Morgunblaðið - 21.08.2008, Blaðsíða 12
12 FIMMTUDAGUR 21. ÁGÚST 2008 MORGUNBLAÐIÐ
FRÉTTIR
Eftir Ómar Friðriksson
omfr@mbl.is
BÚAST má við að nokkur stór, þýðingarmikil og
umdeild mál verði tekin upp á ný á framhalds-
fundum Alþingis sem hefjast 2. september næst-
komandi. Þinghaldið er nýjung í störfum Alþingis
því skv. þingskaparlögunum er nú gert ráð fyrir
nokkrum þingfundardögum í september áður en
þinginu sem frestað var í maí, verður formlega slit-
ið.
Meginhugsunin með þessum þingdögum er sú að
halda megi áfram afgreiðslu mála sem voru komin
langt á veg innan þingsins þó þau næðu ekki í gegn
í vor. Einn þingmaður orðaði það svo, að hug-
myndin á bak við þessa breytingu hefði ekki verið
sú að þingmenn og ráðherrar nýttu þessa fáu daga
til að „dæla inn“ fjölda nýrra þingmála, þó ekkert
standi í vegi fyrir því, enda ekki unnt að binda
hendur þingmanna hvað það varðar.
Framhaldsfundir Alþingis hefjast þriðjudaginn
2. september og hefur nú verið ákveðið að þing-
fundum ljúki tæpum tveimur vikum síðar eða 12.
september. Meðal stærstu frumvarpa af hálfu rík-
isstjórnarinnar sem ekki náðust í gegn fyrir sum-
arið er sjúkratryggingafrumvarp heilbrigð-
isráðherra, sem lagt var fram í vor. Stjórnarliðar
sem rætt var við virðast á einu máli um að allar lík-
ur séu á að það verði nú afgreitt sem lög. Frum-
varpið beið þriðju umræðu þegar fundum var frest-
að í vor. Ásta Möller, formaður heilbrigðisnefndar,
segir stefnt að því að afgreiða frumvarpið. Full
samstaða sé milli stjórnarflokkanna um þetta mál.
Annað stórt mál sem var látið bíða í vor er skipu-
lagsfrumvarp umhverfisráðherra, með hinum um-
deildum ákvæðum um landsskipulag. Ekki er útlit
fyrir að takist að leysa ágreining um lands-
skipulagið og ósennilegt er að takist að afgreiða það
nú, skv. heimildum Morgunblaðsins. Þá er því
ósvarað hvort reynt verður að afgreiða frumvarpið
um innleiðingu matvælalöggjafar ESB áður en
þinginu verðurr slitið. Flestum ber saman um að
ástandið í efnahagsmálum muni setja sterkan svip
á þessa fundardaga Alþingis. Ganga má út frá því
sem vísu að fram fari heitar umræður um efnahags-
mál sem efnt verði til af hálfu stjórnarandstöð-
unnar og að stjórnarandstæðingar muni jafnframt
nota tækifærið til að beina fjölda fyrirspurna til
ráðherra og þingmanna.
„Það bendir allt til þess að ríkisstjórnin leggi
áherslu á að koma málum sem ekki komust í gegn-
um þingið í vor áleiðis. Af okkar hálfu er mjög mik-
ilvægt að fá umræðu um efnahagsmálin almennt,
og þá sérstaklega til hvaða aðgerða ríkisstjórnin
hyggst grípa,“ segir Ögmundur Jónasson, þing-
flokksformaður Vinstri hreyfingarinnar-græns
framboðs. Hann segir fjöldann allan af málum
þingmanna Vg liggja fyrir, sem hafi beðið af-
greiðslu á þinginu og nefnir sem dæmi frumvarp
um nálgunarbann.
Steinunn Valdís Óskarsdóttir, varaformaður
þingflokks Samfylkingarinnar, á ekki von á öðru en
menn muni einbeita sér að þeim málum sem ekki
tókst að ljúka í vor. Önnur mál bíði nýs þings sem
kemur saman 1. október. Hún á ekki von á átaka-
miklum þingdögum þó efnahagsmálin verði vænt-
anlega í forgrunni.
Nokkrar þingnefndir hafa verið að störfum í
sumar. Þingnefndum er nú heimilt að fara til út-
landa til að kynna sér mál í tengslum við afgreiðslu
einstakra mála. Umhverfisnefnd fer til Skotlands
um næstu helgi til að kynna sér þá leið sem farin
hefur verið þar í landi varðandi landsskipulag. Í
næstu viku mun heilbrigðisnefnd þingsins halda til
Svíþjóðar til að kynna sér sjúkratryggingamál.
Stór mál á stuttu þingi
Efnahagsmálin munu
setja mark sitt á fram-
haldsfundi Alþingis
Morgunblaðið/Sverrir
Nýjung Þingmenn munu væntanlega hafa nóg fyrir stafni á framhaldsfundunum í næsta mánuði.
NÝTT fyrirkomulag hefur verið tekið upp á Al-
þingi með því að kalla þingmenn saman til nokk-
urra daga framhaldsfunda í september. Hefst
þinglotan með fundum þingflokkanna á mánu-
deginum 1. september. Þráðurinn verður svo
tekinn upp þar sem frá var horfið í maí sl. með
formlegum framhaldsþingfundi sem hefst kl.
13.30 á þriðjudeginum 2. september.
Fundurinn hefst með því að forsætisráðherra
les forsetabréf um framhaldsfundi þingsins.
Forseti Alþingis mun síðan minnast Egils Jóns-
sonar, fyrrverandi alþingismanns, sem lést í
sumar. Að loknum tilkynningum verður gengið
til dagskrár sem hefst á óundirbúnum fyr-
irspurnartíma. Dagskráin er að öðru leyti enn
óákveðin en það er samdóma álit allra þing-
manna sem rætt er við að ástandið í efnahags-
og peningamálum verði fyrirferðarmikið við um-
ræður á þessum þingfundum.
Nú hefur verið áformað að þingið standi í
tæpar tvær vikur og að þingfundum ljúki föstu-
daginn 12. september.
Þingmenn koma saman á framhaldsþingi 2. til 12. september
FRÉTTASKÝRING
Eftir Þorbjörn Þórðarson
thorbjorn@mbl.is
ÓLAFUR F. Magnússon, fráfarandi
borgarstjóri, heldur því fram að
sjálfstæðismenn hafi lagst lágt í
málatilbúnaði sínum og sagt hann
fara með ósannindi þegar hann
greindi frá versnandi fjárhagsstöðu
borgarinnar. Hann hafi því þurft að
vísa í gögn máli sínu til stuðnings.
Ólafur vísar til minnisblaðs sem
fjármálaskrifstofa borgarinnar tók
saman um að skera þyrfti niður
launakostnað hjá borginni. Það er
hins vegar ekki fjármálaskrifstofu að
ákveða hvaða leið eigi að fara til þess
að mæta rekstrarvanda, enda er það
pólitískt álitaefni.
Hanna Birna Kristjánsdóttir, odd-
viti meirihlutans í borgarstjórn og
verðandi borgarstjóri, sagði í kvöld-
fréttum Ríkisútvarpsins í fyrrakvöld
að hún hefði ekki séð minnisblað sem
fjármálaskrifstofa Reykjavíkur-
borgar hefði tekið saman. Rekstrar-
vandi borgarinnar er samt ekki nýr
af nálinni.
Formaður borgarráðs
staðfesti fjárhagsvanda
Vilhjálmur Þ. Vilhjálmsson, for-
maður borgarráðs, lét hafa eftir sér
við Morgunblaðið
í lok júlí á þessu
ári að borgarráð
hefði miklar
áhyggjur af fjár-
hagsstöðunni.
„Við höfum mikl-
ar áhyggjur af
ástandinu. Ekki
síst vegna þess að
samkvæmt spám
sem liggja fyrir
munu tekjur borgarsjóðs minnka frá
upphaflegri áætlun. Er ekki ósenni-
legt að þær dragist saman um tvo
milljarða á þessu ári og er það í
fyrsta sinn í mörg ár sem það gerist,“
sagði Vilhjálmur. „Það verður eitt-
hvað dregið úr framkvæmdum,“
sagði Vilhjálmur jafnframt.
Hvar á að skera niður?
Staða borgarsjóðs er nokkuð betri
en staða borgarinnar allrar með
dótturfélögum, en heildarskuldir
borgarinnar með dótturfélögum eru
um 155 milljarðar króna. Stærstur
hluti skuldanna eru skuldir Orku-
veitu Reykjavíkur.
Reykjavíkurborg hefur skuldbind-
ingar gagnvart byggingu skóla og
íþróttamannvirkja; nauðsynlegt er
samt fyrir borgina að lækka útgjöld
og auka tekjur til að mæta versnandi
stöðu borgarsjóðs. Kostnaður vegna
nýrra kjarasamninga nemur 4–4,5
milljörðum króna á næsta ári og
kostnaður vegna aðfanga hefur einn-
ig hækkað mikið. Ein leið sem er fær
er að hækka þjónustugjöld á íbúa, en
engin ákvörðun hefur verið tekin um
slíkt. Borgin gæti selt eignir en eftir-
spurn eftir lóðum hefur dregist mik-
ið saman og aðgangur að lánsfé á
innlendum markaði er takmarkaður.
Uppsagnir starfsfólks er önnur leið
en forsvarsmenn nýs meirihluta hafa
látið hafa eftir sér að uppsagnir séu
ekki á dagskrá. Það liggur því bein-
ast við að draga þurfi úr fram-
kvæmdum ef ekki kemur til upp-
sagna eða hækkunar þjónustugjalda.
Rekstrarvandi borgarinnar er
ærið verkefni nýs meirihluta
Ólafur F.
Magnússon
Vilhjálmur Þ.
Vilhjálmsson
Hanna Birna
Kristjánsdóttir
FORSETI Kína,
Hu Jintao, hefur
óskað eftir að
eiga fund með
forseta Íslands
Ólafi Ragnari
Grímssyni og
mun fundur for-
setanna verða á
föstudags-
morgun að kín-
verskum tíma.
Frá Kína fer forseti Íslands á al-
þjóðlega ráðstefnu í Bangladesh
um loftslagsbreytingar og fæðu-
öryggi. Margar þjóðir í Asíu óttast
nú afleiðingarnar af þeirri hækkun
sjávarborðs sem bráðnun jökla og
íss á norðurslóðum – á Grænlandi,
Norðurskautinu og Íslandi – mun
hafa í för með sér ef ekki tekst að
koma í veg fyrir alvarlegar lofts-
lagsbreytingar
Hittir Jintao
forseta Kína
Ólafur Ragnar
Grímsson
STUTT
Á AÐALFUNDI Skógræktarfélags
Íslands sem haldinn var um síðustu
helgi voru Magdalenu Sigurð-
ardóttur og Guðrúnu Hafsteins-
dóttur veittar viðurkenningar fyrir
einstök störf í þágu skógræktar.
Magdalena hefur verið formaður
Skógræktarfélags Ísafjarðar í rúm-
lega 30 ár og hefur gegnt því emb-
ætti af miklum áhuga.
Guðrún var formaður Skógrækt-
arfélags Mosfellsbæjar í 18 ár og
lætur nærri að um milljón plöntur
hafi verið gróðursettar í Mos-
fellsbæ í formannstíð hennar.
Með þeim á myndinni er Magnús
Gunnarsson, formaður félagsins.
Viðurkenning
fyrir skógrækt
STJÓRN Félags framsóknarkvenna
lýsir yfir eindregnum stuðningi við
Óskar Bergsson, borgarfulltrúa
Framsóknarflokksins, og það sam-
starf sem nú er hafið um stjórn
borgarinnar. „Ábyrgð, festa og
samstarfshæfni hafa ætíð einkennt
störf framsóknarmanna og þess
vegna er ítrekað leitað til þeirra
þegar erfiðleikar steðja að í sam-
félaginu,“ segir í ályktuninni.
Styðja Óskar
ANNA Stefánsdóttir, formaður
Rauða kross Íslands, og Kristján
Sturluson, framkvæmdastjóri fé-
lagsins, eru nú stödd í Ramallah í
Palestínu til að kynna sér samstarfs-
verkefni Rauða krossins og Rauða
hálfmánans.
Samstarf Rauða kross Íslands við
Rauða hálfmánann í Palestínu hófst
árið 1993. Frá árinu 2002 hefur
Rauði kross Íslands unnið með
Rauða krossinum í Danmörku að
verkefni um sálrænan stuðning við
börn á aldrinum 10-12 ára til að
hjálpa þeim að takast á við áhrif
stríðsátaka á daglegt líf.
Anna og Kristján áttu einnig fund
með stjórn systursamtaka Rauða
krossins í Ísrael, Magen David Adom
(Rauðu Davíðsstjörnunnar), í Tel
Aviv. Þaðan héldu þau yfir til Ra-
mallah þar sem þau dvelja fram á
föstudag til að kynna sér starf
Rauða hálfmánans og leggja drög að
nýjum samstarfsverkefnum.
Kynna sér
ástandið í
Ramallah
Í HNOTSKURN
»Fundum Alþingis var frestað undir lokmaí en þeim verður haldið áfram í
næsta mánuði og nokkur mál sem biðu
haustsins verða þá tekin fyrir.
»Samkvæmt nýjum þingsköpum verðanokkrir þingfundardagar frá 2. sept-
ember.
»Búist er við að framhaldsfundunumljúki föstudaginn 12. september.
»Nýtt þing hefst svo miðvikudaginn 1.október, með hefðbundnu sniði. Þá
flytur forsætisráðherra stefnuræðu sína
og fjárlagafrumvarp ársins 2009 kemur
fram.