Skinfaxi - 01.04.1954, Side 25

SKINFAXI
25
vingjarnleg við í gærkvöldi, maðurinn með dökka andlitið.
Ég er nýkominn hingað til Kalkútta frá Cambridge í Englandi
og þekki hér ekki nokkra lifandi sál. Það var sannarlega engin
smávegis prófraun fyrir mig að vera allt í einu kominn í þetta
mikla samkvæmi í Landstjórnarhöllinni, svona gersamlega einn
og yfirgefinn. Ég var sem óðast að óska þess, að gólfið vildi
gleypa mig með húð og hári, eða dauðinn kæmi til mín fljótt
og hljóðlega, þegar þér voruð svo hugulsöm að koma til mín
og taka mig tali. Þannig varð kvöldið hið skemmtilegasta,
þótt það byrjaði eins og martröð.
Ég hafði ætlað mér að heimsækja yður í dag og þakka yður
í eigin persónu, en frétti þá, að þér væruð farin frá Kalkútta
til Bombay.
Þér megið treysta, að ég er yðar þakklátur og einlægur
Arvind Nehra.
II.
Ég hafði ekki þorað að vona, að yður þætti bréf mitt
þess virði, að þér kærðuð yður um að svara því. Þér getið
þess vegna ímyndað yður, hvað glaður ég varð, þegar ég sá
skrift yðar á bréfinu í morgun. Það var fjarskalega vel gert
af yður að skrifa mér. Ég mun áreiðanlega heimsækja yður,
eins og þér eruð svo væn að bjóða mér, ef ég verð nokkurn
tíma á sömu slóðum og þér. Ég vona bara, að þér hafið þá
ekki alveg gleymt unga manninum frammi við dyrnar. .
Ég á að fara til Burma. Þar fæ ég starf til reynslu. Ég verð
í litlu þorpi, Myosein, og ég er hræddur uin, að nokkur ár
líði, þar til ég kem aftur til Indlands. Ég er stórhrifinn af að
vita, að yfirboðari minn verður Cambridgemaður eins og ég.
Það eru meira að segja nokkrir menn frá mínu skólafélagi I
Cambridge, St. John, þarna í Burma. Það verður áreiðanlega til
stórra bóta fyrir mig, því að ég er eins og stendur haldinn tölu-
verðri þrá eftir Vesturlöndum. Ég hefði líka gjarnan viljað
byrja að starfa fyrir þjóð mína hérna heima í Indlandi. Hér
er svo margt, sem gera þarf, svo geysimikið, sem þarf að
kenna fólkinu. En Burmabúar eru að minnsta kosti skyldir
mér, þótt ef til vill geti þeir varla kallast bræður mínir. Samt
er ég enn alls ófróður um hagi og siðvenjur þessara frænda
minna.
Það er dýrlegt að standa á þröskuldi lífsins og byrja að
vinna á þessum glæsilegu tímum, þegar allt er í svo örri fram-
för og lífið hefur upp á svo mikla möguleika að bjóða.