Morgunblaðið - 21.08.2008, Blaðsíða 2
Veggjakrotari
var staðinn að
verki við fjöl-
býlishús á höf-
uðborgarsvæð-
inu fyrradag.
Um var að
ræða unglings-
pilt sem reyndi að komast undan en
einn íbúanna náði til hans og kall-
aði til lögreglu.
Að sögn lögreglunnar á höfuð-
borgarsvæðinu játaði pilturinn sök
en tjónið er nokkurt og fylgir
kostnaður því að ná veggjakrotinu
af. Að þessu sinni náðust sættir,
sem felast í því að pilturinn málar
sjálfur yfir krotið. Hann mun enn-
fremur mála yfir allt annað veggja-
krot sem kann að koma á þessa
fasteign næsta hálfa árið.
Að sögn lögreglu munu íbúar
hússins ekki leggja fram kæru í
málinu standi veggjakrotarinn við
sinn hlut.
Hreinsar
veggjakrot
í hálft ár
2 FIMMTUDAGUR 21. ÁGÚST 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf Anna Sigríður Einarsdóttir,
annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson,
Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Halldór Armand Ásgeirsson
haa@mbl.is
„BREKKURNAR verða svona dálít-
ið sléttari. Það er svona helsti mun-
urinn finnst mér. Það er engu lík-
ara en maður sé á jafnsléttu þegar
maður geysist upp brekkur,“ segir
Bjartur Logi Guðnason, organisti í
Bessastaðakirkju á Álftanesi. Hann
hefur í sumar þeyst um höfuðborg-
arsvæðið á rafknúnu reiðhjóli sem
hann festi nýlega kaup á.
„Ég er búsettur í Hafnarfirði og
hjóla oft í Vesturbæ Reykjavíkur og
aftur til baka. Hleðslan dugar í það
en ekki mikið meira. Það hefur hins
vegar dugað mér mjög vel,“ segir
Bjartur kátur. Hann segir jafn-
framt að 2-3 klukkutíma taki að
hlaða hjólhestinn aftur að fullu.
Bjartur segir margvíslegar
ástæður fyrir því að hann hafi
ákveðið að fjárfesta í slíkum far-
kosti. „Bensínverðið er auðvitað
orðið ansi hátt og svo hjólaði ég
einu sinni rosalega mikið og lang-
aði mikið að taka aftur upp þá iðju.
Og það hefur svo sannarlega tekist
– ég hjóla mjög mikið þessa dag-
ana.“
Hann segist þó í starfi sínu ekki
bruna á milli kirkna á hjólinu. „Ég
á alveg eftir að koma fyrir tösku á
hjólinu. Maður er alltaf að fara á
milli staða með nótnablöðin með sér
og svona. En annars nota ég líka
stundum bíl og þá helst þegar ég
þarf að koma víða við á stuttum
tíma. Maður er óneitanlega fljótari
með bílnum þó ég noti hjólið sem
allra mest.“
Mótorinn á hjólinu virkar með
þeim hætti að hann leggur 50% við
þann kraft sem fer í hjólreiðarnar.
Því má segja að það sé helmingi
auðveldara að hjóla á rafknúnu
hjólunum. „Þetta er ágætt að því
leyti að þótt ég sé að hjóla langar
vegalengdir þá verð ég ekki mjög
sveittur á leiðinni. Svo er þetta líka
bara svo gaman.“
Organisti á
rafknúnum fák
„Brekkurnar verða dálítið sléttari“
2-3 klukkutíma tekur að hlaða hjólið
Hjólagarpur Bjartur Logi Guðnason, organisti í Bessastaðakirkju, á rafknúna hjólinu sínu.
FRÉTTASKÝRING
Eftir Björgvin Guðmundsson
bjorgvin@mbl.is
Í UNDIRBÚNINGI er að selja
eignir Orkuveitu Reykjavíkur til að
skjóta styrkari stoðum undir rekst-
urinn. Erlendar skuldir hafa hækkað
um tæplega 40 milljarða króna
vegna gengisfalls krónunnar. Námu
þær 125 milljörðum króna í apríl en
voru 86 milljarðar í upphafi árs. Af-
borganir og lánakjör hafa hækkað.
Eigið fé fyrirtækisins hefur rýrnað
um tæpa 18 milljarða króna það sem
af er ári. Eiginfjárhlutfallið, sem er
mælikvarði á fjárhagslegan styrk,
hefur fallið úr 46% í kringum 30%.
Samkvæmt upplýsingum Morgun-
blaðsins eru í undirbúningi viðbrögð
vegna þessarar stöðu í stjórn Orku-
veitunnar. Meðal annars er til skoð-
unar að fresta framkvæmdum við
Bitruvirkjun af fjárhagslegum
ástæðum. Eins er talið mikilvægt að
skoða sölu eigna eins og 16,5% hlutar
í Hitaveitu Suðurnesja. Þá á að selja
jarðirnar Hvamm og Hvammsvík.
Eru tilboð til skoðunar í stjórninni.
Getur ekki tjáð sig
Kjartan Magnússon, formaður
stjórnar OR, sagðist ekki geta tjáð
sig um stöðu fyrirtækisins nú. Það
ætti eftir að samþykkja reikninga fé-
lagsins fyrir fyrstu sex mánuði ársins
í stjórninni. Þeir yrðu svo sendir í
Kauphöll Íslands til birtingar.
Alþjóðlega matsfyrirtækið
Moody’s skoðar nú rekstur orku-
fyrirtækisins. Í framhaldinu verður
gefin út ný lánshæfiseinkunn.
Heimildarmenn Morgunblaðsins
segja að eiginfjárstaðan sé í sjálfu
sér ekki slæm.
Hins vegar geti höggið, sem
Orkuveitan hefur þurft að taka á
sig vegna gengisfallsins, haft þau
áhrif að einkunnin sé færð niður
eða horfur sagðar tvísýnar. Það
gæti aftur haft áhrif á lánshæfis-
mat Reykjavíkurborgar.
Erfið fjárhagsstaða OR
Matsfyrirtækið Moody’s er að endurskoða lánshæfismat Orkuveitu Reykjavíkur
Fjárhagslegur styrkur Orkuveitunnar hefur veikst mikið vegna falls krónunnar
Af hverju verri fjárhagsstaða?
Gengisfall krónunnar fyrr á árinu er
meginástæðan fyrir verri fjárhags-
stöðu OR.
Gengistap fyrstu mánuði ársins nam
um 27 milljörðum króna. Erlendar
skuldir jukust um 40 milljarða, mælt
í krónum.
Hver eru viðbrögðin?
Efast er um fjárhagslega getu OR til
að ráðast í nýjar framkvæmdir eins
og Bitruvirkjun. Því er vilji til að
fresta henni en spurning um pólitísk-
an vilja. Eins er sala eigna til skoð-
unar. Er þá hlutur í Hitaveitu Suð-
urnesja nefndur og jarðir sem OR á.
S&S
Eftir Guðna Einarsson
gudni@mbl.is
„VIÐ skimuðum vandlega í kring-
um okkur áður en við flýttum okk-
ur niður fjallið og skokkuðum rest-
ina að flugvellinum. Ef við hefðum
verið aðeins fyrr eða síðar á ferð-
inni hefðum við líklega gengið í
flasið á stórum ísbirni,“ sagði Þor-
leifur Einar Pétursson flugstjóri.
Hann og Hafsteinn Jónasson flug-
maður lentu óvænt á slóð ísbjarnar
á þriðjudaginn var. Þeir voru í
áætlunarflugi á Dash-8 flugvél
Flugfélags Íslands til Constable
Point í Grænlandi. Yfirleitt er flog-
ið strax til baka þegar búið er að
afgreiða vélina en í fyrradag var
stoppað í sex tíma. Notuðu fé-
lagarnir tækifærið til að ganga á
Harris Fjeld við flugvöllinn.
„Ég er búinn að vinna hjá Flug-
félaginu í ellefu ár og hef alltaf
horft á Harris Fjeld þegar við höf-
um flogið til Constable Point,“
sagði Þorleifur. Fjallið er um 500
metra hátt og rétt við flugbrautina.
Þeir gengu á fjallið fljótlega eftir
lendingu. Félagarnir tóku með sér
talstöð, en ekki var talin þörf á
meiri öryggisbúnaði. „Það hefur
ekki sést ísbjörn þarna að sum-
arlagi í mörg, mörg ár,“ sagði Þor-
leifur.
Gangan á fjallið tók um 45 mín-
útur. Þar sem félagarnir blésu
mæðinni og nutu útsýnisins kom
viðvörunarkall frá flugturninum.
„Þeir sögðu að það væri ísbjörn við
flugbrautarendann. Við litum niður
og sáum björninn um 1,5 km frá
okkur. Hann var á milli okkar og
flugvallarins og á gönguleiðinni þar
sem við vorum hálftíma fyrr,“ sagði
Þorleifur. Það varð þeim til happs
að þyrla kom aðvífandi og var hún
fengin til að stugga við birninum.
„Við hinkruðum uppi á fjallinu á
meðan þyrlan rak björninn burt.
Það vissi enginn hvernig hann
myndi bregðast við. Á tímabili kom
til greina að við yrðum sóttir á
þyrlunni. Svo gaf bangsi eftir og
lét sig hverfa til sjávar.“ Þorleifur
sagði að um stóran karlbjörn hefði
verið að ræða og er talið að sami
björn hafi hrellt menn um 100 km
frá Constable Point fyrir nokkrum
dögum.
Ísbjarnarævintýri á gönguför í Grænlandi
Tveir íslenskir flugmenn gengu á Harris Fjeld í Constable Point í Grænlandi á þriðjudaginn var
Skyndilega birtist ísbjörn á leiðinni sem þeir gengu og þyrla hrakti hann burt
Ljósmynd/Haukur Jónasson
Constable Point Horft af Harris Fjeld yfir flugvöllinn. Ísbjörninn birtist
skyndilega við flugvallarendann (t.v.) og var rekinn þaðan til sjávar.
Gengistap | Viðskipti