má nefna að Elfa
Rún hlaut fyrstu verðlaun í Johann
Sebastian Bach tónlistarkeppninni í
Leipzig 2006 og hvatningarverðlaun
Evrópska menningarsjóðsins Pro
Europa 2006.
„Fiðlukonstert Dvoráks er einn af
glæsilegustu fiðlukonsertum bók-
menntanna; þetta er mikil gleðimúsík
og hún er auðveld fyrir hlustandann
að meðtaka. En það er sannarlega
ekki auðvelt að spila konsertinn – þó
það heyrist reyndar ekki þegar Elfa
gerir það. Hún er rosalega góð og það
er engin tilviljun að hún hefur fengið
öll þessi verðlaun og viðurkenningar
undanfarin ár,“ sagði Guðmundur Óli
Gunnarsson stjórnandi Sinfóníu-
hljómsveitar Norðurlands í gær.
Tónleikarnir hefjast kl. 16.00.
„Skemmtilegur konsert
og ótrúlega fallegur“
Morgunblaðið/Skapti Hallgrímsson
Falleg tónlist Guðmundur Óli Gunnarsson, stjórnandi Sinfóníuhljóm-
sveitar Norðurlands, og einleikarinn Elfa Rún Kristinsdóttir á æfingu.
Í HNOTSKURN
»Sinfóníuhljómsveit Norður-lands hélt fyrstu tónleikana
haustið 1993. Hún hefur haldið
stóra tónleika um páska und-
anfarin ár, í fyrra bauð hún t.d.
upp á fimmtu sinfóníu Beetho-
vens og nú eru þeir Dvorák og
Tchaikovsky á dagskrá.
SN leikur á morgun Fiðlukonsert í
a-moll eftir Antonin Dvorák og Sin-
fóníu nr. 4 eftir P.I. Tchaikovsky.
Fiðlukonsert í a-moll op. 53 var
annar í röðinni af þrem konsertum
sem Antonin Dvorák samdi. Hann
hafði kynnst fiðlusnillingnum Jos-
eph Joachim og skrifaði þennan
konsert fyrir hann. Joachim flutti
þó ekki verkið sjálfur opinberlega,
það var frumflutt af í Prag árið
1883 af fiðluleikaranum František
Ondríèek við frábærar viðtökur.
P.I.Tchaikovsky var mikill róm-
antíker og í verkum hans sameinast
evrópsk hárómantík 19. aldar og
rússnesk drungaviðkvæmni, eins
og forráðamenn SN orða það.
Sinfónía nr. 4 í f-moll var samin
1877 – 1878 en á þeim árum var
hann styrktur fjárhagslega af ríkri
ekkju, Madame Nadezhda von
Meck, og það gaf honum það svig-
rúm að geta helgað sig alfarið tón-
smíðum. Sinfónían er í 4 þáttum og
var frumflutt 1878.
Guðmundur Óli Gunnarsson, sem
stjórnar SN á morgun, hefur verið
aðalhljómsveitarstjóri Sinfón-
íuhljómsveitar Norðurlands frá
stofnun hennar. Hann hefur starfað
sem hljómsveitarstjóri með Sinfón-
íuhljómsveit Íslands, bæði á tón-
leikum og við upptökur. Einnig hef-
ur hann komið fram sem stjórnandi
Kammersveitar Reykjavíkur, Ís-
lensku hljómsveitarinnar og Caput.
Hann hefur stjórnað frumflutningi
verka margra tónskálda, stjórnað
óperuuppfærslum, svo og kórum og
hljómsveitum áhugamanna og nem-
enda.
Verk eftir
Dvorák og
Tchaikovsky
AKUREYRI