Skinfaxi - 01.08.1970, Blaðsíða 13

ERINDREKSTUR UMFÍ
Heimsókn til Norðvesturlands
í byrjun september fóru þrír stjórn-
armenn UMFÍ ásamt framkvæmda-
stjóra samtakanna í erindrekstursferða-
lag til Vestur- og Norðvesturlandsins, en
sum héraðssambandanna á þessum slóð-
um hafa starfað lítið eða ekkert undan-
farið.
Þeir, sem fóru þessa ferð, voru: ITaf-
steinn Þorvaldsson, formaður UMFI;
Gunnar Sveinsson, gjaldkeri; Sigurður
Guðmundsson, ritari og Sigurður Geir-
dal, framkvæmdastjóri. Það er ekki oft,
sem hægt er að koma við svo fjölmenn-
um erindrekstri, en með þessum heim-
sóknum vildi stjórn UMFÍ leggja áherzlu
á þá stefnu sína að ná sem beztu sam-
bandi og samvinnu við ungmennafélaga
í öllum landshlutum, og ekki sízt þá,
sem orðið hafa viðskila eða átt hafa í
erfiðleikum af ýmsum ástæðum undan-
farin ár.
Farið var um félagssvæði eftirtalinna
héraðssambanda: Ungmennasambands
Norður-Breiðfirðinga, Ungmenna- og
íþróttasambands Vestur-Barðastrandar-
sýslu, Héraðssambands Vestur-ísfirðinga,
Héraðssambands Strandamanna og Ung-
mennasambands Dalamanna. Stjórnin
undirbjó för sína vandlega og lagði
áherzlu á, að hægt yrði að hitta sem
flesta af forystumönnum félaganna á
viðkomandi stöðum. Einnig hafði Sig-
urður Geirdal tekið saman upplýsingar
um félagslega stöðu og viðfangsefni á
hverjum stað. Þá höfðu heimamenn
verið hvattir til að annast undirbúning
heima fyrir þanriig að allir gætu haft
sem mest gagn af þessum heimsóknum.
Ekki þarf að orðlengja það, að þessi
ferð var hin gagnlegasta fyrir alla aðila.
Skipst var á skoðunum og vandamálin
rædd í bróðerni og hreinskilni, og sterkar
vonir standa til þess að starf samtak-
anna á þessum slóðum eflist á næstunni,
en sums staðar hefur það reyndar ver-
ið með ágætum, eins og síðar verður
vikið að. Skal nú ferðasaga þeirra fjór-
menninganna rakin nokkuð nánar sam-
kvæmt upplýsingum, sem Skinfaxi afl-
aði sér hjá Sigurði Geirdal.
Fruinstæð' íþróttamannvirki víð'a um land
vitna um crfiöar aðstæður, sem löngum hafa
háð íþróttaiökunum hér á landi. Myndin sýnir
sundlaug, sem Umf. Örn á Bíldudal byggði
og nota'ði um árabil (Ljósm.: Sig. Geirdal).
SKINFAXI
13