Skinfaxi - 01.11.1953, Blaðsíða 3

SKINFAXI
99
myndum, en sérfróðir menn á ýmsum sviðum búnaðar-
mála hafa verið fengnir til að semja þætti um sínar
sérgreinir. Má þar sérstaklega nefna þættina um bú-
fjármat og dráttarvélaakstur. Þessir starfsíþróttaþættir
eru nú orðnir alls 8. Eru þeir sérprentaðir, og einnig
eru þeir að birtast í Skinfaxa.
— Síðan hefur þú ferðast um og leiðbeint um fram-
kvæmd á keppni í vinnubrögðum og lagt á ráðin um
starfsíþróttamót ?
— Já, Ég fór um Suðurland, Rangárvalla-, Árnes-,
og Kjósarsýslur, og um allt Norðurland frá Holtavörðu-
heiði til Langaness.
— Og hvernig hagaðir þú störfum þínum með
f élögunum ?
— Venjulega hélt ég fyrst fund, ræddi þar um starfs-
íþróttir almennt, lýsti tilgangi þeirra og markmiði.
Síðan sýndi ég fólki starfsíþrótt, t.d. dráttarvélaakstur,
eða ég fór beint í fjósið og útskýrði, hvernig keppni 1
búfjárdómum færi fram. Ég setti mig að sjálfsögðu
jafnan í samband við búfjárræktarráðunauta húnaðar-
sambandanna. Voru þeir mjög samvinnuþýðir og áhuga-
samir um þessi efni. Hafa þeir sýnt þessari starfsemi
okkar mikinn velvilja og liafa lofað að aðstoða ung-
mennafélög við starfsíþróttamót. Ég reyndi og eftir
megni að leiðbeina um framkvæmd slíkra móta.
— Þú hefur sannarlega þurft að hafa hraðann á að
ferðast svona víða. Þú hlýtur að liafa verið stutt hjá
hverju félagi?
— Já, allt of stutt. Sum félögin heimsótti ég að vísu
tvisvar eða þrisvar, en langri viðdöl hjá hverju þeirra
varð ekki viðkomið. Mér var ljóst, að ég þurfti að
leggja megináherzlu á að kynna þessa nýju grein og
reyna að vekja áhuga forystumannanna, svo að þeii
tækju að líta á starfskeppni í ýmsum greinum sem
mikilsverðan þátt í félagsstarfinu i framtíðinni.
— Og hvernig voru undirtektirnar ?
7*