Skinfaxi - 01.08.1970, Qupperneq 23

Einstaklingskeppni í borðtennis. Dómarinn
situr í 2VÉ—3ja metra fjarlægð frá borðinu.
Leikurinn er í því fólginn að slá knött-
inn fram og aftur yfir netið á borðshelm-
ing mótherjans. Auðvitað er reynt eftir
megni að slá knöttinn þannig á borðs-
helming mótherjans að hann geti ekki
sent knöttinn rétt til baka. Til þess eru
notaðir spaðar, kallaðir borðtennisspað-
ar, sem geta verið ýmisskonar og af
margvíslegri lögun. Þeir eru almennt
taldir beztir, sem eru með einföldu nabb-
gúmmíi öðrum megin eða hinum meg-
in með svampgúmmíi undir nabbgúmmí-
inu. Allmargar tegundir af spöðum eru
til hér á landi, sænskir frá „Stiga“,
franskir, enskir o.fl. Flestar tegundir eru
allgóðar og nokkrar mjög góðar, en hvað
bezt sé fyrir hvern og einn, er erfitt að
segja neitt um, því það fer að mestu eftir
því hvað leikmaðurinn venur sig á.
Beztu spaðarnir kosta nokkur hundruð
krónur, en hægt er að fá mjög ódýra
spaða með gúnnníi, eða allt niður í 65
kr. spaða. Spaðar með sandpappír eða
ófóðruðu tré öðru megin eða beggja
vegna má ennþá sjá, en þeir eru af teg-
und síðan fyrir aldamót. Slíka spaða ætti
enginn að venja sig á að nota, því með
þeim er nærri ómögulegt að koma snún-
ingi á knöttinn og því erfitt að stjóma
honum í leiknum.
Æfinga- og keppnisfatnaður er ekki
fjölbreytilegur og því hlutfallslega ódýr.
Stuttbuxur og hálferma félagsskyrta,
íþróttabindi, sokkar, skór og handklæði
er raunverulega það, sem nauðsynlegt er
að hafa. Nauðsynlegt er að hafa hand-
klæðið með sér inn í æfingasalinn, ])ví
sá, sem æfir af alúð og leggur sig fram
á æfingunni, þarf að nota það til þess að
þurrka svitann úr hendi sér og andliti.
Bezt er að nota ekki hvít æfingaföt eða
mjög ljós, því þeir litir geta gert mót-
herjanum ótrúlega erfitt að greina hinn
hvíta knött í slaginu. Gott getur verið að
eiga æfingagalla og nota, ef mjög kalt er
í æfingasalnum.
Það á við borðtennisinn, eins og allar
aðrar íþróttagreinar, að bezt er að und-
irstöðuatriðin séu lærð vel strax í upphafi
og allar reglur leiksins. Því ætti það að
vera eitt af því fyrsta, sem hver nýr leik-
maður gerir, að kaupa sér eitt eintak af
leikreglum ISI í borðtennis, sem hafa
verið gefnar út í þýðingu Stefáns Krist-
jánssonar. Þar má lesa allar þær reglur,
Svona getur farið fyrir þeim, sem byrja að
fást við íþróttina, án þess að hafa kynnt sér
leikreglurnar.
SKINFAXI
23