Skinfaxi - 01.07.1951, Blaðsíða 5
SKINFAXI
53
Islenzk skáld og rithöfundar II.
GIJIMIVAR GIJMIMARSSOIM
Gunnar Gunnarsson er einn af
Væringjunum í hópi íslenzkra rit-
höfunda. Hann sigldi ungur til
Danmerkur, lærði að rita á danska
tungu og nam gott og fagurt land
í bókmenntaheiminum. Hann flutt-
ist heim til fslands aftur rétt fyrir
síðustu heimsstyrjöld, þá frægur
víða um lönd og vel efnaður, keypti
bújörð á æskustöðvum sínum,
reisti hin myndarlegustu hús á
jörð sinni og bjó þar um áratug.
Fyrir tveim árum gaf hann ríkinu
jörð sína, Skriðuklaustur í Fljóts-
dal, og hefur nú setzt að í Rvík.
Gunnar Gunnarsson er fæddur á Valþjófsstað í Fljótsdal
18. maí 1889. Hann fluttist til Danmerkur árið 1907 og stund-
aði nám í lýðháskólanum í Askov í tvö ár. í Danmörku átti
hann heima til ársins 1939.
Gunnar Gunnarsson er aðallega skáldsagnahöfundur, þótt
hann hafi einnig ort Ijóð og samið leikrit. Sögur hans hafa
verið þýddar á ensku og þýzku og fleiri mál. Hann varð fyrst
kunnur um öll Norðurlönd fyrir sagnabálk sinn Sögu Borgar-
ættarinnar, sem út kom á árunum 1912—1914. Var það einkum
þriðja bindið, Gestur eineygði, sem hann hlaut almenna viður-
kenningu fyrir. Sumar skáldsögur hans má hiklaust telja með
því bezta, sem ritað hefur verið af íslendingi. Er þar fyrst að
nefna sagnabálk hans, Iíirkjuna á fjallinu, sem á íslenzkunni
er þrjú stór bindi. Er þetta mikla verk byggt á lífi og reynslu
skáldsins og rekur þroskaferil þess í skáldsöguformi. Halldór
Iíiljan Laxness þýddi verkið á íslenzku, en Gunnar Gunn-
arsson hafði áður þýtt skáldsögu hans, Sölku Völku, á dönsku.
Kirkjan á fjallinu er svo heillandi fagurt verk, að hver ungling-
ur í landinu ætti að hafa lesið það eða heyrt, áður en hann
hættir námi, og þó sérstaklega fyrstu tvö bindin. Einnig hefur
Gunnar ritað sögulegar skáldsögur, t. d. Jón Arason og Hvíta
Krist. f sama flokki má og telja Svartfugl, eina snjöllustu skáld-
sögu hans. Eru rit hans öll að koma út í heildarsafni hjá út-
gáfufélaginu Landnámu, og eru þegar komin út 10 stór bindi.
GUNNAR GUNNARSSON