Morgunblaðið - 21.08.2008, Blaðsíða 6
6 FIMMTUDAGUR 21. ÁGÚST 2008 MORGUNBLAÐIÐ
ÞAÐ er ekki á hverjum degi sem íslenskur
markvörður sýnir aðra eins frammistöðu og
Björgvin Páll Gústavsson gerði á Ólympíu-
leikunum í Peking í gær. Markvarsla hans vó
afar þungt þegar Ísland bar sigurorð af Pól-
verjum, silfurliðinu úr síðustu heimsmeist-
arakeppni, 32:30, og tryggði sér með því sæti í
undanúrslitum keppninnar.
Björgvin Páll varði 23 skot í leiknum, mörg
þeirra úr dauðafærum. Á síðustu stórmótum
hefur það verið hans hlutskipti að fylgjast með
öðrum markvörðum Íslands en í Peking var
röðin komin að honum. Miðað við frammistöðu
hans á þessum Ólympíuleikum hefur hann alla
burði til að verja mark íslenska landsliðisins
um mörg ókomin ár.
Björgvin Páll er 23 ára gamall Kópavogsbúi
og varði mark yngri flokka HK í bæði hand-
knattleik og knattspyrnu. Hann einbeitti sér
að handboltanum frá 15 ára aldri, kom ungur
inn í meistaraflokk HK og lék þar til tvítugs.
Þá lá leiðin til Vestmannaeyja og undanfarin
tvö ár hefur hann leikið með Fram. Í sumar
gerði Björgvin síðan samning við þýska félagið
Bittenfeld og er því að hefja ferilinn sem at-
vinnumaður í handbolta. vs@mbl.is
Hafa svo mikla trú á þessu sjálfir
Vegfarendur yfirleitt bjartsýnir á gengi strákanna okkar Verður maður ekki að segja gull? Liðið
kom skemmtilega á óvart Varla slakur leikur að þessu sinni Við förum alla leið Áfram Ísland
Morgunblaðið/Brynjar Gauti
Ungur maður á uppleið
SYSTKININ Inga Lind og Sigurgeir Valsbörn eru
dyggir aðdáendur íslenska landsliðsins og hafa fylgst
með öllum leikjum þess á Ólympíuleikunum í Kína. Þau
setja tímasetningarnar ekkert fyrir sig og vöknuðu
bæði snemma í gærmorgun til að fylgjast með Íslend-
ingum sigra Pólverja með tveggja marka mun.
Á morgun mæta „strákarnir okkar“ spænska liðinu
og er það skoðun Sigurgeirs að leikurinn verði til-
tölulega jafn en Inga Lind er heldur afdráttarlausari:
„Ég held að við vinnum.“ Hvorugt þeirra bjóst þó við
að liðið næði svona langt en Inga Lind segist hafa fyllst bjartsýni þegar íslenska liðið bar sig-
urorð af heimsmeisturunum Þjóðverjum. Spurð hversu langt þau telji liðið komast eru syst-
kinin sigurviss. „Verður maður ekki að segja gull?“ segir Sigurgeir og í sama streng tekur
Inga Lind: „Við förum alla leið.“
Íslenska liðið mun fara alla leið
Sigurgeir
Valsson
Inga Lind
Valsdóttir
ÓSKAR Sveinsson viðurkennir heldur treglega að hafa ekkert fylgst með
íslenska handboltalandsliðinu þó hann viti hvernig leikirnir hafa farið.
Hann segir þó að þar sem liðið keppi í undanúrslitum á morgun sé ekki
loku fyrir það skotið að hann fylgist með leiknum. Hann er þó hræddur
um að liðinu gangi illa.
„Ég held það, því alltaf þegar ég geri mér vonir um íslenska landsliðið í
handbolta þá brjóta þeir það í næsta leik,“ segir Óskar. Hann býst því við
að liðið endi í 4. sæti. Óskar er hinsvegar afar ánægður með frammistöðu
liðsins. „Ég bjóst ekki við að liðið næði svona langt en það kom skemmti-
lega á óvart.“
Óttast að liðinu gangi illa á morgun
Óskar
Sveinsson
„AÐ SJÁLFSÖGÐU,“ svarar Guðmann Friðgeirsson, spurður hvort hann
hafi fylgst með íslenska handboltalandsliðinu á Ólympíuleikunum. Hann
segist telja að liðið vinni Spánverja á morgun 32-30 en Íslendingar muni þó
ekki standa uppi sem gullverðlaunahafar að lokum. „Við lendum í 2. sæti,
því miður. Ég held við tökum aldrei Frakka í úrslitaleik.“
Guðmann segist ekki hafa búist við að liðið næði jafnlangt og raun ber
vitni. „Ég bjóst ekki við svona mörgum sigurleikjum gegnumgangandi,“
segir hann. Reyndar hafi liðið átt slakan leik gegn Egyptum en að honum
undanskildum hafi íslenska liðið yfirleitt spilað mjög jafna leiki sem Guð-
mann átt ekki von á. Yfirleitt komi 1-2 slakir leikir inn á milli en þá sé vart
að finna nú.
Spurður hvaða leikur hafi verið mest spennandi segir Guðmann erfitt að gera upp á milli,
t.d. hafi leikurinn við frændur okkar Dani verið afar spennandi. Spurður hvaða skilaboðum
hann myndi vilja koma áfram til íslenska liðsins segir Guðmann að leikmennirnir eigi að
halda áfram með leikgleðina og jákvæðnina sem þeir hafi sýnt fram til þessa. „Þeir hafa svo
mikla trú á þessu sjálfir, ég held það hjálpi þeim mest í þessu.“
Liðið skín af leikgleði og jákvæðni
Guðmann
Friðgeirsson
FRÉTTASKÝRING
Eftir Víði Sigurðsson
vs@mbl.is
FYRIR sextán árum komst ís-
lenska handknattleikslandsliðið inn
um bakdyrnar og fékk þátttökurétt
á Ólympíuleikunum í Barcelona
1992 eftir að Júgóslavíu var meinað
að vera með vegna stríðsástands.
Öllum á óvart sló tiltölulega
reynslulítið lið Íslands í gegn í höf-
uðstað Katalóníu og komst alla leið
í undanúrslitin þar sem það tapaði
báðum leikjum sínum og hafnaði í
fjórða sæti eftir að hafa beðið lægri
hlut fyrir Frökkum í leik um brons-
verðlaunin.
Nú er íslenska landsliðið í ná-
kvæmlega sömu stöðu. Eftir glæsi-
legan sigur á Pólverjum í gær-
morgun, 32:30, er Ísland komið í
undanúrslitin á ný og leikur við
Spánverja á morgun klukkan 12.15.
Eins og í öðrum leikjum er við
ramman reip að draga, Spánverjar
hafa verið í fremstu röð í handbolt-
anum um árabil og stóðu uppi sem
heimsmeistarar árið 2005 þegar
þeir lögðu Króata að velli, 40:34, í
úrslitaleiknum í Túnis. Hin tvö liðin
sem eru komin í undanúrslit,
Frakkar og Króatar, hafa líka
hampað heimsmeistaratitli á þess-
ari öld. Ísland er því „litla liðið“ í
þessu samhengi og ætti fyrirfram
að vera líklegast til að enda í fjórða
sætinu.
En eftir sigra á tveimur efstu lið-
unum frá síðasta heimsmeistara-
móti, Þýskalandi og Póllandi, virð-
ast engin bönd halda íslensku
leikmönnunum. Þeir hafa reyndar
átt erfitt uppdráttar gegn Spán-
verjum, þjóðirnar hafa þegar mæst
fimm sinnum á þessu ári og þeir
spænsku fagnað sigri í fjórum
leikjanna. En sjálfstraustið og
samheldnin sem geisla af „strákun-
um okkar“ þessa dagana gera það
að verkum að þeim er trúandi til
alls.
Hvernig sem fer, mun Ísland
leika um verðlaunasæti á sunnu-
dagsmorguninn. Ef sigur vinnst á
Spánverjum á morgun eru Ólymp-
íuverðlaun í höfn og þá væri aðeins
eftir að skera úr um hvor málm-
urinn það yrði, gullið eða silfrið. Ís-
lenskt íþróttafólk hefur aðeins
þrisvar í sögunni unnið til verð-
launa á Ólympíuleikum, Vilhjálmur
Einarsson silfur í þrístökki 1956,
Bjarni Friðriksson brons í júdó
1984 og Vala Flosadóttir brons í
stangarstökki 2000. Nú gætu fjór-
tán handboltahetjur bæst í hópinn.
Handboltalandsliðið skipar sér-
stakan sess hjá íslensku þjóðinni.
Þegar vel gengur á stóru mótunum
hafa allir áhuga á handbolta og svo
er einnig nú. Viðbúið er að á morg-
un verði langt hádegishlé á flestum
vinnustöðum, á meðan leikur Ís-
lands og Spánar stendur yfir.
Einum sigri frá Ólympíuverðlaunum
Morgunblaðið/Brynjar Gauti
Fagnað Stundin var stór í gær þegar ljóst var að Pólverjar voru sigraðir.
SVEINBJÖRG Birta Ágústsdóttir hefur ekki fylgst með handboltanum en
hún segist þó viss um að landsliðið standi sig vel í undanúrslitaleiknum á
morgun. Spurð hvaða sæti hún telji liðið munu lenda í stendur aðeins á
svörum hjá Sveinbjörgu en þegar pabbi hennar segir henni svarið í lágum
hljóðum svarar hún strax: „Í 1. sæti.“
Sveinbjörg segist aðspurð hafa talið að liðið myndi ná langt en spurð
hvaða skilaboð hún myndi færa landsliðinu, gæfist henni tækifæri til þess,
er hún ekki alveg viss en enn og aftur kemur pabbinn til bjargar og Svein-
björg segir: „Áfram Ísland!“
Sannfærð um að liðinu gangi vel
Sveinbjörg Birta
Ágústsdóttir
PEKING 2008