Morgunblaðið - 25.07.2008, Blaðsíða 11

SKULDABRÉF N1 HF.
TEKIN TIL VIÐSKIPTA Á OMX NORDIC EXCHANGE ICELAND HF.
N1 hf. hefur birt lýsingu vegna töku skuldabréfa til viðskipta á OMX
Nordic Exchange Iceland hf.
Heildarnafnverð skuldabréfanna sem nú eru tekin til viðskipta er
2.000.000.000 kr. í einum flokki. Nafnverð hverrar einingar er
10.000.000 kr.
Skuldabréfin eru óverðtryggð og greiðir bréfið árlega 20,30% fasta vexti af
höfuðstól. Fyrsti vaxtadagur er 11. júlí 2008. Fyrsti vaxtagjalddagi er 13.
júlí 2009 og annar og síðasti vaxtagjalddagi er 11. janúar 2010. Höfuðstól
bréfanna ber að endurgreiða í einni greiðslu á lokagjalddaga þann 11.
janúar 2010. Auðkenni flokksins á OMX Nordic Exchange Iceland hf. er
N1 08 1 og ISIN IS0000018315.
OMX Nordic Exchange Iceland hf. mun taka skuldabréfin til viðskipta
þann 25. júlí 2008.
Umsjón með sölu skuldabréfanna og töku til viðskipta á OMX Nordic Exchange Iceland hf. er
Glitnir banki hf., Kirkjusandi 2, 155 Reykjavík. Lýsinguna og önnur gögn sem vitnað er til í
henni er hægt að nálgast hjá N1 hf, Dalvegi 10-14, 201 Kópavogi og á heimasíðu N1 hf.
www.n1.is fram til lokadags skuldabréfanna.
Reykjavík, 25. júlí 2008.
MORGUNBLAÐIÐ FÖSTUDAGUR 25. JÚLÍ 2008 11
FRÉTTIR
Eftir Rúnar Pálmason
runarp@mbl.is
NÁNAST er uppselt í Jökulsárhlaupið sem hefst
á hádegi á morgun. Í gær voru 164 keppendur
skráðir og aðeins er pláss fyrir tíu hlaupara í við-
bót en þeir geta aðeins fengið að keppa á lengsta
leggnum sem boðið er upp á; 32,7 km langa leið
frá Dettifossi að Ásbyrgi.
„Þetta er algjört met,“ sagði Þorsteinn Hy-
mer, einn aðstandenda hlaupsins og var að von-
um kátur með þátttökuna. Skipuleggjendur yrðu
að takmarka fjöldann af hagnýtum ástæðum,
m.a. vegna þess að sjálfboðaliðar yrðu í sumum
tilfellum að bera vatn um langan veg á drykkjar-
stöðvar. „Kringum 200 er algjört hámark hjá
okkur, sagði Þorsteinn en útilokaði þó ekki að
hægt yrði að hleypa fleirum í hlaupið á næsta
ári.
Miklum hlýindum er spá á Norðausturlandi
um helgina. Slíkt veður hentar vel til sólbaða og
hófsamrar áreynslu en ekki til langhlaupa. „Ég
veit ekki hversu ánægðir hlaupararnir eru. Það
er spáð hérna 20 gráðum og hægviðri. Þannig að
það verður ansi heitt og það getur því verið erfitt
að hlaupa,“ sagði Þorsteinn. Áhorfendur og
starfsmenn myndu á hinn bóginn hafa það gott.
Um 600 manns voru á tjaldstæðinu í Ásbyrgi í
gær og býst Þorsteinn við að töluvert fjölgi þar
um helgina. Þar mun vera góð stemning og veð-
urspáin er frábær … nema fyrir hlaupara.
Hiti í hlaupinu við Jökulsá
 Aldrei hafa fleiri skráð sig til þátttöku og í gær var aðeins pláss fyrir 10 í viðbót  Spáð er tölu-
verðum hita á keppnisdaginn  Um 70 manns hlupu árið 2004 en nú eru 164 skráðir til leiks
Í HNOTSKURN
» Í fyrsta Jökulsárhlaup-inu, árið 2004, voru um
70 þátttakendur.
» Boðið er upp á þrjármislangar hlaupaleiðir.
Frá Dettifossi að Ásbyrgi
(32,7 km), frá Hólmatungum
að Ásbyrgi (21,2 km) og frá
Hljóðaklettum að Ásbyrgi
(13,2 km).
» Utanvegahlaup njóta sí-vaxandi vinsælda og sem
dæmi má nefna að tæplega
240 manns tóku þátt í
Laugavegshlaupinu og rúm-
lega 90 í Vesturgötunni,
milli Arnarfjarðar og Dýra-
fjarðar.
Ljósmynd/Aðalsteinn Örn Snæþórsson
Klár Árið 2006 voru þátttakendur 140 en það met verður slegið á morgun. Þá var líka sólskin.
Akureyri | Stjórnklefinn af Gullfaxa
er nýjasta viðbótin í myndarlegt
stóð af merkum vélum í Flugsafni
Íslands. Gullfaxi var fyrsta þota
sem Íslendingar eignuðust en hann
kom fyrst til landsins í júní árið
1967. Svanbjörn Sigurðsson, fram-
kvæmdastjóri safnsins, er mjög
ánægður með viðbótina. Hann segir
þó að enn eigi eftir að gera stjórn-
klefann upp og setja undir hann
pall.
Gullfaxi var seldur úr landi árið
1980 en þá keypti flutningafyr-
irtækið UPS þotuna. Vélin var eftir
það notuð í farmflutningum, og
hentaði vel til þess, þar sem stórar
hliðardyr auðvelduðu mönnum
verkin. 126 farþegar komust fyrir í
sætum í Gullfaxa, en stundum var
vélinni skipt í tvennt og voru þá far-
þegar og farmur fluttur í einni
ferð.
Gullfaxa
ýtt inn í
Flugsafnið
Morgunblaðið/Hjálmar S. Brynjólfsson
Átak að ýta Gullfaxi var fyrsta þota Íslendinga en hann kom fyrst til landsins í júní árið 1967. Stjórnklefinn er nýjasta viðbótin í Flugsafn Íslands.
BORIÐ hefur á dólgslátum og dóna-
skap í garð starfsfólks Spalar við
Hvalfjarðargöngin. Einkum eru það
bílstjórar með vagna og hjólhýsi sem
skeyta skapi sínu á starfsfólki.
Viðskiptavinir upp til
hópa kurteisir og elskulegir
Á heimasíðu Spalar segir að við-
skiptavinir félagsins séu upp til hópa
kurteisir og elskulegir í alla staði. Þó
komi það reglulega fyrir að menn
séu illa fyrir kallaðir og láti það þá
bitna á starfsfólki Spalar, bæði vakt-
mönnum í gjaldskýlinu og þeim sem
svara í síma á skrifstofu félagsins á
Akranesi. Nokkur slík atvik komu
upp í fyrrasumar og hefur sagan
endurtekið sig í ár.
Orðbragðið sem sumir vegfarend-
ur viðhafa er sagt óbirtingarhæft og
Spölur mælist til þess að menn dragi
djúpt andann, bíti í tunguna á sér og
komi sjónarmiðum sínum frekar á
framfæri við ráðamenn Spalar á
Akranesi.
Dólgslæti og dóna-
skapur við göngin
Morgunblaðið/Árni Sæberg
Í göngin Sumir eru ósáttir við gjaldskrána og láta það bitna á starfsfólki.