Fréttablaðið - 08.05.2009, Blaðsíða 10

10 8. maí 2009 FÖSTUDAGUR
Nánari upplýsingar í síma 525 4444 og á endurmenntun.is
Fræðileg og hagnýt þekking
Klínisk færni í fjölskyldufræðum
Lotubundin kennsla – hentar með vinnu
Metið til eininga í Félagsráðgjafadeild HÍ
Umsóknarfrestur til 11. maí
FJÖLSKYLDUMEÐFERÐ
-NÁM Á MEISTARASTIGI
Strandgata 29
Hafnarfjörður
MENNTUN Vilji er fyrir hendi hjá
borginni að leysa deilu tónlistar-
skólastjóra og Reykjavíkurborgar
og verið er að skoða hvort hægt sé
að leggja fram viðbótarfjárveitingu
til skólanna, segir Kjartan Magnús-
son, formaður menntaráðs borgar-
innar.
Forsaga málsins er sú að mennta-
ráð ákvað í janúar að skera niður
framlög til tónlistarskóla um tólf
prósent, í ljósi breyttra efnahags-
aðstæðna. Tónlistarskólastjórum
var tilkynnt um þetta 14. janúar.
Þá var skólaár þeirra hálfnað. Þeir
skildu tíðindin svo að skorið yrði frá
og með næsta skólaári, sem hefst í
september. Reykjavíkurborg miðaði
hins vegar við almanaksár, og ætl-
aðist til að niðurskurðurinn hæfist
strax í janúar.
„Það varð þarna misskilningur,
og rétt að viðurkenna það,“ segir
Kjartan Magnússon. „Auðvitað er
erfitt að skera niður á miðju skóla-
ári og það er fullur skilningur á
því. En það eru auðvitað fjölmargir
aðrir aðilar sem treysta á fjárstuðn-
ing frá borginni og voru í miðju kafi
í janúar.“ Kjartan segist hafa orðið
fyrir vonbrigðum með fund með
skólastjórunum á þriðjudag. Þar
hafi hann mælst til að stofnuð yrði
viðræðunefnd um hvernig mætti
ná fram þessum sparnaði, en skóla-
stjórar hafi hafnað því.
Formaður Samtaka tónlistar-
skólastjóra í Reykjavík, Sigurður
Sævarsson, segir að ekki hafi þótt
ástæða til að skipa fulltrúa í nefnd,
enda hafi ekkert nýtt komið fram á
fundinum. „Við slógum það ekkert
út af borðinu. En hvað eigum við að
ræða um í nefndinni ef við höfum
ekkert í höndum um hvað hægt er
að gera í málinu?“ spyr hann, en
tekur fram að hann sé bjartsýnn á
að lausn finnist.
Niðurskurðurinn hefði áhrif á
átján skóla, sem eru með frá fimm-
tíu og upp í á fimmta hundrað nem-
endur hver. Sjálfur rekur Sigurð-
ur Nýja tónlistarskólann og er með
185 nemendur. Tólf prósenta niður-
skurður þýddi sjö milljóna tekjutap
fyrir hann, aftur í tímann. Hvernig
fyndi Sigurður þetta fé? „Ég þyrfti
að taka lán, en veit ekki hvernig ég
myndi borga það,“ segir Sigurður.
- kóþ
Borgin sögð vinna að lausn í deilu sinni við tónlistarskólastjóra í Reykjavík:
Reynt að finna fjármagn í tónlistarskóla
SIGURÐUR
SÆVARSSON
KJARTAN
MAGNÚSSON
FÓLK „Þegar maður fær svona móttökur veltir
maður því ósjálfrátt fyrir sér hvernig er almennt
tekið á móti fólki með góðar hugmyndir hér á þessu
landi,“ segir Gylfi Gylfason, eigandi Símabæjar í
Mjóddinni. Gylfi hefur síðustu tólf ár safnað notuð-
um GSM-símum sem hann býður nú til sölu. Hann
kvartar yfir dræmum viðtökum frá atvinnuþróun-
arfélögum landsins.
Að sögn Gylfa telur GSM-minjasafnið nú á sjötta
hundrað síma. Þar innan um leynist hreinustu gull-
molar í GSM-sögunni, eins og fyrsti Nokia-síminn
og fyrstu árgerðir Ericsson, Motorola, Siemens og
Panasonic. Slíkir símar seljist jafnvel fyrir hundruð
evra á erlendum uppboðsvefsíðum.
„Þetta safn er einstakt á heimsvísu, enda vekur
það mikla athygli allra sem frétta af því,“ segir
Gylfi. „Það væri tilvalið fyrir aðila úti á landi að
setja safnið upp og bjóða upp á einhvers konar hlið-
arþjónustu í kringum það þar, til að örva ferðaþjón-
ustuna. Með það fyrir augum sendi ég fyrirspurnir
til allra atvinnuþróunarfélaga landsins, en hef ekki
fengið eitt einasta svar. Ég hef ákveðið verð í huga
fyrir safnið, sem er langt undir því sem ég gæti
fengið erlendis. En ef ég fæ ekkert tilboð á næstu
vikum fer safnið á sölu á eBay, sem er mér þvert um
geð.“
Gylfi er þess fullviss að GSM-minjasafnið myndi
vekja lukku. „Fólk borgar sig unnvörpum inn á
Reðursafnið. Mitt safn er þó að minnsta kosti fjöl-
skylduvænt,“ segir Gylfi Gylfason. - kg
Eigandi Símabæjar kvartar yfir dræmum viðtökum við viðskiptahugmynd:
Selur GSM-minjasafnið sitt
YFIR 600 SÍMAR Gylfi segir tilvalið að setja á stofn fyrsta GSM-
minjasafn heims á Íslandi. FRÉTTABLAÐIÐ/VALLI
LISTRÆNN ÓRANGÚTAN Ekki er annað
að sjá en þessi órangútan í dýragarði
í Heidelberg í Þýskaland sé bara
nokkuð stoltur þar sem hann bendir á
mynd sem hann málaði sjálfur.
FRÉTTABLAÐIÐ/AP
Dæmdur fyrir manndráp
Thomas Cholmondeley, fertugur
Keníumaður af velþekktri ætt hvítra
landnema, var í gær dæmdur sekur
um manndráp, en sýknaður af morð-
ákæru. Hann varð svörtum veiðiþjófi
að bana á landareign sinni árið 2006,
og hafði þá rúmu ári fyrr drepið
annan veiðiþjóf, og var sá einnig
svartur á hörund.
KENÍA
Tveir milljarðar gætu smitast
Keiji Fukuda, yfirmaður hjá
Alþjóðaheilbrigðisstofnuninni, segir
hugsanlegt að þriðji hver jarðarbúi,
samtals tveir milljarðar manna,
gætu smitast af svínaflensuveirunni,
fari svo að allsherjar heimsfaraldur
brjótist út.
SVÍNAFLENSAN
SKIPULAGSMÁL „Ekki er of seint að
iðrast í þessu máli og enn er hægt
að forða umhverfis- og skipulags-
slysi við Elliða-
árnar,“ segir
í bókun sem
Ólafur F. Magn-
ússon lagði
fram í skipu-
lagsráði í gær
þegar rædd var
ný tillaga um
skipulag hest-
húsabyggðar
við Elliðaár.
Á fundinum
bókaði Júlíus Vífill Ingvarsson,
formaður skipulagsráðs, að yfir-
lögfræðingur skipulags- og bygg-
ingarsviðs telji Júlíus hæfan til
að taka þátt í afgreiðslu málsins
en hann hafði vikið sæti við fyrri
umfjöllun.
Ólafur sagði óviðunandi, ólýð-
ræðislegt og ófaglegt að málið
væri unnið að tjaldabaki. Fulltrú-
ar meirihlutans sögðu áhyggjur
Ólafs ónauðsynlegar og lítt skilj-
anlegar. - gar
Júlíus hæfur í hesthúsamáli:
Segja áhyggjur
Ólafs óþarfar
JÚLÍUS VÍFILL
INGVARSSON
Nýir tímar boða til mótmæla við
Alþingishúsið í dag klukkan 13. Síðan
skal gengið að Stjórnarráðinu. „Við
viljum minna stjórnvöld á að heimili
landsmanna eru að brenna í skuld-
um,“ segir í tilkynningu hópsins.
MÓTMÆLI
Heimili landsmanna brenna
FÉLAGSMÁL Starfsemi Ráðgjafar-
stofu um fjármál heimilanna verð-
ur stórefld og upplýsingagjöf um
úrræði vegna greiðsluvanda bætt
frá því sem nú
er.
F ljótlega í
kjölfar fal ls
bankanna í okt-
óber var stöðu-
gi ldum Ráð -
gjafarstofunnar
fjölgað og þótt
einhver bið væri
eftir viðtali við
ráðgjafa ann-
aði stofan eft-
irspurn ágæt-
lega.
Í nýliðnum
aprílmánuði
stórjókst ásókn í
þjónustuna, svo
nam þreföld-
un frá því sem
áður var. Varð
stofan ófær um
að mæta þess-
ari stórauknu ásókn og nemur nú
biðtími eftir viðtali við ráðgjafa
átta vikum.
Undir handleiðslu Ástu R.
Jóhannesdóttur félags- og trygg-
ingamálaráðherra hefur síðustu
daga verið unnið að því að stór-
efla Ráðgjafarstofuna svo þjón-
ustan geti talist eðlileg. Verður
starfsfólki fjölgað og gripið til
annarra nauðsynlegra ráðstaf-
ana. Tólf manns vinna á stofunni
í dag. Þá ætla stjórnvöld að bæta
upplýsingagjöf til fólks um mögu-
leg úrræði til að mæta greiðslu-
vanda.
Samkvæmt upplýsingum Frétta-
blaðsins verða aðgerðir í þessum
efnum kynntar í dag.
Hörð gagnrýni hefur komið
fram að undanförnu á þjónustu
og upplýsingamiðlun stjórnvalda
vegna greiðsluvanda einstaklinga.
Hafa ráðherrar svarað því til að
ýmis úrræði séu til staðar en við-
urkennt um leið að miðlun upplýs-
inga hafi ekki verið nógu góð. Úr
því á að bæta.
Ráðgjafarstofa um fjármál
heimilanna sem Ásta S. Helga-
dóttir stýrir veitir fólki sem á í
verulegum greiðsluerfiðleikum
og komið er í þrot með fjármál sín
endurgjaldslausa ráðgjöf. Hefur
hún meðal annars milligöngu um
samninga við lánardrottna.
Þá veitir stofan upplýsingar um
þau nýju og sértæku úrræði sem
ákveðin hafa verið með lagabreyt-
ingum og reglugerðum á undan-
förnum vikum.
bjorn@frettabladid.is
Fjármálaráðgjöf til
heimilanna stórefld
Ásókn í þjónustu Ráðgjafarstofu um fjármál heimilanna þrefaldaðist í apríl.
Átta vikna bið er eftir viðtali við ráðgjafa stofunnar. Þessu verður mætt með
verulega efldri þjónustu og bættri upplýsingagjöf til fólks í greiðsluvanda
STARFSEMIN EFLD Starfsfólki Ráðgjafarstofu um fjármál heimilanna verður fjölgað og
bætt verður úr upplýsingagjöf til almennings um úrræði vegna greiðsluvanda.
ÁSTA S.
HELGADÓTTIR
ÁSTA RAGNHEIÐUR
JÓHANNESDÓTTIR