Skinfaxi - 01.08.1996, Blaðsíða 34

Sjúkraþjálfun
Núna vitum við nákvœmlega hvar einstaklingur er staddur íþjálfun og
þetta tœki er nauðsynlegt fyrir afreksfólk í íþróttum.
tæki fyrir afreksfólk
Sjúkraþjálfun Reykjavíkur tók nýlega til
notkunar nýja tölvu sem mælir vöðvastyrk.
Tölvan hefur lengi verið notuð erlendis og
þykir þar ómissandi td. við uppbyggingu
afreksmanna og við endurhæfingu. I dag
eru menn að kynnast þessarí nýjung hér á
landi en knattspyrnulið KR og handboltalið
Gróttu þjálfa sig nú í fyrsta sinn
samkvæmt niðurstöðum tölvunnar. Við hjá
Skinfaxa kíktum í heimsókn til Gauta
Grétarssonar hjá Sjúkraþjálfun Reykjavíkur
og forvitnuðumst um þessa nýjung á
íslenskum markaði.
Hvenær hóf Sjúkraþjálfun Reykjavíkur sinn rekstur?
Við byrjuðum vorið 1988 og vorum þá eingöngu í sjúkra-
þjálfun og endurhæfingu. Seinni árin höfum við einnig farið út
í það að aðstoða íþróttafólk og trimmara í því að mæla úthald,
búa til áætlun og höfum verið með svokallaða fjarþjálfun þar
sem fólk kemur hingað í
mælingar. Við gefum því
áætlun og mælingar en fólk
heldur svo áfram að þjálfa sig
sjálft. Síðan erum við
auðvitað með endurhæfingar-
þáttinn þar sem við tökum
fólk sem lent hefur í slysum
eða er með vöðvabólgu,
bakverki eða annað þess
háttar og þjálfum það upp.
Það sem mér hefur alltaf
fundist vanta í endurhæfingu
er að fá fleiri mælanlegar
staðreyndir. Maður getur
mælt liðleika og úthald og
þess vegna fórum við í það
núna að kaupa tæki þar sem hægt er að mæla kraft. Það er
mjög mikilvægt í allri þjálfun að vita hvað er að þegar
kraftminnkun hefur orðið og geta borið saman heilbrigðan
útlim við þann sem hefur orðið fyrir einhverjum áverka. Það
er nauðsynlegt að geta vitað nákvæmlega hvar viðkomandi er
staddur og mæla svo framfarirnar sem hann tekur í
þjálfuninni. Nú sjáum við nákvæmlega hvar viðkomandi er
staddur og hve rnikið vantar uppá en fólk áttar sig oft ekki á
því hvað rýrnunin er orðin mikil. Einstaklingur meiðir sig
kannski í öxl eða olnboga eða
baki eða fótlegg og nú
getum við séð miklu betur
hvað þarf að laga og hvar
hver og einn þarf sérstaka
athygli. Aður var þetta allt
bara áætlað með því að setja
höndina á móti og svo var
þetta bara einhver óþekkt
stærð en nú getum við séð
nákvæmlega með
tölvumælingum hvað
vantar uppá. Þetta er mjög
nákvæm greining og svo er
hægt að þjálfa út frá
niðurstöðunni sem
greiningin gefur.
Þessi tölvumæling er mikið notuð erlendis í sambandi við
sjúklinga- og örorkumat og annað slíkt. Hérna er þetta alveg
óplægður akur og fólk hefur ekki alveg áttað sig á því hvað
hægt er að gera með þessari tækni.
Við sáum til dœmis í
mœlingunum hjá KR-ingunum
fyrír sumaríð að það var
mikið ósamrœmi á milli
vöðvahópa
34
Skinfaxi
UMFÍ