Skinfaxi - 01.08.1996, Blaðsíða 24
Það þýðir að það má
ekkert gera, það er
ekkert gertog verður
ekkert aert
m
áður en það kernur
endalega í ljós hvar
hún muni lenda og þá
er það líka spurning
hvað hún muni velja.
Hún á eftir að æfa
heilan helling til að
átta sig sjálf á því og
þótt grindin sé ofan á í
dag þarf það ekki að
vera nein endanleg
grein.
Nú kepptir þú fyrir
KR og ólst upp
hinum megin á land-
inu, hvernig kemur
það til að þú endar
hér á Egilsstöðum?
Hreinn: Konan mín er
frá Reyðarfirði og hún
er ástæða þess að við
flytjum hingað austur.
Hvenær flytjið þið
hingað?
Hreinn: Það var árið
1982 sem við fluttum
hingað.
Hefur þú eitthvað
verið við þjálfun eftir
að þú fluttir hingað?
Hreinn: Ekki neitt að
ráði. Ég hef eiginlega
engan áhuga á að
segja mikið til nema
þeim sem hafa
virkilegan áhuga og
nenna að leggja mikið
á sig. Ég nenni ekki
að fara út í það að
segja einhverjum til
sem svo gleyma því um leið.
Hvernig finnst ykkur staðið að íþrótta-
málum hérna hjá UIA?
Hreinn: Á ég að svara þessu fyrst?
Þú mátt það.
Hreinn: Mín skoðun er sú að almennt er
staðið illa að þessum málum hér í dag þó
að aðrir komi til með að segja það er fínt
hjá mér. Uppbygging UÍA er léleg í
frjálsum íþróttum.
Ert þú sammála pabba þínum?
Lovísa: Það hefur enginn áhuga á
þessu...
Hreinn: Þetta er staða mála í dag og
þarna eru peningar auðvitað hluti af
þessu máli en hitt er annað að það er
barátta á milli íþróttagreina. Það má
koma fram að stjórn UÍA undanfarin ár
hefur haldið illa að málum varðandi
frjálsíþróttirnar. Það má hreinlega ekki,
nú er ég farinn að tala um hlut sem
kemur illa við marga en það er allt í lagi,
falla í einhverja meðalmennsku. Það er
meðalmennskan sem ræður ríkjurn í dag
og þá á ég við að sama gangi yfir allar
greinar sem aldrei gengur upp. Það
þýðir að það má ekkert gera, það er
ekkert gert og verður ekkert gert nema
það sé afgerandi stefna í hverri grein
fyrir sig.
Lovísa: Undanfarið höfum við þurft að
gera allt sjálf og jafnvel skrá okkur sjálf á
mót. Það er líka erfitt að fá peninga fyrir
ferðum og þess háttar en við látum þá...
Hreinn: Við skulum nú bara segja að
það sé greitt í algjöru lágmarki.
Hvernig er aðstaðan fyrir íþróttafólk
hér á Egilsstöðum?
Hreinn: Innanhússaðstaðan er að verða
góð. Það er komin hér ný sundlaug, nýtt
íþróttahús kemur vonandi í gagnið
næsta haust og þá verður innanhúss-
aðstaða með því betra sem þekkist á
landinu. Þá komum við að utan-
hússaðstöðunni og hún er ágæt svo langt
sem hún nær miðað við gamaldags
aðstæður, en miðað við nútímann er hún
langt á eftir áætlun.
Lovísa: Það eru nú t.d. engar grindur
nema þær sem við höfum límt saman
með límbandi. Vallarvörðurinn er
fótboltasinnaður og hugsar lítið um...
Hreinn: Það má kannski segja það
þannig að það fer mikið eftir því hvað
knattspyrnuáhugamenn gera, þar er góð
starfsemi og það er af hinu góða. En
menn verða líka að
sjá það að það eru
til fleiri greinar en
þá komum við
aftur að þessu
heildarskipulagi
sem ég var að tala
um áðan þar sem
ég sagði að það
þyrfti að sjá
framúr öllum
greinum. Það er
ekki nægilega vel
gert í dag og ég
ætla ekki að kenna
neinum sérstökum
um það en svona
er staðan í dag.
íþróttavöllurinn er
í umsjón
knattspyrnunnar
og það vill
stundum verða á
kostnað
frjálsíþróttanna.
Nú er
samkeppnin orðin
mikil milli
íþróttagreina og
æfingagjöld fyrir
foreldra verða
ávallt hærri, er
þetta af hinu góða
eða slæma?
Hreinn: Það
verður aldrei til
góða að mínu mati
að krakkar séu á
fullu í of mörgum
íþróttagreinum.
Nú er hins vegar að fara af stað hér
innanhúss íþróttaskóli fyrir krakka 11 ára
og yngri þar sem þeir fara bara í þennan
skóla - engar aðrar æfingar - og borga
bara eitt gjald en fá að kynnast öllum
íþróttagreinum. Ég Iield að það sé
framtíðin að það þurfi ekki að greiða
nema eitt gjald inn í félagið og þá um
leið fá leyfi til að æfa hvaða grein sem er
eins og efni standa til.
Lovísa: Það var t.d. í fótboltanum í
sumar æft fimm sinnum í viku svo
krakkarnir sem æfðu þar höfðu lítinn
tíma fyrir aðrar íþróttir.
En á hvaða aldri telur þú að unglingur
þurfi að velja sér íþróttagrein til að
einblína á ef hann ætlar að ná langt í
henni?
Hreinn: Horfðu á mig, hversu gamall
var ég?
Þú ert nú kannski undantekning þar
sem þú byrjar ekki fyrr en 19 ára
gamall.
Hreinn: Ég held að krakkar eigi að
kynnast sem flestum íþróttum en í
kringum fermingu gætu þeir svo farið að
velja - það er óþarfi fyrr. •
24
Skinfaxi
UMFÍ