Morgunblaðið - 25.07.2008, Blaðsíða 22

22 FÖSTUDAGUR 25. JÚLÍ 2008 MORGUNBLAÐIÐ
UMRÆÐAN
MIKIL umræða fer
nú fram um virkjanir
hér á landi og vonandi
eiga enn fleiri eftir að
tjá sig um þessi mik-
ilvægu mál. Þau
snerta þjóðina alla en
ekki bara Sunnlend-
inga eins og stundum
mætti ætla af um-
ræðum, viðtölum við
ráðamenn og skrifum í fjölmiðla.
Það er mál þjóðarinnar allrar hvort
reisa á þrjár virkjanir í neðri hluta
Þjórsár. Virkjanirnar myndu valda
gríðarlegum náttúruspjöllum og
eyðileggingu á því fallega umhverfi
sem við eigum í kringum árnar.
Umhverfi Þjórsár ætti fremur að
gera að þjóðgarði en að hafa á
stefnuskrá að umturna því og
skemma það.
Þjórsá, ein fegursta
á landsins
Þjórsá er ekki bara
lengsta á landsins, held-
ur er hún ein fegursta á
Íslands, með öllum sín-
um fossum og flúðum, að
ekki sé minnst á grónar
eyjar. Náttúruperlur
eins og Hagaey, foss-
arnir Búði, Hestafoss og
Urriðafoss verða eyði-
lagðar. Það er óaft-
urkallanlegt. Sýn til
jökla, birtan og ljósaspil-
ið við ána eru oft engu lík. Göngu- og
reiðleiðir eru einstakar, en spillast.
Sú heildstæða sýn sem oft sést með
Heklu í bakgrunni er svo sérstök að
bera má hana saman við aðra feg-
urstu staði á Íslandi eins og Þingvelli
og Mývatn. Árniðurinn í Þjórsá sem
heyrist langt að er hluti af því að
gera hana að þeirri stórbrotnu á sem
hún er. Ef virkjað er, þagnar áin,
vatnið breytir um lit, í staðinn koma
bláhvít kyrr uppstöðulón. Áin sem
slík deyr. Það má ekki gerast.
Áhrif á ferðamennsku –
leiðin inn á hálendið
Gleymum því ekki, að það um-
hverfi sem um ræðir að spilla er aðal-
innkeyrslan inn á hálendi Íslands.
Það er ekki sama hvar á að virkja, en
það hlýtur að vera ljóst að það er
ekki ráðlegt að eyðileggja umhverfi
sem er fjölfarið af ferðamönnum og
opnar þeim inngönguna inn á hálend-
ið. Fegurðin í kringum Heklu myndi
gjörbreytast og ætti það eitt út af
fyrir sig að nægja til að láta sér ekki
detta í hug að virkja einmitt þarna.
Áhrif á lífríki fiskistofna
Merkileg grein birtist í Morgun-
blaðinu hinn 7. júlí síðastliðinn eftir
Valgeir Bjarnason líffræðing. Hann
vekur athygli á atriði sem hefur ekki
fengið nóga umræðu, og hann undr-
ast að hagsmunaaðilar í sjávarútvegi
hafi ekki krafist rannsókna á sam-
hengi virkjana og áhrifa þeirra á líf-
ríki sjávar. Valgeir segir m.a.: „Þess
vegna tel ég að ekki eigi að ráðast í
frekari vatnsaflsvirkjanir fyrr en
áhrif stíflugerðar og stöðvunar fram-
burðar ánna hafa verið rannsökuð til
hlítar. Það er auðvelt að meta og hafa
skoðanir á sýnilegum áhrifum virkj-
ana á landi. Áhrif þeirra á hafið og líf-
ríki þess eru ekki jafn-augljós. Þau
verða ekki metin nema með tækni-
legum aðferðum. Þessi áhrif geta þó
haft mun meiri efnahagslegar afleið-
ingar en nokkurn órar fyrir“.
Komið hefur fram í fréttum, að
hefja á vísindarannsóknir á áhrifum
vatnsaflsvirkjana á lífríki sjávar um-
hverfis landið. Því ber mjög að fagna.
Það skyldi þó aldrei vera, að slíkar
rannsóknir hjálpuðu okkur nátt-
úruverndarsinnum til að stöðva bæri
virkjanir í Þjórsá? Því að ef rétt
reynist, að lífríkið sé í hættu, væru
virkjanir þjóðhagsleg eyðilegging.
Fólkið vill ekki virkjanir
Nú í efnahagskreppunni koma
margir fram á ritvöllinn og kalla á
virkjanir. Nú á að vera lag. Tíma-
bundin kreppa má ekki villa mönnum
sýn og ýta undir óafturkræft um-
hverfisslys: að eyðileggja lengstu á
landsins sem á að vera okkar stolt og
prýði og umturna einni fegurstu og
blómlegustu sveit landsins. Fólkið
vill ekki virkjanir. Í Fréttablaðinu
frá 24. júni kemur fram að tæp 57
prósent svarenda könnunar segist
ekki styðja frekari virkjanir á Ís-
landi. Þá var kreppan komin á fullt.
Þjóðin tekur afstöðu og hana undrast
margir ráðamenn.
Samfylkingin gefi skýr skilaboð
Margir kusu Samfylkinguna vegna
afstöðu hennar í stóriðjumálum.
Ingibjörg Sólrún Gísladóttir segir
nýlega að fullkomin einhugur ríki
innan þingflokksins um Fagra Ís-
land. Hver er einhugurinn gagnvart
virkjunum í Neðri-Þjórsá? Margir
bíða eftir þeirri yfirlýsingu. Svörin
hafa ekki verið skýr. Ég skora á ráð-
herra Samfylkingarinnar að lýsa yfir
opinberlega hvaða afstöðu þeir hafa
til þessara virkjana. Það eiga kjós-
endur ykkar rétt á að vita.
Fagra Ísland –
Höfnum virkjunum í Þjórsá
Guðfinna
Eydal skrifar
um virkjun
Þjórsár
Guðfinna
Eydal
»Ég skora á ráðherra
Samfylkingarinnar
að lýsa yfir opinberlega
hvað afstöðu þeir hafa
til þessara virkjana. Það
eiga kjósendur ykkar
rétt á að vita.
Höfundur er sálfræðingur.
KRISTINN H.
Gunnarsson skrifar nú
grein eftir grein í
Moggann til þess að
verja þennan krónu-
ræfil, eða það sem eftir
er af henni. Krónan er
bara til eins nýt og það
er að með henni er
hægt að halda uppi ok-
urvöxtum og óðaverð-
bólgu en slíkt kemur
sér mjög vel auðvitað fyrir íslensk
stjórnvöld sem vinna eingöngu fyrir
fámennan hóp manna sem hefur það
eitt á stefnuskrá sinni að blóðmjólka
íslenskan almenning á meðan hann
stendur í lappirnar og getur stritað.
Ég er kominn á þá skoðun að allir
hérlendir stjórnmálamenn falli undir
þennan óhæfa hóp, nema ef vera
skyldi Jóhanna Sigurðardóttir.
Hennar aðgerðir eru í þá átt að vera
almenningi til hagsbóta. Til glöggv-
unar þá er almenningur í mínum
huga fólk sem hefur uppeldi barna
sinna sem forgangsverkefni, elur
börnin upp sjálft að mestu leyti,
skaffar þeim heimili og
þá öryggistilfinningu
sem það veitir, mætir í
vinnuna og þiggur sín
laun, borgar af lánum,
borgar skyldur og síð-
ast en ekki síst borgar
það sína skatta sem ég
er ekki viss um að sé
endilega takmarkið hjá
þeim fámenna hópi
fjársjúkra manna sem
ríkisstjórn Íslands
vinnur til heilla.
Aftur að Kristni H.
og hans skrifum. Hann
er búinn að gera þá stórkostlegu
uppgötvun að við verðum að koma
okkur sjálf út úr efnahagsvand-
anum. Svo þylur maðurinn upp pró-
sentutölur úr alls kyns eldgömlum
rannsóknum og segir svo að allsend-
is sé ekki ómögulegt að sama lög-
málið gildi í dag.
Eftirfarandi er úr grein Kristins í
Mogganum 21. júlí 2008. „Skýrsla
frá HHÍ frá 2003 metur raunvexti
um 2,5% hærri að meðaltali á Ís-
landi, en minni þegar vel gengur og
þá 1-2% við þær aðstæður, sem fara
svo aftur eftir innlendri hagstjórn.“
Ég segi. Við okurvaxtagreiðendur
viljum fá að sjá þessar tölur á gíró-
seðlunum okkar, ekki heyra um þær
í einhverjum draumóra-tilvitnunum
en með svona stjórnarlið eins og við
sitjum uppi með núna er víst engin
von. Fullyrðingar og rök í greinum
Kristins eru flest álíka gáfuleg og
þegar Pétur Blöndal byrjar að babla.
Önnur tilvitnun. „Vaxtalækkun mun
færa til verðmæti milli kynslóða.
Eldri borgarar munu tapa á vaxta-
lækkuninni af því að þeir eiga eign-
ir.“ Allt ber að sama brunni, þið eruð
að hugsa eingöngu um sjálfa ykkur
og ykkar vini. Þú ert væntanlega af
þeirri kynslóð, Kristinn, sem fékk
húsin sín gefins, er það ekki? Næsta
kynslóð á eftir borgaði eftir að verð-
bólgan í efnahagsóstjórninni sem þá
var át upp húsnæðislánin ykkar og
næsta kynslóð á eftir borgaði brús-
ann með okurvöxtum og verðtrygg-
ingunni góðu sem þið siðblindir
mennirnir í brúnni sjáið ekki lengur
sem vágest í íslensku samfélagi,
heldur hjálpartæki til að rétta þeim
sem finnst gaman að raka saman
peningum meiri vexti undir dulnefni.
Verðtrygging er eitur fyrir íslenskt
samfélag og hana verður að afnema
strax en það er eins með hana og ok-
urvextina, það er enginn vandi að af-
nema þá ef einhver væri viljinn. Ein
tilvitnun enn. Skuldir munu ekki
hverfa við að taka upp evru. Ákvæði
um vexti og verðtryggingu munu
standa. Bankarnir munu ekki una
því að skuldir rýrni við gjaldmið-
ilsbreytingu. Tilvitnun lýkur.
Ákvæði um vexti og verðtryggingu
munu standa eins lengi og stjórnvöld
gefa bönkunum ótakmarkað veiði-
leyfi á almenning. Sérðu fyrir þér
bónda sem á kú sem mjólkar og
mjólkar. Heldur þú að hann hætti að
mjólka kúna „bara af því bara“?
Kristinn nefnir líka að laun muni
lækka til samræmis við evrulöndin
og vitnar enn einu sinni í heimildir,
svo gamlar að aðeins á að vera hægt
að lesa í gegnum gler á safni. Trú-
lega eftir síðustu gengislækkun sem
varð vegna stórkostlegra gjaldmið-
ilskaupa bankanna, eru laun áþekk í
dag í þessari viðmiðun. En svo minn-
ist karlinn líka á vexti en þar verður
ekki samræmi við evrulöndin eins og
með launin, alls ekki. Af hverju skil-
ur enginn og síst hann sjálfur? Og
svo vogar maðurinn sér að færa þau
rök fyrir launalækkuninni sem er
samkeppnishæfni fyrirtækja. Er
ekki jafn-mikilvægt að vextir séu
þeir sömu báðum megin líka og rök-
in eru samkeppnishæfni fyrirtækja.
Ein spurning þessu tengd. Af
hverju þurfa íslenskir bankar 15-
20% vaxtatekjur á meðan bankarnir
í nágannalöndum okkar geta rekið
sig með 5-10% vöxtum. Eru íslenskir
bankastjórar aular?
Og af því að ég minntist á Pétur þá
er með ólíkindum að bera á borð fyr-
ir okkur að við landsmenn skulum
fagna vegna þeirrar miklu eigna-
myndunar sem orðið hefur á fast-
eignum okkar. Pétur, okkur er alveg
sama hvaða verðmiði er á heim-
ilunum okkar, það eina sem gerist er
að við verðum að borga hærri fast-
eignaskatta og hærri aukavexti,
öðru nafni verðbætur. En þú ert
meistari í að sannfæra sjálfan þig
um að almenningur hafi það gott og
á meðan er ekki hægt að ætlast til að
þú vinnir í okkar málum.
Að lokum. Við Íslendingar erum
fífl í ykkar augum og það er hægt að
bera hvað sem er á borð fyrir okkur
enda eðlilegt, ekkert heilvita fólk
lætur fara svona með sig eins og við
gerum.
Góðir Íslendingar! Við erum fífl
Magnús Vignir
Árnason skrifar um
efnahagsmál
Magnús Vignir
Árnason
»Af hverju þurfa ís-
lenskir bankar 15-
20% á meðan bankarnir í
nágrannalöndum okkar
geta rekið sig með 5-10%
vöxtum? Eru íslenskir
bankastjórar aular?
Höfundur er bifreiðasali.
VOLTAIRE skrif-
aði á 16. öld að læknar
gæfu lyf sem þeir vissu
lítið um, gegn sjúk-
dómum sem þeir vissu
enn minna um, fólki
sem þeir vissu ekkert
um.
Vissulega hefur
margt breyst en hefur
það endilega breyst til batnaðar?
Það er ekki við sjúklinga að sakast
þegar þeir koma uppgefnir á sál og
líkama til Póllands í von um betri líð-
an og annað líf. Lyfjasúpan sem
læknar ávísa ofan í fólk er oftar en
ella að drepa það.
Sumir koma til Póllands með allt
upp í 12 tegundir af lyfjum!
Lyfjakokteilar sem enginn veit
hvernig blandast í líffærum dýra,
hvað þá í hormóna og heilastarfsemi
manna. Læknar bera einir ábyrgð á
ástandinu á Íslandi þar
sem konur, börn og ör-
yrkjar eru mestu fórn-
arlömb lyfjavæðing-
arinnar. Lyfjafyrirtækin
blómstra sem aldrei
fyrr.
Alvarlega veikt fólk
líður í staðinn vegna
fjárskorts sjúkrastofn-
ana.
Fólk sem hefur, mán-
uðum saman, verið í
„endurhæfingu“ á
Reykjalundi eða öðrum
hefðbundnum ríkisreknum stofn-
unum kemur til Póllands með fjöl-
breytta lyfjakokteila, pólsku lækn-
unum til gapandi undrunar og mér til
skelfingar.
Öll lyf eru toxísk! Við afeitrum
fólkið og það losnar við aukaverkanir
lyfjanna. Fólk læknast í Póllandi svo
lengi sem það hafi ekki orðið fyrir
varanlegum lyfjaskemmdum eða með
langt gengna ólæknandi sjúkdóma.
Amfetamínsjúklingar (landlæknir
heimilar sumum að vera á amfetamíni
gegn lyfseðli frá lækni) verða hreinir,
frískir þó fyrstu dagarnir séu hrein
martröð í meðferðinni. Meðferðin,
með aðstoð detox-lækna, byggist á
von um betri líðan og betra líf, líf án
allra toxískra efna.
Það er ekki heldur við hinn al-
menna starfsmann heilbrigðisstofn-
ana að sakast, ekki við þá sem hlúa að
veiku fólki með sjúkraþjálfun eða
iðjuþjálfun, ekki við sálfræðingana að
sakast heldur þá lækna sem virðast
getað ávísað stórhættulegum lyfjum
án þess svo mikið sem blikna.
Hvað er að þeim læknum sem
þetta gera ? Eru þeir latir – áhuga-
lausir um heilbrigði – hrokafullir
gagnvart konum eða eru þeir að láta
undan þrýstingi lyfjafyrirtækja og/
eða sjúklinga? Varla er það metnaður
í starfi!
Oft á tíðum er fólkið sem til mín
kemur orðið svo veikt af lyfjaátinu að
það getur varla vaknað á morgnana,
varla stigið fram úr rúminu vegna
einhvers sem læknar kalla gigt eða
enn verra, vefjagigt. Gigt er sjálfs-
ónæmissjúkdómur og er fátt annað
en afleiðing toxískra efna sem lama
hreinsunar- og ónæmiskerfi lík-
amans, eins og flest lyf og skaðlegur
matur/lífsstíll gerir. Fólk er oft á tíð-
um bugað af þunglyndi, kvíða og
svefnleysi þar sem svefnlyfin rota
fólk og hafa ekkert með eðlilegan
svefn eða hvíld að gera. Öllum þess-
um lyfjum er hrært í einn graut og
útkoman er lyfjasjúklingur. Líffærin
fá engan frið til þess að hreinsa út
toxísk efni vegna endalausra inntöku
á toxískum lyfjum, frá morgni til
kvölds, jafnvel á nóttunnu á fólk að fá
sér eina!
Ungar konur koma skelfilega lyfja-
ðar eftir margra mánaða „meðferð“ á
Reykjalundi og þora ekki að segja
læknunum þar að þær hafi í Póllandi
losað sig við öll þessi lyf auk þess sem
verkirnir snarminnkuðu eða hurfu.
Hvað er til ráða nú þegar heilbrigð-
iskerfið er sprungið fjárhagslega
vegna „skottulækninga“ – það að
lyfja fólk gegn öllu sem að því amar ?
Með samstilltu átaki lækna og okk-
ar annarra sem vinnum að því að
lækna fólk sem og þeirra sem trúa á
viðtalsmeðferðir, iðjuþjálfun, hreyf-
ingu og viðhorfsbreytingar er hægt
að snúa þessari skelfilegu þróun við.
Ég hef boðist til þess að kynna de-
tox-meðferðina fyrir yfirmönnum á
Reykjalundi en þeir töldu „miðað við
umræðuna um detox-meðferðirnar í
Póllandi í fjölmiðlum, sjáum við ekki
flöt á samvinnu“. Einmitt!
Einn íslenskur læknir mætti á fyr-
irlestur pólska læknisins um detox-
lækninar. Sú sem er að hjálpa þús-
undum Íslendinga í Póllandi eftir
ranga meðhöndlun hér heima.
Það er ekkert nýtt að íslenskir
læknar telji sig einir vita sannleikann
um heilbrigði. Nú hefur velferð-
arkerfið einfaldlega ekki efni á því að
láta þá vaða áfram í villu sinni og
sjálfumgleði.
Sparnaðurinn af detox-meðferðum
gæti farið í að lækna virkilega veikt
fólk – á biðlistum. Lækningar án lyfja
spara milljónahundruð og eitra ekki,
af minnsta tilefni, fyrir grandalausu
fólki. Það er í lagi að finna til og líða
illa stundum!
Það að finna til stundum kallast
víst að vera manneskja.
Gott faðmlag er á við margar
kvíðastillandi pillur.
Það er í lagi að finna til og
líða illa – stundum
Jónína
Benediktsdóttir
telur að lyf séu
ofnotuð á Íslandi
Jónína Benediktsdóttir
» Það er ekkert nýtt að
læknar telji sig einir
vita sannleikann um
heilbrigði. Nú hefur vel-
ferðarkerfið einfaldlega
ekki efni á því.
Höfundur er framkvæmdastjóri
PPI – detox.is