Morgunblaðið - 03.06.2008, Blaðsíða 35

MORGUNBLAÐIÐ ÞRIÐJUDAGUR 3. JÚNÍ 2008 35
Eftir Jóhann Bjarna Kolbeinsson
jbk@mbl.is
„MÖNNUM var pínulítið brugðið
yfir þeim yfirlýsingum sem voru í
blaðinu um að hátíðin væri í hættu,“
segir Þorsteinn Stephensen, eigandi
Hr. Örlygs sem á og rekur Iceland
Airwaves tónlistarhátíðina. Í viðtali
við Þorstein sem birt var í Morgun-
blaðinu á laugardaginn lýsti hann
miklum áhyggjum yfir fjárhagslegri
stöðu hátíðarinnar og bjóst hann við
því að umfang hennar myndi minnka
töluvert nú í ár. Í kjölfar fundar sem
Þorsteinn átti með forsvarsmönnum
Reykjavíkurborgar og Icelandair í
gær er hins vegar annað hljóð komið
í strokkinn, enda lýstu báðir aðilar
því yfir á fundinum að þeir vildu
gera hátíðina sem best úr garði.
„Það er mjög gott að finna 100%
stuðning af öllum vígstöðvum. Þann-
ig að þetta ætti að geta verið á sömu
siglingu og verið hefur,“ sagði Þor-
steinn eftir fundinn í gær. Hann er
því töluvert bjartsýnni en um
helgina. „Það er ekki búið að taka
neina afgerandi ákvörðun, en það
liggur fyrir 100% vilji frá öllum að
tryggja áframhaldandi kraft í verk-
efnið.“
Fleiri styrktaraðilar
Auk Þorsteins sátu fundinn meðal
annars þau Birkir Hólm Guðnason,
nýr framkvæmdastjóri Icelandair,
Þorbjörg Helga Vigfúsdóttir, for-
maður menningar- og ferðamálaráðs
Reykjavíkurborgar og Svanhildur
Konráðsdóttir, sviðsstjóri menning-
ar- og ferðamálasviðs borgarinnar.
Að sögn Þorsteins mun Icelandair
halda sínu striki í styrkjum til hátíð-
arinnar.
„Við þurfum hins vegar einnig að
sækja styrk til annarra fyrirtækja,
og við vonumst eftir góðum við-
brögðum hvað það varðar. Iceland-
air hefur borið hitann og þungann af
þessu verkefni fjárhagslega í gegn-
um árin og það er kannski ekki hægt
að ætlast til þess að þeir bæti enda-
laust í. Þannig að núna verður unnið
að því að finna leiðir til þess að búa
til svigrúm fyrir aðra styrktaraðila
að koma að verkefninu,“ segir Þor-
steinn sem á hins vegar ekki von á
því að Reykjavíkurborg hækki sinn
styrk, sem nemur nú fimm milljón-
um króna á ári. „Ég á ekki von á því,
allavega ekki hvað eftir lifir af þess-
um samningi.“
Aðspurður segir Þorsteinn hins
vegar að umsvif Iceland Airwaves
muni líklega ekki minnka eins mikið
og hann sá fyrir í viðtalinu sem birt-
ist í Morgunblaðinu á laugardaginn.
„Ég vona að okkur takist að fá
breiða samstöðu frá fyrirtækjum
þess efnis að þau bakki okkur upp til
áframhaldandi sóknar.“
Vilja halda í hátíðina
Þorbjörg Helga Vigfúsdóttir, for-
maður menningar- og ferðamálaráðs
Reykjavíkurborgar, segir að nú
verði allt kapp lagt á að fjölga
styrktaraðilum Iceland Airwaves.
„Umfang hátíðarinnar hefur nátt-
úrulega verið að stækka, og sam-
hliða því höfum við horft á vísitöluna
hækka, þannig að við erum að reyna
að finna út hvernig við leysum úr
því. Við erum mjög ánægð með
þessa hátíð og viljum endilega halda
í hana, enda skiptir hún miklu máli
fyrir Reykjavíkurborg og litla
rekstraraðila í borginni,“ segir Þor-
björg, sem á hins vegar ekki von á
því að framlög frá borginni hækki á
næstunni.
„Það er ekki uppi á borðinu í
augnablikinu, á meðan verið er að
leita að nýjum styrktaraðilum. Þetta
hafa bara verið Icelandair og
Reykjavíkurborg en nú erum við að
vonast til þess að fleiri hafi áhuga á
að koma að þessu. Þannig að þetta
er í fyrsta skipti sem við leitum að
nýjum aðilum.“
Iceland Airwaves borgið?
 Eigandi hátíðarinnar bjartsýnn eftir fund með Icelandair
og Reykjavíkurborg  „Hátíðin skiptir miklu máli fyrir
borgina,“ segir formaður menningar- og ferðamálaráðs
Ljósmynd/Björg Sveinsdóttir
Landkynning Íslenska hljómsveitin Bloodgroup á tónleikum á Nasa á Iceland Airwaves í fyrra.
Þorsteinn
Stephensen
Þorbjörg Helga
Vigfúsdóttir
NÝJASTA plata Bubba Morthens, Fjórir naglar, er
væntanleg í verslanir miðvikudaginn 11. júní. Þrjú
ár eru liðin frá því að Bubbi gaf síðast út sólóplötu
og er því ekki laust við að Bubba-aðdáendur séu
orðnir nokkuð óþreyjufullir. En þrátt fyrir að plat-
an verði ekki fáanleg í föstu formi fyrr en í næstu
viku er hægt að gleðja alhörðustu aðdáendurna
með því að upplýsa að hægt er að kaupa lögin af
plötunni í gegnum farsíma Vodafone. Bubbi fetar
þarna í fótspor ekki ómerkari stjörnu en Madonnu
en nýja platan hennar var fáanleg í Vodafone-
símum um allan heim áður en hún fór í hefðbundna
sölu. Viðskiptavinir Vodafone eiga kost á að kaupa
stök lög eða plötuna alla í gegnum símann sjálfan
eða með því að panta lagið á vodafone.is og senda
það í símtækið.
Í tilefni af nýju plötunni verða útgáfutónleikar
haldnir í Borgarleikhúsinu föstudaginn 6. júní kl.
20 þar sem Bubbi mun njóta liðsinnis sveitar sinn-
ar, Stríðs og friðar. Miðasala er hafin á vef Borg-
arleikhússins, www.borgarleikhus.is, og á
www.midi.is. Nánari upplýsingar eru á www.midi-
.is og á www.prime.is. | hoskuldur@mbl.is
Fjórir naglar
Bubba hjá
Vodafone
Morgunblaðið/Árni Sæberg
Nýjungagjarn Bubbi hefur hingað til ekki verið hræddur
við að reyna nýja hluti og bylting á sviði upplýsingatækni
er þar engin undantekning.