Morgunblaðið - 30.08.2008, Blaðsíða 49

MORGUNBLAÐIÐ LAUGARDAGUR 30. ÁGÚST 2008 49
DAGSKRÁ heimildar- og stuttmyndahátíðarinnar Reykjavík Shorts &
Docs átti að vera lokið en vegna fjölda áskorana heldur hátíðin áfram um
helgina í Austurbæjarbíói gamla í dag og á morgun. Í dag kl. 17 verða
sýndar íslensku heimildarmyndirnar Kjötborg og Sagan um Svein Kristján
Bjarnason – öðru nafni Holger Cahill, óskarsverðlaunaðar stuttmyndir á
borð við Pétur og úlfinn (kl. 15) og Freeheld, en sú síðari verður sýnd kl. 19
með ísraelsku myndinni Að deyja í Jerúsalem. Sú fjallar um tvær syrgjandi
mæður nýlátinna stúlkna. Önnur dóttirin var lifandi sjálfsmorðssprengja,
hin fórnarlamb hennar.
Á morgun verður svo Silfurrefurinn afhentur, en hann hlýtur besta ís-
lenska stuttmyndin og besta íslenska heimildarmyndin. Í kjölfarið verður
svo óður Toms Andersons til Englaborgarinnar, Los Angeles Plays Itself,
sýnd og í kjölfarið fá áhugamenn um skoska heimildarmyndagerð í styttri
kantinum loksins eitthvað fyrir sinn snúð þegar sýndar verða sjö stuttar
skoskar heimildarmyndir saman kl. 21. asgeirhi@mbl.is
Ljósið við enda götunnar Úr heimildarmyndinni Að deyja í Ísrael.
Stuttmyndahátíð lengist
SAMSPIL myndar og tónlistar hefur verið
lykilatriði í kvikmyndagerð nánast frá upp-
hafi, meira að segja frá því áður en tal var
sett á myndirnar því í staðinn voru flest
betri bíó með hljóðfæraleikara til þess að
spila undir. Nú í haust mun svo vera sér-
stök ráðstefna um tónlist og kvikmyndir á
Alþjóðlegri kvikmyndahátíð í Reykjavík og
er hún hluti af tónlistardagskrá hátíð-
arinnar, Sound on Sight.
Ráðstefnan er þrískipt. Í fyrsta lagi verð-
ur skoðað hvernig vinnslu- og markaðsferli
tónleikamynda er og verður myndin
Heima, þar sem Sigur Rós var í aðal-
hlutverki, notuð sem dæmi til að varpa ljósi
á það ferli allt og ýmsir umboðsmenn og
markaðsmenn sem komu að myndinni hér
heima sem og erlendis munu segja sína
sögu.
Þá verður fjallað sérstaklega um hvernig
tónlist getur selt kvikmyndir og öfugt, og
einnig verður tæpt á hvernig stafræn tækni
og netverslanir hafa breytt þeim markaði.
Meðal fyrirlesara hér eru þeir Erich Mich-
on sem annaðist útgáfu á tónlistinni úr
Amélie og Thomas Jamois sem hefur ann-
ast útgáfu á tónlistinni úr Fight Club, Be
Kind Rewind, Lost in Translation og Inland
Empire auk fleiri mynda.
Loks verður fjallað um þann lagalega
frumskóg sem verður að rata í gegnum
þegar menn vilja nota lög í bíómyndirnar
sínar en sá frumskógur er ansi misjafn á
milli landa. Þau Mikkel Maltha, sem hefur
starfað við myndirnar Dancer in the Dark,
Drabet og Drömmen, og Elisa Luguern sem
hefur séð um þessa hluti fyrir myndir í Ást-
ríks- og Taxi-seríunni, koma og kynna
hvernig hlutirnir ganga fyrir sig í Evrópu
en tónskáldið Atli Örvarsson, sem lengi
hefur starfað vestanhafs, mun kynna okkur
fyrir bandaríska reglugerðafrumskóginum.
Ráðstefnan fer fram í Norræna húsinu 2.
október næstkomandi.
Klofinn kærasti Helena Bonham-Carter reynir að þekkja á milli Brad Pitt og Ed Norton í Fight Club. Parísartónar Audrey Tautou sem Amélie Poulain í Parísarrómansinum Amélie.
Bíótónlistarhátíð í Reykjavík
CAVALLERIA
RUSTICANA
MASCAGNI
LEONCAVALLO
KRISTJÁN JÓHANNSSON
JÓHANN FRIÐGEIR VALDIMARSSON
SÓLRÚN BRAGADÓTTIR
ELÍN ÓSK ÓSKARSDÓTTIR
AUÐUR GUNNARSDÓTTIR
TÓMAS TÓMASSON
ALINA DUBIK
SESSELJA KRISTJÁNSDÓTTIR
ALEX ASHWORTH
EYJÓLFUR EYJÓLFSSON
KURT KOPECKY
SVEINN EINARSSON
ÞÓRUNN S. ÞORGRÍMSDÓTTIR
HELGA BJÖRNSSON
PÁLL RAGNARSSON
KÓR OG HLJÓMSVEIT
ÍSLENSKU ÓPERUNNAR
FRUMSÝNING 19. SEPTEMBER 2008
ATH! AÐEINS ÁTTA SÝNINGAR
MIÐASALA HAFIN
www.opera.is
PAGLIACCI