Skinfaxi - 01.04.1954, Síða 21

SKINFAXI
21
ingarlegu tengsl við fortíðina og látum berast með
straum tækni og tíma út i hringiðu heimsins.
Her erlends stórveldis hefur um skeið haft aðsetur
í landinu. Það gildir einu, hvort það er kallað lierseta
eða „hervernd“. Það verður að skoðast sem skerðing a
frelsi þjóðarinnar. Ég get aldrei litið á her Banda-
ríkjanna sem „verndar“her okkar. A friðartímum þurf-
um við ekki á vörn að halda. Á ófriðartímum hlýtur
slík herseta að leiða til einhvers konar átaka í landinu
sjálfu, a. m. k. loftárása. Herinn býður hættunni heim.
Hersetan er því aðeins réttlætanleg og sjálfsögð, að
hún annað hvort komi i veg fyrir eða hafi úrslitaþýð-
ingu í hugsanlegri heimsstyrjöld. Hvorugt er likleg!.
Að öðrum kosti eru örlög Islands algerlega jafnt háð
þeim aðila er sigra kynni i þeim ófriði, aðgerðum haus
og íhlutun um hag þess og frelsi, hvort sem setulið er
hér nú eða ekki. Hitt er annað mál, að Bandaríkin
hefðu að sjálfsögðu sett hér upp herstöðvar alveg
jafnt, hvort sem Islendingar vildu eða vildu ekki, fyrst
þau sáu sér hag í því á annað borð. En livað sem þessu
líður, er eitt sem ekki orkar tvímælis: Það er ekki
sama á hvern hátt við tökum þeim vanda, sem erlend
herseta hlýtur að valda.
Stjórnarvöld landsins hafa alltaf síðan herverndar-
samningurinn var gerður við Bandaríkin reynt að
leyna þjóðinni því, sem hefur verið að gerast í utan-
ríkismálunum. Því, sem hver einstaklingur ekki ein-
ungis vildi vita, heldur beinlínis þurfti að vita, og álti
kröfu til að fá að vita. Þau hafa gert það vegna þess
að þau hafa verið hlynnt hinu erlenda stórveldi og
hvorki viljað né þorað að gera uppskátt um hinar
síauknu kröfur þess hér og íhlutun. En þau hafa verið
hlynnt þvi m. a. vegna þess, að þau hafa séð í þvi
fjárhagslegan ávinning.
Með þessu liafa valdamenn landsins kæft þjóðar