Skinfaxi - 01.11.1950, Síða 18

82
SKINFAXI
bezt minnt oss á, hver sé köllun vor og hvernig oss
l)eri að sinna henni.
Og postulinn lætur það ekki nægja að koma með
þessa áminningu einu sinni. Nei — sama likingin vakh-
fyrir honum í hinum upplesna texta úr 6. kap. sama
bréfs „Eða vitið þér ekki, að líkami yðar er musteri
heilags anda i yður, sem þér hafið frá Guði....Veg-
samið því Guð með líkama yðar.“
Vér sjáum það, að postulanum er þessi líking um
musterið nokkuð töm. Hvers vegna er hún það?
Hún er það vegna þess, að el’ vér munum allt af eftir
því, að líkami vor er musteri Guðs, þá munum vér
líka, að Guðs andi býr í oss og að vér megum á engan
hátt vanhelga þann bústað Drottins.
Líkami mannsins bústaður Drottins anda, það
er mikil hugsun. Það er svimandi hæð, sem sú hugsun
svífur. Og þó er það lmgsun, sem er alveg i anda
frelsarans. Hann sagði: „Guðsríki er hið innra í yður.“
Hann sagði: „Verið fullkomnir, eins og yðar
himneski faðir er fullkominn.“ Hann sagði: „Elskið
óvini yðar og biðjið fyrir þeim, sem ofsækja yður, til
þess að þér séuð synir föður yðar, sem er á himnum.“
O. s. frv. Hann sagði oss að vegsama Guð með líkama
vorum og anda voruni. Hann þorði að benda oss á það
með háleitum og . einföldum orðum, að vér værum
börn föður vors á himnum og ættum að lifa í sam-
ræmi við vilja hans, verða fullkonmari í góðleik og
hreinleik, eins og hann. Þetta er takmark mannsins,
takmark, sem hann lagði sterka áherzlu á. Þótt hann
viðurkenndi fyllilega syndugleik vorn og ófullkomleika.
Þetta er takmark hins synduga manns. En því tak-
marki keppir hann aðeins að, ef hann man eftir því,
að Guðs andi býr í honum; þrátt fyrir allan hans
ófullkomleika býr í honum neisti af hinum fullkomna
anda Guðs.
Guðs andi í syndugum manni. Heilagur andi i mann-