Skinfaxi - 01.08.1996, Blaðsíða 9

framkvæmdir og hljóðið er orðið miklu
jákvæðara en það var til að byrja með.
Um leið og almenningur sér t.d. bara
hlaupabrautirnar í kringum völlinn og
hvað allt verður fallegt þegar þessu er
lokið sætir hann sig betur við þetta.
Umræðan var hins vegar mjög heilbrigð
og það voru að sjálfsögðu ekki allir sáttir
við að leggja alla þessa peninga í
framkvæmdirnar en svo er tekin
ákvörðun og þá stendur fólk bara að
baki og reynir að gera það besta úr því.
Ef við tökum þessa umræðu aftur upp
eftir svona þrjú ár er ég alveg viss urn
að það verður enginn ósáttur við þessa
ákvörðun."
En er nauðsynlegt fyrir svona lítið
bæjarfélag að skarta þessum
aðstæðum?
„Það má auðvitað alltaf deila um það
en ef við ætlum að fara að stjórna því
hvar svona aðstæður eiga að byggjast
upp verður alltaf hægt að rífast um besta
staðinn. Hvert bæjarfélag fyrir sig
verður bara að ákveða mikilvægi þess að
hafa góðar íþróttaaðstæður og það er
ekkert hægt að segja við eitthvað
bæjarfélag að af því það er svo fámennt
megi það ekki byggja stóra sundlaug eða
fullkominn frjálsíþróttavöll. Við búum
líka við það að það er stutt frá Reykjavík
og tiltölulega stutt vestan af nesi og að
norðan þannig að staðsetning er mjög
góð fyrir þessa aðstöðu og ég er alveg
viss um að þetta á eftir að verða mikið
notað."
Nú verður sú breyting á að það
verður ókeypis fyrir áhorfendur á
Landsmótið, áttu von á því að miklu
fleiri sæki mótið en tíðkast hefur?
„Við höfum
nú velt þessu
mikið fyrir
okkur en ég
held að við
verðum bara
að bíða og sjá
hvað gerist.
Ég er alveg
viss um að það
verður mikið
rennsli í gegn
en svo skiptir
veðrið
auðvitað öllu
hvort fólk
stoppar lengi
eða stutt."
Að lokum,
heldur þú að
auðvelt verði
að fá fólk til
að starfa í
sjálfboðavinnu
fyrir Landsmótið?
„Ég held það og það var nú bara síðast
í morgun að ég rakst á brottflutta konu
sem í heimsókn í sveitinni og hún sagðist
ætla að koma og vinna með okkur á
mótinu. Ég held að almennt reikni fólk
bara með því að vera í vinnu hérna
meðan á mótinu stendur."
Stjórnarmenn UMFI komu í heimsókn og skoöuöu meöal annars nýju
hlaupabrautina á Skallagrímsvelli.
i
Jafnrétti
í húsnæðismálum
Hlutverk okkar er meðal annars að stuðla að
□
1
jafnrétti í húsnœðismálum og auka möguleika fólks á
að eignast eða leigja húsnæði á viðráðanlegum kjörum.
Þetta er eitt af þeim markmiðum sem
Húsnœðisstofnun starfar að. Þess vegna er *
hún ein af velferðarstofnunum þjóðfélagsins. HUSNÆÐISSTOFNUN RIKISINS
- vinnur að velferð í þágu þjóðar
HÚSNÆÐISSTOFNUN RÍKISINS • SUÐURLANDSBRAUT 24 • 108 REYKJAVÍK • SÍMI: 569 6900 • BRÉFASÍMI: 568 9422 • GRÆNT NÚMER: 800 6969
9
UMFÍ
Skinfaxi