Skinfaxi - 01.07.1951, Side 12

60
SKINFAXI
liggja aðalveitur með hárri spennu, 30—60 þús. volt
og jafnvel hærri, eins og nýja Sogslínan, sem verður
130 þús. volt, til aðalspennustöðva, sem standa í nánu
sambandi við lcaupstaði, kauptún eða miðsvæðis í
héraði, sem dreifa á raforku um. I þessum aðalspennu-
stöðvum er spennan lækkuð niður í lægri háspennu,
sem notuð er í linum héraðsveitunnar til dreifingar
orkunnar til notenda í héraðinu. 1 þeim er spennan
lækkuð í 10 þús. volt, en við þeirri spennu er orkunni
veitt um þær héraðsveitur til sveita, sem rafmagns-
veitur ríkisins eru nú að leggja.
Stofnlínur út frá þessum aðalspennistöðvum eru nú
lagðar sem þrífasa loftlinur áleiðis út um sveitirnar,
en frá stofnlínum og í framhaldi af þeim eru síðar
lagðar einfasa línur heim að bæjunum. Heima við bæina
eru svo spennistöðvar, sem lækka spennuna úr 10 þús.
voltum í 220 volt, sem er hin venjulega notkunar-
spenna. Víðast er ein spennistöð fyrir hvert býli, og
því aðeins eru tvö býli eða fleiri saman um spenni-
stöð, að bæirnir standi í sama túni eða því sem næst.
Lengd frá spennistöð er heppilegast að sé ekki nema
eitt til tvö hundruð metrar og alls ekki yfir km.
Frá spennistöð liggur síðan lágspennt heimtaug í
húsvegg, venjulega tveir eirvírar, og úr henni ein-
angraðar taugar inn i gegnum vegginn og að aðalvörum
og rafmagnsmæli.
Myndin hér á móti sýnir yfirlit yfir nýju Laxárvirkjunina.
sem er á móts við bæinn Brúar i S.-Þingeyjarsýslu. Nýja virkj-
unin er um 350 m. neðar með ánni, en gamla virkjunin.
Efst á myndini sést stífla með lokuhúsum. Frá henni liggur
350 m. trépípa, sem er 4 m. að innanmáli, og liggur hún að
jöfnunarturninum, sem er 19,5 m. á liæð og 13 m. að innan-
máli. Frá turninum og að stöðvarliúsinu liggur þrýstivatns-
pipa úr stáli, sem er 4 m. löng. í stöðvarhúsinu er ein véla-
samstæða 11,500 hö. Nýju aflstöðinni verður að mestu leyti
stjórnað með sjálfvirkum stýritækjum frá gömlu aflstöðinni.