Skinfaxi - 01.08.1996, Blaðsíða 43

Allir þekkja orðið hinn 28 ára gamla hlaupara
Michael Johnson en hann sló svo sannarlega í gegn á
Olympíuleikunum í Atlanta. Það vita hins vegar
færri að Johnson hafði lítinn áhuga á því að verða
hlaupari og þegar hann var barn í skóla í Texas lagði
hann mikið kapp á námið og stundaði engar íþróttir.
Þegar í háskóla kom ætlaði hann að verða
viðskiptafræðingur en þjálfari hlaupaliðs skólans sá
að þarna var á ferðinni mikið efni. Árið 1995 varð
Johnson svo fyrsti einstaklingurinn til að vinna 200 og
400 metra hlaup á heimsmeistaramóti. Árangur hans
á Olympíuleikunum í Atlanta þekkja allir en það
verður gaman að fylgjast með þessum ótrúlega
íþróttamanni í framtíðinni.
Monica Seles var besta tennis-
kona lieims árið 1993 en þá stakk
áhorfandi hana í bakið þegar hún
var við keppni í Þýskalandi. Hún
er nú komin á fullt að nýju en
hún vann t.d. 11 fyrstu leikina
sína eftir að hún sneri aftur.
Tom Dolan er astmaveikur en hann hefur ekki látið
það hindra sig því í dag er hann einn besti sund-
maður heims. Tom er aðeins tvítugur og á sér önnur
áhugamál en sund því hann semur lög og syngur fyrir
Iuktum dyrum.
Á Ólympfuleikunum árið 1972
sló Olga Korbut eftirminnilega í
gegn. Hún var kannski ekki
besta fimleikakona heims en hún
er frægust fyrir afturábakstökk
sitt á jafnvægisslánni. Olga
eignaðist aðdáendur út um allan
heim og er dag ein þekktasta
fimleikakona heims.
gerszegi
Þrátt fyrir að vera aðeins 21 árs gömul tók Krisztina Egerszegi þátt á
Ólympíuleikunum í þriðja sinn nú í sumar. Árið 1988 varð Krisztina
yngsti sundmaður sem unnið hefur gull á Olympíuleikunum en hún var
þá aðeins 14 ára gömul. Fjórum árum seinna vann hún til þrennra
gullverðlauna en hún á einnig heimsmet í 200 metra baksundi kvenna.
UMFÍ
Skinfaxi
43