Morgunblaðið - 23.10.2008, Blaðsíða 15

Eftir Önnu Sigríði Einarsdóttur
annaei@mbl.is
V
ið erum að fá hingað
handgerða býlisosta,
meðal annars almenni-
leg, klútbundin chedd-
ar-ostahjól,“ segir
Eirný og bætir við að gaman sé að
opna hjólin sem hvert og eitt hafi sín
sérkenni. „Allir ostarnir eiga líka
sína sögu og þá er hægt að rekja
beint til bóndans.“
Eins og er flytur Eirný aðeins inn
osta frá Írlandi og Bretlandi, þó hún
bjóði upp á osta víðar að, og á stefnu-
skránni er að fara að flytja líka inn
osta frá löndum á borð við Frakkland
og Ítalíu.
„Aðaldraumurinn er þó að geta
boðið upp á handgerða íslenska
býlisosta um leið og þessir sex ís-
lensku bændur sem nú eru að huga
að ostagerð hefja sína framleiðslu,“
segir Eirný og kveður vanta geita-
og sauðaosta í flóruna.
Hún er enginn nýgræðingur í mat-
vælaframleiðslu, rak bæði veislu-
þjónustu og krá í þau 17 ár sem hún
var búsett í Edinborg. Þá var hún
einnig yfirkennari í einkaskólanum
Edinburgh School of Food and Wine
og fór með nemendur í matarferðir á
sælkeraslóðir til Suður-Frakklands
og Lombardí á Ítalíu, m.a. til að hitta
framleiðendur osta, salamis og hrá-
skinku, auk þess að senda nema til
ekki ómerkari matreiðslumeistara
en Gordons Ramsays og Ricks
Steins.
Og eftir heimkomuna fyrir um ári
rak hún Ostabúðina á Bitruhálsi. Af
núverandi íslenskri ostaframleiðslu
er Ísbúinn og Gullostur í hvað mestu
uppáhaldi hjá henni og þó hún kunni
vel að meta marga íslenska osta, þá
vill hún samt veita neytendum meira
val. „Þannig að þeir geti keypt osta
frá mismunandi löndum, sem sumir
hverjir eru framleiddir eftir mörg
hundruð ára gömlum aðferðum og
eru svo ólíkir því sem hér fæst.“
Aðstoðar við þroskunarferlið
Sjálf er hún mjög hrifin af brauð-
ostum á borð við cheddar, einn þeirra
osta sem er hvað mest neytt á heims-
vísu og þar líkt og með aðra osta
skiptir þroskunarferlið máli. „Það er
svo mikill bragð- og gæðamunur að
það er ekki hægt að bera fram fjölda-
framleiddann „plast“ cheddar með
litarefnum og þessa handgerðu osta
sem fá tíma til að þroskast.
Þessi hérna er til dæmis bestur í
kringum 15-18 mánaða aldur,“ segir
hún um 25 kílóa hjól af 13 mánaða
gömlum cheddar-osti sem hún er
þessa dagana að flýta fyrir
þroskun á. Felst það í því
að hafa áhrif á hita-
og rakastig, enda
lítur hún á það
sem sitt hlutverk að tryggja að neyt-
andinn fái ostinn á réttu þroskastigi.
Það snýst þó ekki allt um ost, því í
Búrinu er líka að finna handgert kex,
hunang og ýmis konar meðlæti, auk
25 mismunandi tegunda af ólífum.
Hún segir meðlætisúrvalið eiga eftir
að aukast enn frekar á næstunni.
„Ég er með nostraline-ólífur frá Ítal-
íu, kalamata-ólífur frá Grikklandi og
picholine-ólífur frá Frakklandi svo
dæmi séu tekin. Mismunurinn á ólíf-
um felst nefnilega ekki bara í mar-
ineringunni heldur getur líka verið
mjög mikill bragð- og stærðarmunur
milli tegunda,“ segir Eirný sem mar-
ínerar líka ólífur og mosarellaosta
sjálf, auk þess að hafa hug á að hefj-
ast handa við að búa til chutney, sér-
sniðna ostabakka og gjafaöskjur fyr-
ir jólin. „Mig langar til að bjóða upp á
íslenskar sælkeravörur og er mjög
spennt yfir því samstarfi sem á sér
nú stað milli bænda og hönnuða í
Listaháskóla Íslands – ég vildi helst
fá þetta í hillurnar strax því matur er
orðin svo mikil
gjafavara.“
Það er hægt að ræða
lengi við Eirnýju Sigurð-
ardóttur um osta og því
líklega engin tilviljun að
hún ákvað að flytja inn
erlenda osta fyrir nýstofn-
aða sælkeraverslun sína
Búrið, sem stendur við
Nóatún.
Morgunblaðið/Frikki
Matarsérfræðingur Eirný, sem hér sést ásamt Áslaugu Dröfn systur sinni,
vill gjarnan bjóða upp á íslenskar sælkeravörur.
Íslenskir býlisostar draumurinn
Daglegt líf 15
MORGUNBLAÐIÐ FIMMTUDAGUR 23. OKTÓBER 2008
Fléttan í Músagildru Agöthu Chris-
tie, sem LA frumsýndi um síðustu
helgi, er algjört leyndarmál. Allir
vita þó að framið er morð á sviðinu
og einn áhorfandi var í hættu á frum-
sýningunni, þó ekki í lífshættu; um
leið og morðið var framið ráku leik-
ararnir sig í öskubakka sem tókst á
loft og lenti á konu framarlega á
áhorfendabekkjunum!
  
Nokkrar rjúpur spígsporuðu
óhræddar við íbúðarhús í Gler-
árhverfi á dögunum og kipptu sér lít-
ið upp við mannfólk í grenndinni.
Vissu greinilega að veiðitímabilið er
ekki hafið, og ekki síður hve heið-
arlegir Akureyringar eru…
  
Það er nóg að gera hjá mat-
reiðslumeistaranum Friðriki fimmta.
Um síðustu helgi eldaði hann hrossa-
kjöt ofan í Skagfirðinga og nú situr
hann Slow Food-ráðstefnu og verður
gestakokkur á veitingastað skammt
frá Tórínó þar sem boðið verður upp
á íslenskan mat.
Akureyringar eru búnir að komast
að því að handbolti og músík fara vel
saman. Boðið hefur verið upp á tón-
list fyrir heimaleiki Akureyrarliðsins
í vetur og svo verður einnig í kvöld
þegar Valsmenn koma í heimsókn í
Höllina. Nú eru það Helgi og hljóð-
færaleikararnir sem skemmta.
  
Súpufundir Þórs verða á dagskrá
með reglulegu millibili í vetur eins og
þann síðasta. Sá fyrsti er í dag,
fimmtudag, kl. 12 til 13 í Hamri, og
er yfirskriftin Íþróttir og staða efna-
hagsmála. Gestir verða formenn
Þórs, KA, Fimleikafélags Akureyrar
og Sundfélagsins Óðins.
Fulltrúar í samfélags- og mannrétt-
indaráði, sem fer með forvarnamál,
fóru í kynnisferð um bæinn í gær til
að skoða áfengisauglýsingar á al-
mannafæri. Vekja á athygli á því að
víða er brotið gegn ákvæðum laga.
  
Nokkrir kennarar og einn nemandi
Tónlistarskólans, í hljómsveitinni
Moltu, ætla að gleðja bæjarbúa í
kreppunni með því að halda ókeypis
tónleika. Í gær léku þeir í Lostæti
við Naustatanga þar sem margir
borða jafnan í hádeginu. Góður róm-
ur var gerður að uppátækinu og ljúf-
fengur matur sagður enn betri en
venjulega undir líflegri sveiflunni.
AKUREYRI
Skapti Hallgrímsson
Morgunblaðið/Skapti Hallgrímsson
Sveifla með matnum Hljómsveitin Molta vakti mikla lukku í Lostæti í gær.
ÚR BÆJARLÍFINU
Nú rignir vísum umfjármálakreppuna. Hilmir
Jóhannesson á Sauðárkróki yrkir:
Voru fjármálamennirnir frá sér
að finna ei gjaldþrotið á sér?
Því er ekki að neita
að lengi þeir leita
að lítillætinu hjá sér.
Þá Sigurður Helgason, Keldum:
Fjármálakerfið er komið í nauð
og kaupréttaræðið á þrotum,
flúinn er Hannes og frjálshyggjan dauð,
fjárhagur landsins í brotum.
Þegar kreppan skall á heyrði
Guðmundur á Skálpastöðum
ráðamenn þjóðarinnar segja að nú
yrðum við að snúa bökum saman.
Hann veltir því fyrir sér hvort ekki
séu tvær hliðar á málinu:
Landsfeðranna ráðum trauðla trúum.
Tilmælin valda þjóðinni nokkrum kvíða,
því ef við bökum alltaf saman snúum
mun endaloka hennar skammt að
bíða.
Ingólfur Ómar Ármannsson
sendi ferskeytlur með góðri kveðju:
Heyrast ærin óp og köll,
auðmenn flýja af verði,
valdagræðgi vann hér spjöll,
víða usla gerði.
Launráð brugga bak við tjöld
bleyður, svíkja og pretta,
hér snýst allt um auð og völd,
ekki veg hins rétta.
VÍSNAHORN pebl@mbl.is
Af kreppu
og lítillæti
Ostaúrval Hand-
gerðir ostar eru
margir hverjir
framleiddir eftir
mörg hundruð
ára gömlum að-
ferðum.
Stórhöfða 21, við Gullinbrú, s. 545 5500.
www.flis.is ● netfang: flis@flis.is
lím og fúguefni
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050
Bókunarsími: 555‐3565 www.elding.is
Tveggja tíma ferð með leiðsögn
Friðarsúlan skoðuð frá sjó og landi
Viðeyjarstofa opin með kaffiveitingar
Sunnudaga til fimmtudaga kl 20:00
IMAGINE PEACE
siglingar
Reykjavík: Mörkin 4, sími: 533 3500 I Afgreiðslutími virka daga: 10-18 og laugard. 11-16
ÞAÐ ER SJÚKRAÞJÁLFARI
Í VERSLUN OKKAR
alla fimmtudaga frá kl. 16 til 18
sem aðstoðar þig við val á dýnu.