Morgunblaðið - 30.08.2008, Blaðsíða 14

14 LAUGARDAGUR 30. ÁGÚST 2008 MORGUNBLAÐIÐ
FRÉTTIR
SAMGÖNGURÁÐUNEYTIÐ hefur
staðfest réttmæti ráðningarsamn-
ings sveitarfélagsins Álftaness við
Sigurð Magnússon bæjarstjóra.
Guðmundur G. Gunnarsson, odd-
viti sjálfstæðismanna á Álftanesi,
krafðist úrskurðar ráðuneytisins
um hvort framkvæmd ráðning-
arsamningsins væri í samræmi við
samninginn sjálfan og lög og reglur
um meðferð slíkra samninga.
Í úrskurði ráðuneytisins segir að
ekki verði séð af gögnum málsins
að greiðslur hafi verið óhóflegar.
Það hafi verið innan valdmarka
bæjarstjórnar að ákvarða kjör bæj-
arstjóra með þeim hætti sem gert
var í ráðningarsamningi og fram-
kvæmd hans sé ekki andstæð rétt-
arreglum. thorbjorn@mbl.is
Allt með
felldu á
Álftanesi
FRÉTTASKÝRING
Eftir Sigtrygg Sigtryggsson
sisi@mbl.is
FÉLAG fasteignasala hefur sent er-
indi til umboðsmanns Alþingis, þar
sem hann er beðinn að kanna í heild
sinni svonefnt eftirlitsgjald með fast-
eignasölum.
Að sögn Grétars Jónassonar,
framkvæmdastjóra félagsins, var
byrjað að innheimta þetta gjald 1.
október 2004. Er gjaldið 100 þúsund
á ári fyrir hvern löggiltan fasteigna-
sala. Þeir eru rúmlega 250 talsins og
innheimtast því um 25 milljónir á ári.
Reiknast Grétari svo til, að fá upp-
hafi hafi verið innheimtar um 110
milljónir króna af fasteignasölum í
þetta gjald.
Að sögn Grétars er kostnaður við
eftirlitið aðeins brot af þessari upp-
hæð, og telur hann líklegt að 90 millj-
ónir króna liggi inni á bankareikn-
ingum. Grétar segir að
fasteignasalar vilji eðlilega fá þessa
peninga til baka en enginn svör fáist
frá ríkinu. Að öllu óbreyttu muni
þessir peningar að lokum renna til
ríkisins. „Mörgum fasteignasölum er
ofboðið og finnst að þarna sé að þeim
vegið með þessari gjaldtöku,“ segir
Grétar.
Hörð gagnrýni á gjaldtöku
Í Morgunblaðinu í gær kom fram
hörð gagnrýni á gjaldtökuna. Einnig
kom þar fram, að margir fasteigna-
salar hafi lagt inn leyfi sín sem lög-
giltir fasteignasalar, til að losna við
að greiða gjaldið. Dæmi séu um að
fasteignasölur með marga löggilta
fasteignasala á sínum snærum greiði
tífalt hærra gjald en sölur sem hafa
tugi sölufulltrúa en aðeins einn lög-
giltan fasteignasala.
Einar Páll Kjærnested er stjórn-
arformaður fasteignasölunnar
Eignamiðlun. Eignamiðlun rekur
tvær stofur, aðra í Reykjavík og hina
í Mosfellsbæ. Hjá Eignamiðlun
starfa 20 manns, þar af 10 löggiltir
fasteignasalar.
„Okkur finnst afar undarlegt að
vera rukkaðir fyrir tífalt hærra gjald
en aðrir komast upp með að greiða.
Auðvitað ætti að vera eitt gjald fyrir
hverja stofu,“ segir Einar Páll.
Hann segir að Eignamiðlun hafi
greitt gjaldið fyrir 10 löggilta fast-
eignasala fyrir nokkru síðan, samtals
eina milljón. Greiðslan hafi verið innt
af hendi með fyrirvara um endur-
greiðslu.
Íhuguðu að skila leyfunum
„Hvers vegna er verið að greiða
gjöld sem hafa augljóslega verið of-
greidd á undanförnum árum. Eftir-
litsnefndin hefur yfir digrum sjóðum
að ráða og af hverju er ekki tekið fé
úr þessum sjóðum,“ segir Einar Páll.
Hann segir fráleitt að svona
greiðslur séu íþyngjandi á þeim stof-
um, þar sem margir löggiltir fast-
eignasalar vinna saman. Þvert á móti
ætti gjaldið að vera lægra í slíkum
tilvikum.
Hann segir að eigendur Eigna-
miðlunar hafi velt því fyrir sér í al-
vöru að skila inn 8 leyfum og hafa
bara einn löggiltan fasteignasala á
hvorri stofu. „Við vildum það ekki,
því þetta eru réttindin okkar og
starfsheitið okkar.“
Einar Páll segir það vera í lagi að
greiða eftirlitsgjald ef eftirlitið væri
virkt. Svo væri alls ekki, því undan-
farin 2-3 ár hafi fjöldi manns unnið
við fasteignasölu án þess að hafa til
þess tilskilin réttindi.
„Við erum með 10 löggilta fast-
eignasala á okkar stofum og svo eru
aðrir með 20 sölumenn og einn lög-
giltan fasteignasala. Því miður gerir
almenningur lítinn greinamun á lög-
giltum fasteignasala og venjulegum
starfsmanni fasteignasölu,“ segir
Einar Páll. Hann tekur undir með
Ingibjörgu Þórðardóttur, formanni
Félags fasteignasala, að best væri að
eftirlitið væri á vegum eftirlitsstofn-
ana ríkisins, Fjámálaeftirlitsins eða
Samkeppniseftirlits.
Hann segir að því miður hafi verið
lítill vilji til að taka á þessum málum
en kveðst binda vonir við að við-
skiptaráðherra, Björgvin G. Sigurðs-
son, skoði málaflokkinn ofan í kjölinn
og komi með úrbætur.
Ekki náðist í gær í Þorstein Ein-
arsson, formann eftirlitsnefndar með
fasteignasölum.
Morgunblaðið/ÞÖK
Digrir sjóðir eftirlits
 Félag fasteignasala vill að umboðsmaður Alþingis skoði eftirlitsgjaldið
 Segja að tugir milljóna séu til í sjóðum hjá eftirlitsnefnd með fasteignasölum
Í HNOTSKURN
»Sýslumaðurinn í Hafnar-firði gefur út leyfi til
löggiltra fasteignasala. Í
gær voru 253 slík leyfi í
gildi. Það sem af er þessu
ári hafa 32 fasteignasalar
skilað inn leyfum sínum til
sýslumanns.
»Fyrir ári gerði Félagfasteignasala könnun á
því hve margir einstaklingar
störfuðu við fasteignasölu í
landinu.
»Niðurstaðan var sú, aðfjöldinn væri á bilinu 850
til 900. Nýrri tölur liggja
ekki fyrir, en Grétar Jón-
asson telur líklegt að þeim
hafi fækkað um 150 á einu
ári.
»Til þess að fá löggildingusem fasteignasali þarf
viðkomandi að ljúka háskóla-
námi, sem stendur í rúm tvö
ár. Hann þarf að hafa til-
skilda reynslu af fasteigna-
sölu, hafa hreinan sakaferil
og má ekki vera gjaldþrota.
VERIÐ er að leggja lokahönd á frumvarp um fast-
eignasölur og verður það lagt fram í byrjun haust-
þingsins í október, að sögn Jóns Þórs Sturlusonar,
aðstoðarmanns Björgvins G. Sigurðssonar viðskipta-
ráðherra. Málefni fasteignasala voru áður á vett-
vangi dómsmálaráðuneytisins, en voru fyrir nokkru
flutt til viðskiptaráðuneytisins.
Jón Þór segir það eitt meginatriði frumvarpsins að
skýra þau atriði sem eru á ábyrgð fasteignasalans og
auka ábyrgð hans.
Svokallaðri verktöku verða settar skýrari skorður,
án þess þó að slíkt verði bannað. „Við þekkjum þessi
sjónarmið frá báðum hliðum og reynum að finna ákjósanlega lausn,“
segir hann.
Jón Þór segir að í frumvarpinu verði ekki fjöldatakmarkanir heldur
gert skýrt hvaða verkþættir það eru sem löggiltir fasteignasalar verða
að inna af hendi í söluferlinu. Varðandi athugasemdir Félags fast-
eignasala um innheimtu eftirlitsgjalds, sagði Jón Þór að væntanlega
yrði komið til móts við sjónarmið félagsins í því máli. Hann vildi að
öðru leyti ekki tjá sig um efni frumvarpsins fyrr en það verður lagt
fram.
Jón Þór
Sturluson
Eftir Þorbjörn Þórðarson
thorbjorn@mbl.is
„MARKAÐURINN er fyrst og fremst haldinn
til þess að við getum byggt skóla í Sanaa í
Jemen fyrir fátæk börn og styrkt konur í full-
orðinsfræðslu, en ólæsi er mjög útbreitt í
Jemen,“ segir Jóhanna Kristjónsdóttir.
Í dag kl. 10 verður opnaður í Perlunni sér-
stakur markaður þar sem verða til sölu
skrautmunir, búsáhöld, málverk, teikningar
o.fl. á „spottprís“ og í sérstökum bás verður
selt handverk eftir jemensk börn. Allur ágóði
rennur til Fatimusjóðs Jóhönnu Kristjóns-
dóttur, en sjóðurinn styrkir núna 126 börn til
náms í Jemen.
Treyjan hans Óla Stef boðin upp
Í Perlunni verður einnig uppboð á lista-
verki eftir Ólaf Elíasson, kjól sem var í eigu
Bjarkar og landsliðstreyju Ólafs Stef-
ánssonar, sem hann keppti í á Ólympíu-
leikunum, svo fátt eitt sé nefnt. Uppboðið
hefst fljótlega eftir að markaðurinn verður
opnaður.
Í Perlunni verða líka skemmtiatriði fyrir
börnin. „Okkur vantar stærra húsnæði til
þess að geta veitt börnunum í Sanaa betri að-
stöðu og eins til þess að geta bætt fullorð-
insfræðsluna,“ segir Jóhanna. Í nýja húsinu í
Sanaa verða kennslustofur sem munu rýma
tónlistar-, hannyrða- og tölvukennslu, íþrótt-
ir auk aðstöðu fyrir sjálfboðaliða o.fl. „Við
vinnum þetta allt í samstarfi við Jemena.“
Fatimusjóður Jóhönnu var stofnaður 14.
febrúar 1965. Að sögn Jóhönnu vildi hún ekki
láta mikið á sjóðnum bera fyrr en hún væri
farin að sjá árangur af starfinu. „Þessi mark-
aður í dag er eitt mesta átak sem konur hafa
sameinast um að gera í langan tíma.“ Frekari
upplýsingar um starf sjóðsins í Jemen á
johannaferdir.blogspot.com.
Markaður í Perlunni í
þágu barna í Jemen
Morgunblaðið/Ómar
Markaður F.v. Jóhanna Kristjónsdóttir og Sigþrúður Ármann, aðstandendur markaðarins.
Nafn féll niður
Vegna mistaka birtist ekki nafn
greinarhöfundar undir minningar-
grein um Hafdísi K. Ólafsson laug-
ardaginn 23. ágúst, heldur aðeins
nöfn tveggja meðhöfunda. Rétt und-
irskrift skal vera: Ólafur Halldórs-
son, Þuríður Guðmundsdóttir og
Kristinn K. Guðmundsson. Beðist er
velvirðingar á mistökunum.
LEIÐRÉTT
LOSUN heilsuspillandi lofttegunda
hefur minnkað til muna á Norður-
löndunum. Þetta kemur fram í nýrri
skýrslu Norrænu ráðherranefndar-
innar. Skýrslan fjallar um minnkun
loftmengunar yfir landamæri, metur
hversu langt Norðurlöndin eru kom-
in mót hreinni Norðurlöndum og um
þau verkfæri og aðgerðir sem mögu-
legt er að nota til að minnka loft-
mengun enn frekar.
Árið 1999 samþykktu Norður-
löndin svonefnt Gautaborgar sam-
komulag um minnkun loftmengunar
yfir landamæri og eru þau langt á
veg komin með að uppfylla flestar
skuldbindingar samkomulagsins.
Mengun frá Rússlandi ógnar þó
gæðum andrúmslofts á Norðurlönd-
unum, einkum þó í Finnlandi.
Norrænt loft
er að batna
Morgunblaðið/Kristinn
Frumvarp í haust