Skinfaxi - 01.11.1950, Page 62

126
SKINFAXI
fJsatf. í\ tasíri ÍO t'trtt
Aldir koma, aldir renna,
æskan hyllir fögur svið,
þar sem vitar bjartir brenna,
breiða geisla um hafsins mið.
Þó að falli brýr að baki,
brotni viðir, syrti í ál,
Austri lifi, Austri vaki,
Austri kveiki þrótt í sál.
Mörg á æskan verk að vinna,
villugjörn er tímans braut.
Lítum því í hæð til hinna,
hetjanna í raun og þraut.
Austri skal ei orku spara,
ungum veita hjálp og lið.
Æskan hlýtur fjöll að fara,
finna ný og betri svið.
Berum fánann hátt og hyllum,
hefjum söng með gleðibrag.
Hrindum burtu vanans villum.
Viljinn skapar nýjan dag.
Æskan félags — traustu taki
treysti vörn um landsins mál.
Austri lifi, Austri vaki,
Austri kveiki þrótt í sál.
Skúli Þorsteinsson.