Morgunblaðið - 03.06.2008, Blaðsíða 2

2 ÞRIÐJUDAGUR 3. JÚNÍ 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf
Anna Sigríður Einarsdóttir, annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gud-
laug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
UPPRÖÐUN og framsetning efnis
í Morgunblaðinu tekur nokkrum
breytingum í dag. Mestar breyt-
ingar sjá lesendur væntanlega í
fleiri fréttaskýringum og mark-
vissari notkun ljósmynda og skýr-
ingarmynda.
Meðal breytinga er að fréttir af
landsbyggðinni birtast ekki í af-
mörkuðu plássi, heldur dreifast
um fréttahluta blaðsins, merktar
sínum stað eða svæði. Þá færast
tilvitnanir í blogg á mbl.is af bls.
10 inn á leiðaraopnu. Þar geta
lesendur einnig gengið að föstum
pistlum um þjóðmál, fréttaskýr-
ingum og umræðugreinum.
Víkverji fer á sinn gamla stað í
dagbókinni aftarlega í blaðinu.
Dagbókin tekur ennfremur breyt-
ingum; þar er nú meiri umfjöllun
um afmæli og aðra merkis-
viðburði dagsins og birtar myndir
af nýjum borgurum landsins.
Foreldrar eru hvattir til að senda
inn myndir af augasteinunum sín-
um.
Blaðið hættir að mestu að birta
fréttatilkynningar, ályktanir og
tilkynningar um fundi, ráðstefnur
og viðburði á síðunum aftan við
dagbókina. Síðastnefnda efninu
verða gerð betri skil á mbl.is, þar
sem skráðir notendur vefjarins
geta sjálfir skráð viðburði inn í
yfirlitið á vefnum, sem er mun að-
gengilegra fyrir lesendur. Upp-
lýsingar um félagsstarf aldraðra
og kirkjustarf verða þó áfram á
sínum stað í dagbókinni. | Ritstj.
Breytt upp-
röðun efnis
ÞÓTT fíflarnir standi keikir á umferðareyjunni
á Snorrabraut mega þeir sín lítils gegn 1.200
manna her sumarstarfsmanna borgarinnar, sem
nú er byrjaður að láta sjá sig á götunum. Þá er
skráningu um fjögur þúsund nemenda í Vinnu-
skóla Reykjavíkur lokið og undirbúningur leið-
beinenda hafinn. Á morgun, 4. júní, geta krakk-
ar í vinnuskólanum skoðað vinnukortin sín á vef
skólans.
Morgunblaðið/Kristinn Ingvarsson
Fíflarnir á Snorrabraut bíða örlaga sinna
Óslegið gras á umferðareyjum heyrir brátt sögunni til
FRÉTTASKÝRING
Eftir Ylfu Kristínu K. Árnadóttur
ylfa@mbl.is
UMSÓKNUM 17-18 ára unglinga um
sumarvinnu hjá sveitarfélögunum
hefur fjölgað töluvert í ár. Biðlistar
eru lengri en áður og hafa Hafnar-
fjarðarbær og Reykjavíkurborg t.d.
brugðið á það ráð að veita aukið fé til
ráðninga og aðrir hafa fjölgað stöðu-
gildum til að tryggja sem flestum
vinnu.
„Við höfum verið með svipaðan
fjölda umsókna og fyrri ár en um-
sækjendurnir eru yngri. Ég dreg þá
ályktun að þeir eigi erfiðara með að fá
vinnu annars staðar,“ segir Gerður
Dýrfjörð, deildarstjóri Vinnumiðl-
unar ungs fólks hjá Reykjavíkurborg.
Í fyrra voru 17-18 ára unglingar tæp-
ur þriðjungur af þeim sem sóttu um
sumarstörf hjá borginni en í ár voru
þeir 48%.
Reykjavíkurborg ræður um 1.200
sumarstarfsmenn en miðað við sama
tíma í fyrra hefur fólki á biðlista fjölg-
að gríðarlega. Þá voru 20-30 manns á
biðlista fyrstu vikuna í júní en núna
eru þeir 400 og er helmingur þeirra
17 ára. Í mars voru 100 millj. veittar
til atvinnumála ungs fólks í Reykjavík
en fyrir skömmu var 50 millj. bætt við
framlagið þegar í ljós kom hve mörg
ungmenni voru á biðlista.
Aldur sem lendir á milli
Í Hafnarfirði voru fyrir um tveim-
ur vikum um 150 manns, 17 ára og
eldri, á biðlista, þar af voru langflestir
17 ára. Ellert Baldur Magnússon,
deildarstjóri æskulýðsmála hjá
íþrótta- og tómstundaráði Hafnar-
fjarðar, segir fyrirtæki heldur ráða
þá sem komnir eru með bílpróf og
orðnir sjálfráða. Þannig sitji þeir sem
eru 17 ára eftir. Bæjarfélagið hafi
hins vegar ákveðið að taka á þessu og
er áætlað að stöðugildum fyrir þenn-
an aldurshóp verði fjölgað um um það
bil fimmtíu.
Orri Stefánsson, forstöðumaður
Vinnuskólans á Akureyri, telur at-
vinnurekendur halda að sér höndum
á hinum almenna markaði hvað ráðn-
ingar sumarfólks varðar. Hann segir
eldri ungmenni frekar fá vinnu, þau
yngri verði „svolítið útundan.“
Um helmingur þeirra 550 sem
sóttu um rúmlega 300 sumarstörf hjá
Kópavogsbæ er 17-19 ára. Um 100
ungmenni eru á biðlista eftir vinnu.
Af þeim eru langflest 17-18 ára.
Ákveðið hefur verið að ráða í 60
stöður til viðbótar, 45 í almenna bæj-
arvinnu sem felur m.a. í sér garð-
hreinsun og viðgerðir og 15 á íþrótta-
velli. Vonast er til þess að þessar 60
stöður dugi að mestu leyti, ef ekki öllu,
til að tryggja ungmennunum vinnu.
Biðlisti í bæjarvinnuna


  






 
 
 !
 "!
#
 #
#

 

     Erfiðara fyrir 17-18 ára að fá vinnu
 Yfir þúsund sóttu um hjá borginni
ÖFLUGASTI eftirskjálfti sem
mælst hefur í kjölfar Suðurlands-
skjálftanna varð í gærkvöldi kl.
18:31 í Hjallahverfi, skammt sunn-
an undir Hellisheiðarbrún, en hann
olli hvorki tjóni né meiðslum á fólki.
Fólki var samt brugðið í Hvera-
gerði enda mældist skjálftinn á
bilinu 4,3-4,5 stig á Richter og í
kjölfarið komu nokkrir eftirskjálft-
ar, sá stærsti 3,3 stig á Richter. Að
sögn Sigurlaugar Hjaltadóttur,
jarðeðlisfræðings á Veðurstofunni,
er ekki búist við stærri skjálftum á
svæðinu.
„Stóri skjálftinn [Suðurlands-
skjálftinn] hefur valdið hreyfingum
á norðlægari sprungum en það er
ekki talið að skjálftarnir nú boði
stærri skjálfta,“ bendir hún á.
Þegar skjálftinn kom var Jóhann
Thoroddsen, áfallahjálparmaður
Rauða krossins, á miðjum fræðslu-
fundi í Hveragerði með leikskóla-
kennurum. „Skjálftinn virkaði sér-
kennilega á mig og líktist drunum.
Það má segja að við séum orðin dá-
lítið jarðskjálftavön en þetta er allt-
af ónotalegt og auðvitað hrekkur
fólk við,“ segir hann. | orsi@mbl.is
Öflugasti eftir-
skjálftinn reið yfir
Orðin „dálítið jarðskjálftavön en þetta er alltaf ónotalegt“
Í HNOTSKURN
»Skjálftarnir í gær tengjastSuðurlandsskjálftunum á
þann hátt að spenna er talin
hafa breiðst út í aðrar sprung-
ur á Suðurlandi.
»Upptök skjálftanna í gærvoru í sprungu sem liggur
frá austri til vesturs á Hengils-
svæðinu. Þar urðu þrír stórir
jarðskjálftar árið 1998.
NÝLIÐINN maímánuður var sá
hlýjasti í ár og áratugi, að því er
fram kemur á bloggsíðu Einars
Sveinbjörnssonar veðurfræðings.
Í Reykjavík var maí sá hlýjasti í
48 ár og á Akureyri hefur ekki ver-
ið hlýrra í maí í 17 ár. Mánuðurinn
var þar að auki án norðanhreta sem
er fremur óvenjulegt en þó ekki
einsdæmi, að sögn Einars.
„Í Reykjavík mældist meðalhit-
inn 8,6°C. Svo hlýtt hefur ekki verið
frá 1960, en þá var ívið hlýrra. Á
Akureyri var hitinn 8,0° skv. bráða-
birgðaútreikningum. Talsvert
hlýrra var hins vegar 1991. Í sam-
anburði við fyrri ár nær mánuður-
inn þó engan veginn maí 1935 sem
er klárlega sá hlýjasti frá upphafi
mælinga. Þá fór meðalhitinn í
Reykjavík eitthvað yfir 9 stig,“ seg-
ir Einar Sveinbjörnsson á bloggsíðu
sinni, esv.blog.is.
Hlýjasti maí
í áratugi
„ÉG vissi ekki að
það yrði svona
ótrúlega erfitt að
fá vinnu,“ segir
Freydís Hall-
dórsdóttir, sex-
tán ára nemi í
Menntaskólanum
í Reykjavík.
„Ég var frekar
sein að byrja að
leita mér að
vinnu, því ég var í prófum, og var
ekkert að pæla mikið í þessu.“
Betur fór en á horfðist því Frey-
dís er nú komin í hlutastarf í Snæ-
landsvídeói. Áður var hún búin að
sækja um þrjátíu störf. Hún byrjaði
að sækja um þau störf sem hún
hafði mestan áhuga á, en dagarnir
liðu og hún slakaði á kröfunum og
sótti um víðar. „Ef pabbi hefði ekki
hjálpað mér að finna vinnu væri ég
pottþétt ennþá atvinnulaus,“ segir
Freydís. | sunna@mbl.is
„Ótrúlega
erfitt“
Freydís
Halldórsdóttir
Ást er... í Velvakanda.