Morgunblaðið - 23.10.2008, Blaðsíða 6

6 FréttirINNLENT
MORGUNBLAÐIÐ FIMMTUDAGUR 23. OKTÓBER 2008
Eftir Steinþór Guðbjartsson
steinthor@mbl.is
EIGANDI verslunar á höfuðborg-
arsvæðinu segir að þegar krónan
hafi byrjað að falla á vordögum hafi
hann þurft að taka fé úr pen-
ingasjóðum sínum og setja inn í
reksturinn til að halda honum gang-
andi. „Fari þessir sjóðir ekki að opna
verð ég í vandamálum persónulega
og með rekstur minn,“ segir hann.
„Það á að einbeita sér fyrst að Ís-
lendingum, þeir eiga að hafa for-
gang.“
Engin svör
Viðkomandi vill ekki koma fram
undir nafni, þar sem það geti skaðað
rekstur sinn enn frekar og haft áhrif
á lánstraust erlendis.
Verslunareigandinn bendir á að
sparifé í peningabréfum hafi verið
lokað inni í bönkunum í nær þrjár
vikur. Ljóst sé að margir hafi notað
þetta sparifé jafnt og þétt til þess að
borga skuldir og hafa í sig og á.
„Tugir þúsunda lífeyrisþegar eiga til
dæmis allt sitt undir þessum sjóð-
um,“ segir hann. Hann hafi hringt í
Fjármálaeftirlitið og Landsvaka
Landsbankans, en fái engin svör.
Viðmælandinn sættir sig ekki við
gang mála. „Leikreglunum var
breytt eftir á,“ segir hann og vísar til
þess að innlánsreikningar á Íslandi
hafi verið tryggðir upp að 20.000
evrum. Um helgi, þegar allt hafi ver-
ið lokað, hafi verið tekin ákvörðun
um að tryggja allt sparifé 100%.
„Hvers vegna sitja eigendur pen-
ingabréfa ekki við sama borð?“ spyr
hann og bendir á að verði allur
sparnaður ekki tryggður 100% verði
allt traust til sparnaðar farið, en
hann sé undirstaða allrar velferðar í
þjóðfélaginu.
Útlendingar með forgang
„Við eigum ekki aðeins að taka
höggið heldur vera ofurskattlögð
næstu áratugi,“ bætir hann við og
segir mikilvægt að farið sé ofan í
ákveðin atriði. „Bankarnir fóru aldr-
ei í gjaldþrot, þeir fóru í þjóðnýt-
ingu,“ segir hann og spyr hvort þeir
taki þar með ekki á sig allar skyldur.
„Verða mínir hagsmunir verri þegar
bankarnir verða settir í gjaldþrot?“
spyr hann. „Er það þess vegna sem
ríkisstjórnin hefur ekki svarað hvað
hún ætli að gera við okkur sjóð-
félaga? Mér finnst að þarna sé verið
að mismuna fólki. Það er ómann-
úðleg aðferð ríkisstjórnarinnar að
brjóta á eigendum peningabréfa
með þessum hætti. Þó það séu pen-
ingar til inni í sjóðunum höfum ekki
aðgang að þeim. Af hverju borga
þeir ekki út 50% úr sjóðunum strax
og segja að verið sé að skoða afgang-
inn? Mér finnst mjög skrýtið að á
sama tíma og þetta ástand varir sé
ríkisstjórn Íslands að semja við út-
lendinga, við Breta og Finna, en hún
hefur ekki samið við mig sem Íslend-
ing,“ heldur viðkomandi versl-
unarmaður áfram. „Af hverju á
höggið að koma á okkur sem eigum
peningabréf og höfum haldið uppi
atvinnustigi landsmanna? Atvinnu-
lífið hafði aðgang að þessum pen-
ingum en hefur það ekki lengur.“
„Fari þessir sjóðir ekki að opna verð ég í vandamálum persónulega og með rekstur minn,“ segir
verslunareigandi á höfuðborgarsvæðinu og finnst óréttlátt að peningasjóðsfélagar taki höggið
Íslendingar hafi forgang
Morgunblaðið/Golli
Aflaverðmæti í
síðasta 30 daga
túr frystitogar-
ans Arnars HU-1
frá Skagaströnd
nam 144 milljón-
um króna. Má því
reikna út að há-
setahluturinn
hafi numið um
1.700 þúsund
krónum.
„Þetta var enginn mettúr en skip-
ið var með ágætis afla. 760 tonn upp
úr sjó og um 450 tonn tæp af unnum
afurðum,“ segir Gylfi Guðjónsson,
útgerðar-, sölu- og markaðsstjóri
Fisk Seafood á Sauðárkróki. Uppi-
staða aflans í túrnum var karfi.
Hólmgeir Jónsson, framkvæmda-
stjóri Sjómannasambandsins, segir
misjafnt hve vel gangi hjá sjómönn-
um þessar mundir. Hann bendir þó á
að lágmarksvinnuskylda hásetanna
sé tólf stundir á sólarhring alla dag-
ana. gag@mbl.is
144 millj-
ónir fyrir
karfann
Veiðarnar á Arnari
HU gengu vel.
Hásetar fá 1,7 millj-
ónir kr. fyrir túrinn
VEL gengur að manna frístunda-
heimili ÍTR þessa dagana og telur
Soffía Pálsdóttir, skrifstofustjóri
Tómstundamála ÍTR, líklegt að frí-
stundaheimilin verði fullmönnuð á
næstu vikum. Þegar eru 2.327 börn
komin með eftirskólavistun og vant-
ar því enn vistun fyrir 327 börn.
„Fyrir tveimur vikum vantaði um
44 starfsmenn og er sú tala nú komin
niður í 27,“ segir Soffía. Verið er að
vinna úr fjölda umsókna þessa dag-
ana og á mánudag voru send bréf til
foreldrahópa í skólum til að kanna
hvort þeir vissu um einstaklinga sem
hefðu áhuga á hlutastarfi.
„Hlutirnir gerast mjög hratt núna
og ég er bjartsýn á að þetta klárist á
næstu vikum.“
Soffía segir þegar vera búið að
leysa alla biðlista í Grafarvoginum,
miðborginni, Hlíðunum og Vest-
urbæ, en lengst virðist taka að
manna frístundaheimili í Grafarholt-
inu.
Fullmannað á
næstu vikum
VIÐSKIPTAVINIR bankanna,
sem eiga bundið fé í pen-
ingamarkaðssjóðum, eiga þess
kost að taka yfirdráttarlán til að
brúa bilið meðan lokað er fyrir
viðskipti með sjóðina.
Már Másson, upplýsinga-
fulltrúi Glitnis, segir að sumir
hafi notað þessa sjóði eins og
hlaupareikninga og því hafi
bankinn boðið þeim, sem hafi
þurft á skammtímafjármögnun
að halda, yfirdráttarlán. Um
tímabundna ráðstöfun sé að
ræða til að koma til móts við
viðskiptavinina og lágmarka
óþægindin.
Yfirdráttur í boði
Bið Menn og málleysingjar þurfa að
hafa í sig og á og treysta margir á
peningabréfin í því efni.
fyrst og fremst félagspólitísk. Hún
hefur aldrei verið virk í stjórn-
málaflokki en var þó skráð í Sjálf-
stæðisflokkinn og rataði eitt sinn á
framboðslista þar sem varamaður.
Hún segist telja það miður ef
flokkspólitík hafi áhrif á kjörið nú.
Ímynd út á við, kosið inn á við
Út á við virðist núverandi efna-
hagsástand veita byr í seglin hjá
Gylfa. Meira ber á honum í fjöl-
miðlum vegna embættis hans, auk
þess sem hann á sæti í forsendu-
FRÉTTASKÝRING
Eftir Önund Pál Ragnarsson
onundur@mbl.is
KOSNINGABARÁTTAN milli
Ingibjargar R. Guðmundsdóttur og
Gylfa Arnbjörnssonar um forseta-
stól Alþýðusambands Íslands hefur
verið í mýflugumynd, að minnsta
kosti á yfirborðinu.
Enn eru þau aðeins tvö í kjöri,
varaforsetinn og framkvæmdastjór-
inn, en kosið verður í fyrramálið
klukkan tíu. Ingibjörg og Gylfi eru
samverkamenn til áratuga, góðir
vinir en að sögn ólíkt fólk með ólík-
ar vinnuaðferðir. Kosningin verður
í raun miklu frekar um fólk heldur
en málefni.
Ólíkar persónur
Ingibjörg segist leggja áherslu á
að hlusta vel eftir sjónarmiðum
annarra og ná sátt um viðfangsefni
hvers tíma. Gylfi hefur það orð á
sér að vilja taka ákvarðanir hratt
og keyra málin í gegn. Að einhverju
leyti hefur hann þá ímynd ef til vill
vegna stöðu sinnar hjá ASÍ. Sem
framkvæmdastjóri er það hlutverk
hans að koma hreyfingu á mál sem
búið er að taka ákvörðun um. Í sæti
forseta yrði hlutverk hans annað og
þá kannski fasið líka.
Gylfi er Samfylkingarmaður og
reynsla hans innan verkalýðshreyf-
ingar er mest af störfum beint fyrir
ASÍ, fyrst sem hagfræðingur sam-
bandsins en svo sem fram-
kvæmdastjóri. Ingibjörg er hins
vegar með rætur í Verslunar-
mannafélagi Reykjavíkur og
Landssambandi verslunarmanna.
Hún á sér enda sterkt bakland í
þeim ranni og gaf kost á sér vegna
áskorana frá verslunarmönnum.
Hún er félagskjörin, og lítur svo á
að forseti skuli vera úr hópi fé-
lagskjörinna. Þar með er ekki sagt
að Gylfi sé landlaus, en kannski
blasir ekki jafngreinilega við hvert
hann sækir sinn stuðning. Ingi-
björg kveðst ekki flokkspólitísk,
nefnd vegna endurskoðunar kjara-
samninga og verður því fyrir svör-
um um þau efni. Hins vegar eru
fulltrúar á ársfundi sem kjósa for-
seta, innanbúðarfólk í verkalýðs-
hreyfingunni. Stór hluti þeirra
þekkir Ingibjörgu og Gylfa per-
sónulega, svo ímyndin segir ekki
allt.
Nánast engin kosningabarátta
Kosningabaráttan hefur legið í
láginni, enda nóg annað að gera.
Ingibjörg lýsti sig í gær fylgjandi
aðildarviðræðum við Evrópusam-
bandið, ekki síst svo að Ísland geti
sótt um aðild að myntsamstarfinu.
Sá munur sem var á þeim í Evrópu-
málum er því horfinn. Gylfi hefur
lengi verið hlynntur aðild.
Forsetaefnin hafa í sameiningu
heimsótt aðildarfélög og lands-
sambönd til að kynna ársfundinn
sem hefst í dag. Þannig hefur kosn-
ingabaráttan farið fram í samein-
ingu að stórum hluta, enda segjast
Gylfi og Ingibjörg ætla að halda
vinskapinn í gegnum þessa við-
ureign.
Hins vegar er ljóst að kosninga-
baráttan fer að einhverju leyti fram
á bak við tjöldin, með samtölum
undir fjögur augu. Því veit enginn
hver niðurstaðan verður.
Fólkið frekar en málefnin
í forsetakosningu hjá ASÍ
Morgunblaðið/Þorkell
Kosið Ársfundur ASÍ stendur í dag og á morgun, á Hilton Nordica-hótelinu. Þjóðhagsspá ASÍ verður kynnt í dag.
Ingibjörg R.
Guðmundsdóttir
Gylfi
Arnbjörnsson
Í HNOTSKURN
»Gylfi hóf störf fyrir ASÍ1989, fyrst sem hagfræð-
ingur. Eftir að hafa starfað í
fjármálageiranum um fimm
ára skeið varð hann fram-
kvæmdastjóri ASÍ árið 2001
og hefur verið þar síðan.
» Ingibjörg sat lengi í stjórnVR og hefur síðustu 19 ár
verið formaður Lands-
sambands íslenzkra verzl-
unarmanna. Samhliða því hef-
ur hún verið varaforseti ASÍ í
samtals 13 ár.