Morgunblaðið - 15.08.2008, Síða 12

12 FÖSTUDAGUR 15. ÁGÚST 2008 MORGUNBLAÐIÐ
Meirihlutaskipti í borgarstjórn
FRÉTTASKÝRING
Eftir Pétur Blöndal
pebl@mbl.is
ÞAÐ skipti miklu í brúarsmíði milli
Framsóknar og Sjálfstæðisflokks í
borgarstjórn að formenn flokkanna
höfðu hist, borið saman bækur sínar
og töldu að samstarf „horfði mjög til
heilla“. Geir H. Haarde og Guðni
Ágústsson mynduðu „ákveðna kjöl-
festu“ þegar óformlegar þreifingar
voru að hefjast á milli flokkanna og
skapaði það grundvöllinn að því að
flokkarnir náðu saman.
Ljóst er að óánægjan með sam-
starfið við F-listann hafði kraumað
lengi í Sjálfstæðisflokknum. Borg-
arfulltrúar Sjálfstæðisflokksins töl-
uðu opinskátt sín á milli um þetta
vandamál á fundum í Valhöll á mánu-
dag og að morgni þriðjudags. Hanna
Birna og Ólafur hittust síðan á
löngum fundi um eftirmiðdaginn á
miðvikudag frá 12 til 19, eins og fram
hefur komið, og kom Vilhjálmur Þ.
Vilhjálmsson inn á fundinn klukkan
16.
Ýmislegt bar á góma á fundum
með Ólafi, meðal annars hvort hann
gæti hugsað sér að breikka meiri-
hlutann með Framsóknarflokknum
og hvort hann væri tilbúinn að víkja
fyrir Hönnu Birnu sem borgarstjóri.
Ólafur lokaði ekki fyrir það, en var
ekki tilbúinn að ganga eins langt og
sjálfstæðismenn óskuðu.
Það hafði hins vegar komið á dag-
inn að framsóknarmenn voru ekki til
í samstarf sem „þriðja hjól undir
vagni“. Og undiraldan var orðin þung
í Sjálfstæðisflokknum. Þar voru
menn óánægðir með ósamstöðuna og
vandræðaganginn í meirihlutanum,
sem kristallaðist í dræmum niður-
stöðum skoðanakannana og vildu fá
festu í borgarstjórn. Þegar hjólin
voru farin að snúast urðu þau ekki
stöðvuð. Skilaboðin voru skýr úr bak-
landinu og samstarf við Framsókn í
farvatninu. „Þetta var eina leiðin sem
var fær.“
Borgarfulltrúar flokksins funduðu
heima hjá Hönnu Birnu til klukkan 2
í fyrrinótt og var samstaða meðal
þeirra um framhaldið. Kjartan
Magnússon tók dræmast í að slíta
samstarfinu við F-listann, enda hafði
hann verið í nánu sambandi við Ólaf
og átt ríkan þátt í myndun meirihlut-
ans með F-listanum.
Hanna Birna og Ólafur F. Magn-
ússon hittust svo fyrir borgarráðs-
fund í gærmorgun, eins og venjulega.
En eftir því var tekið að hún mætti
ekki á borgarráðsfundinn sem hófst
kl. 9.30 og fundaði þess í stað áfram
með Ólafi. Þar voru fyrir hönd minni-
hlutans Óskar Bergsson, Dagur B.
Eggertsson og Þorleifur Gunn-
laugsson frá Vinstri grænum, en
Svandís Svavarsdóttir er í fríi í Tosc-
ana á Ítalíu. Það ríkti ágætisandi á
fundinum, sem var stuttur og snarp-
ur. Óvissan í borginni var ekkert
rædd og „ekki einu sinni gantast með
hana“. Óskar lét raunar færa til bók-
ar að hann gerði athugasemd við
hvernig að vali á verktaka væri staðið
eftir útboð vegna Sæmundarskóla.
Eftir að fundinum lauk settust
borgarfulltrúar Sjálfstæðisflokksins
yfir málin í sófasett í fundarherbergi
sem liggur að borgarráðsherberginu.
Þeir lokuðu að sér og ræddu meðal
annars um hvað þeir ættu að segja
fjölmiðlum. Fjölmiðlar héldu hins
vegar að borgarfulltrúarnir hefðu
farið niður brunastigann til þess að
sneiða hjá sér, olli það hneykslan og
fordæmingu og fór reiðialda um sam-
félagið. Borgarfulltrúarnar undr-
uðust hins vegar að engir fjölmiðlar
væru á staðnum er þeir komu út úr
fundarherberginu. Misskilningurinn
var leiðréttur síðar um daginn.
Lagt var upp með það af hálfu
minnihlutans í gær að Ólafur F.
Magnússon viki fyrir Margréti
Sverrisdóttur. Og Tjarnarkvartett-
inn gengi í endurnýjun lífdaga. En
sögum ber ekki saman um hvort
Ólafur hafi boðist til þess að hætta
eða ekki. Úr herbúðum Vinstri
grænna mátti heyra að hann hefði
boðist til þess, en því var neitað af
samstarfsmönnum Ólafs.
Borgarfulltrúar Sjálfstæðisflokks-
ins fóru til fundar við Hönnu Birnu
Kristjánsdóttur eftir borgarráðs-
fundinn, en hún hafði komið sér fyrir
í skrifstofuhúsnæði í Kópavogi til
þess að fá starfsfrið. Og hafði gert
drög að samkomulagi við Óskar um
að hefja viðræður. Eftir það fóru
samskiptin að mestu fram þaðan, þar
til formlegar viðræður hófust í Ráð-
húsinu. Áður hringdi Hanna Birna í
Ólaf F. Magnússon til þess að láta
hann vita af því.
Stefnt var að því að hefja viðræður
fyrir kvöldfréttir, en ekki náðist að
ganga frá lausum endum í Fram-
sóknarflokknum. Marsibil Sæmund-
ardóttir, varaborgarfulltrúi, var ekki
sannfærð og vildu menn tryggja að
hún væri samþykk framhaldinu.
Ekki hafðist uppi á henni og olli það
nokkrum áhyggjum þar til kom á
daginn að hún var í heilsurækt. Og
menn vörpuðu öndinni léttar. Það
kom svo fram í máli Óskars Bergs-
sonar í gær að hann myndi funda
með Marsibil Sæmundardóttur vara-
borgarfulltrúa fyrir hádegi í dag, en
hún er eini framsóknarmaðurinn ut-
an hans sem getur gegnt formennsku
í nefndum.
„Þetta hafa verið viðburðaríkir
dagar,“ sagði hann þegar nýr meiri-
hluti var kynntur í gærkvöldi. Það
eru orð að sönnu.
Morgunblaðið/Frikki
Oddviti Kastljós fjölmiðla beindist að Hönnu Birnu Kristjánsdóttur, oddvita sjálfstæðismanna, þegar hún kom til fundar við Óskar Bergsson, borgarfulltrúa Framsóknar, í Ráðhúsinu í gærkvöldi.
Formennirnir
voru kjölfestan
 Undiraldan var orðin þung í Sjálf-
stæðisflokknum og ekki varð aftur snúið
 Sjálfstæðismenn komu sér fyrir í húsi
í Kópavogi til að fá starfsfrið
Morgunblaðið/Frikki
Ráðhús Óskar Bergsson ræðir við fjölmiðlafólk í Ráðhúsinu í gærkvöldi.
Ólína Þorvarðardóttir | 14. ágúst
Orðabrigð og laumuspil
… Hanna Birna hefur
margoft lýst því yfir að
Sjálfstæðismenn væru
heilshugar í samstarfi
sínu við Ólaf F. Magn-
ússon. Flóttaleg fram-
koma hennar og Vilhjálms
Þ. síðustu daga þar sem þau hafa laum-
ast út um brunaútganga til að forðast
fjölmiðla hefur ekki beinlínis borið …
Meira: Meira: olinathorv.blog.is
Ingólfur H. Þorleifsson | 14. ágúst
D+S
… Sjálfstæðismenn og
Samfylking verða að setja
aftur fyrir þann pirring
sem verið hefur á milli
þessara flokka í borg-
arstjórn, og mynda meiri-
hluta sem er nógu sterk-
ur til að taka á málum. Ef að það þarf til
að Dagur fái borgarstjórastólinn þá eig-
um við að gefa það eftir. Dagur stóð sig
að mörgu leyti vel sem borgarstjóri …
Meira: golli.blog.is
Ómar R. Valdimarsson | 14. ágúst
Blaðamannafundur
D- og B-lista
… Óskar og Hanna Birna
þurfa að velja staðsetn-
ingu blaðamannafund-
arins vandlega. Nú er
bjart og fallegt úti þannig
að velja stað við Tjarn-
argötuna með Ráðhúsið í
baksýn er líklega skynsamlegt. Mjög
fótógenískt.
Oddvitarnir þurfa að svara blaða-
mönnum skýrt og skorinort …
Meira: omarr.blog.is
Salvör | 14. ágúst
Ólafur á um sárt að binda
… Það þarft stáltaugar til
að standa í pólitík eins og
hún er orðin á Íslandi í
dag og það hefur mætt
mikið á borgarfulltrúum í
Reykjavík þetta kjör-
tímabil. Vonandi átta fjöl-
miðlamenn og menn í kringum Ólaf í
stjórnmálum sig á því að Ólafur skynjar
ekki atburðarásina eins og þeir …
Meira: Meira: salvor.blog.is
blog.is