Skinfaxi - 01.08.1996, Blaðsíða 28

Einar Már segir þaö nauösyniegt aö hafa einhver áhugamál og sér
ekkert sem hindrar þaö aö hann haldi áfram sem formaöur UIA.
Hvenær tókst þú við sem formaður UÍ A og hvernig kom
það til?
„Það er rúmt ár síðan og ef ég á að setja dagsetningu þá var
það 1. maí 1995 hlýtur að vera. Hvernig kom það til - váá - á
ég að fara að reka það í smáatriðum? Ég hef haft takmarka-
lausan áhuga fyrir þessu og ég var svona óvenjulega mikið á
lausu og þá aðallega þar sem ég var í pólitísku orlofi. Þess var
farið á leit við mig að ég tæki þetta að mér en fyrst fannst mér
það býsna sérkennileg beiðni. En þegar ég fór að íhuga þetta
nánar sá ég að þetta starf féll afskaplega vel að áhuga mínum á
því að starfa á þessu sviði og ef ég sá leið til að leggja eitthvað
örlítið á þær vogarskálar fannst mér það sjálfsagt mál. Það
endaði svo á því að samstaða var um það á þinginu að ég tæki
við formennskunni og eftir að það var ljóst átti ég enga
undankomuleið.
Það kom líka inn í þessa ákvörðun mína að það voru
fjárhagsörðugleikar hjá sambandinu, menn höfðu áhyggjur af
því og í skúmaskotum fóru að heyrast raddir um úrsagnir svo
það var því ákveðið verkefni að halda saman aflinu í stað þess
að fara að dreifa þessum kröftum.
Ég tel að menn hafi kannski litið til mín þar sem ég þekki
töluvert inn á sveitarstjórnargeirann og hef starfað þar. Ég
hafði þekkingu á svæðinu og það gæti auðveldað þá vinnu að
njóta góðvildar þar sem á því þyrfti að halda. Það má segja að
þetta hafi allt gengið vonum framar frá því ég tók við en að
vísu hef ég ekki náð lendingu í samskiptum íþrótta-
hreyfingarinnar og sveitarfélaganna. Þar hef ég haft ákveðnar
skoðanir sem ég vona að nái í gegn hjá héraðsnefnd í næsta
mánuði. Hún er sú að í stað þess að hvert sveitarfélag sé að
styrkja sín félög og eins UÍA þá yrði það þannig að héraðs-
nefndin sæi um styrkina til UÍA og hvert sveitarfélag sæi svo
um sitt íþróttafélag. Mér finnst það ómögulegt að UIA sé í
samkeppni við íþróttafélögin inni í sveitarstjórnunum og ég
veit að menn líta á þetta sem einn pakka og það er það sama
einbeiti sér að öðrum markaði en íþróttafélögin.
pólitísku orlofi
Ertu ánægður með starfsemina hjá UÍA undanfarin ár?
„Já, ég held að maður verði að vera það en auðvitað er alltaf
hægt að gera betur. Á ákveðnunr sviðum væri eflaust hægt að
bæta árangurinn og má þar t.d. nefna að fyrir nokkrum árum
áttum við afreksfólk í frjálsum íþróttum sem við höfum
kannski ekki í dag en aftur á móti eigum við íslandsmeistara í
blaki kvenna og fleiri íslandsmeistaratitla hjá yngri iðkendum
og því kannski erfitt að kvarta. Aðstæður eru líka alltaf að
breytast og því erfitt að bera sarnan það sem gerist í ár við það
sem gerðist fyrir tíu árum. Ég held hins vegar að aðalmarkmið
okkar sé að efla félagsstarfið en þar held ég að séu helstu
vandamálin. Ég er hins vegar ekki að segja að það sé bara hjá
okkur því þetta er vandamál hjá allri íþróttahreyfingunni. Við
samþykktum það t.d. á síðasta þingi að það yrði átak gert í
þessum málum á næstu árum og við vonum að það skili sér
svo í auknu afreksfólki. Við þurfum svo líka að standa saman
með öðrum aðilum að ákveðnu forvarnarstarfi gegn
fíkniefnum og öðru slíku.
Nú náði KVA, sameinað lið Vals og Austra, að komast upp
úr 4. deildinni í knattspyrnu en Höttur féll niður. Er ekki
kominn tími á viðameiri sameiningu í flokkaíþróttum hér á
Austurlandi?
„Ég held að það sé alltaf eitthvað að gerast í þeim málurn og
smærri félög hafa verið að sameinast og það hefur líka gerst í
frjálsum. Ég held að það þurfi að hugsa þetta mál mjög
alvarlega og ekki stefna að því að vera með nokkur lið í 3.
deild heldur eitt gott lið í 1. eða 2. deild. Það hlýtur að vera
eðlilegt að við reynurn að finna lausnir til að eignast fleiri lið
sem geta komist á meðal þeirra bestu á landinu. Það verður
líka gaman að fylgjast með þeirri þróun sem verður þegar nýja
aðstaðan verður komin upp hérna og hægt verður að fara að
stunda handknattleik, hver veit nema þar verði eitt öflugt lið."
Nú haldið þið Landsmótið árið 2001, eru allar aðstæður hér
í lagi eða þarf mikið að laga?
„Bæjaryfirvöld á Egilsstöðum voru komin með áætlun í
uppbyggingu íþróttamannvirkja hér og það fellur alveg
ótrúlega vel inn í þann undirbúning sem við þurfum að gera
fyrir Landsmótið. Þeir eru byrjaðir á viðbyggingu við
íþróttahúsið, búnir með sundlaugina, ætla sér að fara í
endurbætur við umhverfið hér við íþróttaleikvanginn, svo er
hér í nágrenninu golfvöllur og skeiðvöllur og því held ég að
við höfum allar aðstæður nema tartan í hlaupabrautum.
Landsmótið er nú 2001 og við þurfum því kannski ekki að
örvænta strax en bæjaryfirvöld höfðu þann fyrirvara að þau
ábyrgðust ekki tartanbraut og það hefur aldrei verið falið. Það
er hins vegar ýmislegt í gangi og okkur finnst ekkert óeðlilegt
að ríkisvaldið getið komið hér inní og tryggt einn slíkan
leikvang í hverjum landsfjórðungi. Maður á nú ekkert að vera
að tala um Laugarvatn og annað þess háttar og því best að
sleppa því."
Nú ert þú byrjaður í nýju starfi, hefur þú tíma til að halda
formennsku í UIA áfram?
„Það verður nú framtíðin að leiða í ljós en ég held að það sé
öllum mönnum hollt að hafa einhver áhugamál fyrir utan
vinnuna. Ég sé ekkert í dag sem kemur í veg fyrir að ég haldi
áfram en það er líka töluverður tími í næsta aðalfund svo við
skulum nú ekki vera að velta okkur neitt mikið upp úr því." •
28 SKINFAXI
Skinfaxi
UMFÍ