Morgunblaðið - 23.05.2008, Qupperneq 2

2 FÖSTUDAGUR 23. MAÍ 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is
Björn Jóhann Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurð-
ardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is mbl.is netfrett@mbl.is Guðmundur Sv. Hermannsson
fréttastjóri gummi@mbl.is
ENN flyst mikið af erlendum ríkis-
borgurum til landsins og brottflutn-
ingur þeirra sem fyrir eru í landinu
hefur ekki aukist þrátt fyrir dekkri
horfur í efnahagslífinu hér á landi en
verið hefur. Ef þróunin verður áfram
sú sama og var á fyrsta ársfjórðungi
ársins í ár, samkvæmt nýjum tölum
Hagstofunnar um búferlaflutninga,
eru horfur á að nýtt metár hvað varð-
ar fjölgun erlendra ríkisborgara hér
á landi sé í uppsiglingu, að því er
fram kemur í nýju vefriti fjármála-
ráðuneytisins.
2.816 til landsins
Fram kemur að á fyrstu þremur
mánuðum ársins í ár fluttust 2.816
erlendir ríkisborgarar til landsins á
sama tíma og 671 fluttist brott. Það
er meiri aðflutningur en var á sama
tímabili í fyrra og einnig minni brott-
flutningur. „Ef heldur sem horfir er
nýtt metár í uppsiglingu hvað nettó-
innflutning erlendra ríkisborgara
varðar. Ekki er reiknað með að þetta
innstreymi útlendinga til landsins
haldi áfram þegar hægja tekur á í
efnahagslífinu,“ segir síðan.
Fram kemur einnig að aðfluttir
umfram brottflutta íslenska og er-
lenda ríkisborgara voru innan við
þúsundið í efnahagslægðinni á árun-
um 2002-2004. Árleg aukning eftir
það hefur verið á bilinu 3-5 þúsund,
eins og sjá má á meðfylgjandi línuriti.
Þá segir einnig í vefritinu að vís-
bendingar séu nokkuð misvísandi um
það hversu mikið sé tekið að hægja á
í atvinnulífinu. Þannig veki athygli að
aðflutningur íslenskra ríkisborgara
hafi aukist á fyrstu mánuðum ársins
og brottflutningur þeirra minnkað.
Þessi þróun varðandi búferlaflutn-
inga á fyrstu mánuðum ársins bendi
til þess að enn hafi verið mikill gang-
ur í atvinnulífinu á fyrsta ársfjórð-
ungi árisns.
Mikil fjölgun erlendra ríkis-
borgara það sem af er ári
Ef heldur sem horfir gæti nýtt metár verið í uppsiglingu segir fjármálaráðuneytið




        

 
 
 



 












DÖNSKU kennararnir Hanne
Schneider og Sanne Lillemor Han-
sen segja að samstarf skóla og
kennaraskóla um vettvangsnám
styrki bæði kennaramenntunina og
grunnskólastarfið verulega.
Þetta kom fram í gær í fyrirlestri
þeirra um kennaramenntun sem
hið sameiginlega verkefni háskóla
og vettvangsins, á norrænni ráð-
stefnu um tengsl kennaramennt-
unar og skólaþróunar, sem stendur
yfir í Kennaraháskóla Íslands og
lýkur á morgun. Ráðstefnan er nú
haldin í 10. sinn og í fyrsta sinn á Ís-
landi í tilefni 100 ára afmælis Kenn-
araháskóla Íslands. Um 380 kenn-
arar af öllum skólastigum sækja
ráðstefnuna. Þar af eru rösklega
100 frá Íslandi og 17 af 26 kenn-
urum við Kennaraháskólann í Nuuk
á Grænlandi.
Hansen og Schneider, sem er á
myndinni, voru aðalfyrirlesarar í
gær ásamt Finnanum Hannu Si-
mola en aðalfyrirlesarar í dag eru
Anne Edwards, prófessor við Ox-
fordháskóla, og Ragnhildur
Bjarnadóttir, dósent við KHÍ. Dag-
skráin stendur yfir frá klukkan 9 til
16 í dag og frá klukkan 9 til 12 á
morgun.
Kristín Jónsdóttir, formaður
undirbúningsnefndar ráðstefn-
unnar og lektor við KHÍ, er sér-
staklega ánægð með þátttökuna og
segir að styrkur frá Landsbank-
anum hafi gert skipuleggjendum
mögulegt að stuðla að góðri þátt-
töku íslenskra kennara.
Morgunblaðiðr/Valdís Thor
Samstarf
um vett-
vangsnám
mikilvægt
Eftir Guðna Einarsson
gudni@mbl.is
UPPRUNI niðursneidds grænmetis
í neytendaumbúðum frá Hollu og
góðu ehf. er ekki tilgreindur á um-
búðum vegna þess að hann er breyti-
legur eftir árstíðum, að sögn Mána
Ásgeirssonar, framkvæmdastjóra
Holls og góðs ehf. Á Alþingi var því
haldið fram í fyrradag að reynt væri
að villa um fyrir neytendum hvað
varðar uppruna grænmetis.
„Grænmetið er allt unnið hér á Ís-
landi – skorið, hreinsað og blandað.
Við fáum hráefnið þaðan sem það er
best og sem næst okkur á hverjum
árstíma,“ sagði Máni. Grænmetið
getur því ýmist verið alíslenskt, ein-
ungis útlent eða blanda af íslensku
og útlendu. Máni nefndi að þessa
dagana væri fábreytt úrval af ís-
lensku grænmeti og íslenskar gúrk-
ur, tómatar og sveppir notað í bland
við aðrar tegundir af erlendu græn-
meti. Þegar líður á sumarið eykst
hlutfall íslenska grænmetisins. „Við
reynum að nota eins mikið af ís-
lensku grænmeti og við getum, enda
er það næst okkur og verður alltaf
best.“
Á pakkningunum er tekið fram að
grænmetið sé skolað með íslensku
vatni. Máni sagði það ekki gert til að
gefa í skyn að innihaldið væri ís-
lenskt. „Það var mikið hringt og
spurt hvort búið væri að þrífa salatið
og eins hvort við notuðum aukefni.
Merkingin er til að leggja áherslu á
að salatið er þvegið úr íslensku
vatni, án allra aukefna,“ sagði Máni.
Málið verður skoðað nánar
Sigurður Örn Hansson, for-
stöðumaður matvælasviðs Mat-
vælastofnunar, sagði að þess væri
ekki krafist í reglugerð um merk-
ingu matvæla (503/2005) að tilgreint
væri upprunaland grænmetis í neyt-
endapakkningum. Samkvæmt 6.
grein og 7. lið reglugerðarinnar er
m.a. skylt að merkja matvæli þannig
að fram komi „heiti eða fyrir-
tækjaheiti og heimilisfang framleið-
anda, pökkunaraðila eða seljanda
með aðsetur á Evrópska efnahags-
svæðinu.“
Samkvæmt 8. lið sömu greinar
eiga að koma fram „upplýsingar um
uppruna- eða framleiðsluland ef
skortur á slíkum upplýsingum gæti
villt um fyrir neytendum hvað varð-
ar réttan uppruna matvælanna“.
Sigurður Örn taldi einkum 8. liðinn
koma til álita og túlkunar í þessu
sambandi. Hann sagði að það yrði
skoðað betur í samvinnu við heil-
brigðiseftirlit sveitarfélaga hvernig
þessum merkingum væri háttað og
hvort brotið væri gegn reglugerð um
merkingu matvæla.
Ein ábending um merkingu á
grænmeti hafði borist Neytenda-
stofu um miðjan dag í gær. Sam-
kvæmt upplýsingum neytendarétt-
arsviðs Neytendastofu kom ábend-
ingin frá athugulum neytanda og
verður hún tekin til skoðunar.
Samband garðyrkjubænda sendi
frá sér yfirlýsingu í gær og fagnar
umræðu um þörfina á upprunamerk-
ingu grænmetis. Telja þeir mikil-
vægt að skýrar upprunamerkingar
séu á umbúðum.
„Íslenskir garðyrkjubændur hafa
um margra ára skeið pakkað og
merkt framleiðslu sína með íslensku
fánaröndinni auk þess sem hver
sölueining er merkt framleiðand-
anum. SG þekkir þess engin dæmi
að fánaröndin hafi verið misnotuð til
merkingar á innfluttu grænmeti,“
segir m.a. í yfirlýsingunni.
Grænmetisbændur segja að und-
anfarin ár hafi þess orðið vart að
innflytjendur grænmetis hafi pakk-
að því erlendis og merkt með ís-
lenskum texta. Það grænmeti sé
hvorki merkt með fánarönd né upp-
runamerkingu bónda.
Grænmetisbændur benda á, vegna umræðu um uppruna grænmetis, að íslenskt grænmeti
sé merkt með íslensku fánaröndinni og einnig að hver sölueining sé merkt framleiðandanum
Merkingar grænmetis skoðaðar
Morgunblaðið/Ómar
Árstíðabundið Grænmeti er flutt
víða að hingað til lands.
INGIBJÖRG Sól-
rún Gísladóttir
utanríkisráðherra
átti í gær fund
með Urmas Paet,
utanríkisráðherra
Eistlands, í opin-
berri heimsókn
sinni þangað. Í til-
kynningu utan-
ríkisráðuneytis-
ins segir að þau
hafi rætt ýmis tvíhliða samskipti
ríkjanna, samstarfið innan Atlants-
hafsbandalagsins, svæðisbundna
samvinnu og samstarf ríkjanna á
grundvelli EES-samningsins. Þakk-
aði utanríkisráðherra „einarðan
stuðning Eistlands við framboð Ís-
lands til öryggisráðs Sameinuðu
þjóðanna“.
Ráðherra heimsótti einnig eist-
neska þjóðþingið og átti fund með
þingmönnum í vináttunefnd Eist-
lands og Íslands.
Ræddi
samskiptin
við Eistland
Ingibjörg Sólrún
Gísladóttir
SJÚKRALIÐAFÉLAG Íslands og
samtök fyrirtækja í heilbrigðis-
þjónustu hafa skrifað undir sam-
komulag um launahækkun og er
samningurinn hugsaður sem inná-
greiðsla fyrir komandi kjarasamn-
inga, skv. upplýsingum félagsins.
Hækkunin nemur 3% og gildir frá
1. maí.
Fellur hann úr gildi þegar nýr
kjarasamningur er í höfn eða í síð-
asta lagi um næstu áramót.
„Samkomulag er um að launa-
hækkun sem kveðið er á um í 2.
gr. skuli ekki koma til frádráttar
launahækkunum sem aðilar munu
semja um í kjölfar samninga SLFÍ
við fjármálaráðherra f.h. ríkis-
sjóðs. Hækkun þessi kemur til frá-
dráttar hugsanlegri eingreiðslu
sem orsakast af samningstöfum á
milli SLFÍ og fjármálaráðherra
f.h. ríkissjóðs. Frádráttur þessi
getur þó aldrei orðið hærri en sem
nemur hækkun skv. 2. grein,“ seg-
ir í samningnum.
Sjúkraliðar
semja um
innágreiðslu
♦♦♦