Skinfaxi - 01.11.1950, Side 53
SKINFAXI
117
og skyldi fénu varið þeim iþróttamönnum til styrktar, sem
yrðu fyrir slysum á sumarmótum liéraðssambandsins.
Eftir að umf.sambandið hafði starfað nokkur ár, var því
hreyft á aðalfundi sambandsins 12. febr. 1916, af þá verandi
formanni Jóni bónda að Holtskoti, Jónssyni, að héraðssam-
bandið gengi sem heild i landssamband umf. íslands. Var því
máli vísað til umsagnar hinna einstöku ungmennafélaga sam-
bandsins; en niðurstaða þessa máls varð án árangurs, vegna
vínbindindisákvæðanna i lögum Umf. íslands.
Á sama aðalfundi var því hreyft, að ungmennafélagssam-
bandið tryggði sér á einhvern hátt fastan samkomustað, og
hnigu hugir flestra fulltrúa að þvi, að til þessa væri hinn
forni þingstaður Skagfirðinga að Garði í Hegranesi sjálfkjörinn.
fyrst og fremst sökum legu sinnar i liéraðinu, og í öðru lagi
vegna fornrar frægðar frá þjóðveldistimanum. Kom málið á ný
fyrir aðalfund 3. febr. 1917, án þess að þá væri hægt að
ganga frá því til fullnustu. Siðar var málinu oftar hreyft, án
annars árangurs en að „þingstaðurinn forni“ hefur verið
tekinn til verndunar á fornminjaskrá þjóðminjasafnsins.
Auk hinna venjuiegu félagsstarfa hefur ungmennasamband-
ið og skagfirzkur æskulýður verið boðinn og búinn að rétta
ýmsum málum „örvandi hönd“, þeim er horft hafa til sóma
fyrir héraðið. Sumarið 1917 var boðið i heimsókn til íslands
skáldinu Stefáni G. Stefánssyni, svo sem kunnugt er, en hann
hafði fyrrum dvalið sem barn og unglingur í Skagafirði, áður
en liann flutti til Vesturheims. Eitt af framkvæmdastörfum
ungmennafélaganna þá um sumarið var að bjóða skáldinu í
heimsókn til æskustöðvanna og gjöra dvöl hans sem ánægju-
legasta þar. Að skáldinu látnu var því hreyft af tónskáldi Ey-
þóri Stefánssyni á Sauðárkróki, að Stefáni G. Stefánssyni skáldi
yrði reistur veglegur minnisvarði i Skagafirði. .4 einkasam-
komu ungmennasambandsins, sem haldinn var á „forna þing-
staðnum" að Garði í Hegranesi, sumarið 1945 i tilefni 10(1
ára endurreisnarafmælis Alþingis, flutti erindi um minnis-
varðahugsjónina tónskáldið Eyþór Stefánsson, og hvatti hann
ungmennasambandið til að taka málið til framkvæmda. Var
máli þessu vel tekið og hefur héraðssambandið hafið fjársöfn-
un til þessa, og standa vonir til þess að minnisvarðinn verði
reistur á 100 ára afmæli Stcfáns G. Stefánssonar.
í lok fyrri heimsstyrjaldarinnar 1914—’18, dró mjög úr
þrótti sumra skagfirzkra ungmennafélaga, og þá leystust sum
félögin upp með öllu. Afleiðing þessa varð því sú, að um
nokkur ár féllu að mestu niður framkvæmdastörf héraðssam-