Skinfaxi - 01.04.2001, Blaðsíða 10
LOGI GUNNARSSON KÖRFUKNATTLEIKSMAÐUR
„Ég man vel eftir Landsmótinu í Borganesi. Friðrik Ingi Rúnarsson þjálfari
Njarðvíkur komst ekki og því þurfti pabbi (Gunnar Þorvarðarson) að stjórna liðinu
í mótinu og að sjálfsögðu leyfði hann mér að spila með. Ég spilað meira að segja
nokkuð mikið og við unnum titilinn með glæsibrag eftir úrslitaleik við Grindavík.
Þetta var í fyrsta og eina skiptið sem ég hef farið á Landsmót."
Og þú hefur skemmt þér vel?
„Já, þetta var voðalega gaman. Það er ekki jafn mikil keppni á Landsmótinu og
þegar leikið er á íslandsmótinu. Ég man að menn höfðu fyrst og fremst gaman af
þessu en auðvitað var lagt upp með sigur. Ég náði þó ekki að upplifa þessa ekta
Landsmótsstemmingu því ég var með fjölskyldunni í sumarbústað rétt fyrir utan
Borganes og var því lítið á svæðinu nema þegar við spiluðum."
Mega landsmótsgestir á Egilsstööum eiga von á aö sjá Loga
Gunnarsson spila meö Njarövík á mótinu?
„Já, ég hef trú á því. Það er búið að skrá mig og mig langar til að koma. Ég verð
reyndar í fríi erlendis vikuna fyrir Landsmótið, kem á miðvikudag fyrir
Landsmótshelgina þannig að ég hef varla tíma til að taka upp úr töskunum. Það
er vonandi að ég komist og ég hlakka þá til að upplifa stemmninguna. Ég horfi
meira á þetta sem skemmtum en alvöru þrátt fyrir að við eigum titil að verja. Það
veröur líka spennandi að koma á Egilsstaði en ég hef bara einu sinni komið
þangað áður."
Hvaö finnst þér mest heillandi viö Landsmótiö?
„Það sem mér finnst mest heillandi við Landsmótin er að þarna koma saman öll
ungmennafélög landsins til að etja kappi sín á milli. Þá gefur þetta mönnum mikið
félagslega og mér skilst að stemmningin sé alltaf góð. Þetta eru hálfgerðir
Ólympíuleikar íslands og ég ætla að njóta þess að taka þátt í þeim ef ég kemst."
Eru einhverjar aðrar greinar en körfuboltinn sem þú ætlar aö
fylgjast meö á mótinu?
„Já, ég hef trú á því. Þegar ég var á Smáþjóðarleikunum í síðasta mánuði þá
fylgdist ég aðeins með íslendingum sem kepptu í öðrum greinum. Mér þótt það
mjög gaman og ég á því von á að ég fylgist með Njarðvíkingum sem taka þátt I
mótinu óháð því í hvaða grein þeir taka þátt í."
Ef viö snúum okkur aö körfuboltanum í vetur þá veröur
sjálfsagt ekki skemmtilegt aö glíma viö ykkur á Landsmótinu
eftir frábæran árangur á íslandsmótinu þar sem þiö uröur
íslandsmeistarar meö glæsibrag. Áttir þú von á þessum
árangri íuppafi móts?
„Já, við vissum strax í upphafi að við værum með sterkt lið og þess vegna
stefndum við á alla titla sem í boði voru fyrir mót. Við náðum reyndar ekki að fylgja
því eftir og duttum út úr Kjörísbikarnum og Bikarkeppninni. Eftir þessa lægð
ákváðum við að taka okkur á og leggja allt I sölurnar. Það gekk eftir og við náðum
þeim titlum sem eftir voru þ.e. Deildar- og íslandsmeistaratitli.”
Veröiö þiö meö öflugt liö?
„Já, ég á von á því. Samkvæmt leikmannalistanum sem við sendum þá verðum
við með ágætislið og ættum að eiga góða möguleika að verja titilinn."
Þið unnuð úrslitakeppnina nokkuö sannfærandi. Kom þaö þér
á óvart hversu létt þið fóruö í gegnum úrslitakeppnina?
„Nei, en í rauninni var þetta ekki eins lét og úrslitin gefa til kynna. Við lentum t.d.
í tveimur mjög jöfnum og erfiðum leikjum á móti KR. En það sýndi kannski best
styrk okkar að við náðum að innbyrða sigur í báðum leikjunum. Við höfðum
óbilandi trú á okkur og sjálfstraustið var I botni. Það gekk því allt eftir og boltinn
rúllaði fyrir okkur. Við vorum því vissir um allan tímann að við ættum eftir að
hampa íslandsmeistaratitlinum."
Þaö hefur löngum veriö sagt aö heimavöllur körfuboltans sé
á Suöurnesjum enda koma þrjú sterk lið þaðan þ.e. Grindavík
og Keflavík ásamt ykkur. En eru þiö risinn á Suöurnesjum?
„Já, það er engin spurning. Við höfum unnið flesta titlana."
Er ekki mikill rígur á milli félaganna?
„Jú, það er rosalegur rígur og sérstaklega á milli okkar og Keflavík. Það er
hálfgert "hatur" á milli félaganna. Þetta eru stærstu leikirnir á tímabilinu og manni
leiðist aldrei að vinna þá. Það er svo skrýtið við þessa leiki að leikmenn sem eru
ávallt vanir að gefa sig alla í hvern einasta leik virðast alltaf eiga einhvern
aukakraft þegar spilað er á móti Keflavík."
Fara menn þá í felur þegar þeir tapa fyrir Keflavík?
„Nei, ég segi það nú ekki. Maður reynir að halda haus þótt orrahríðin frá
bæjarbúum gangi yfir mann."
Njarövík hefur hampaö mörgum titlum á undanförnum árum.
Hver er lykillinn af þessari velgengni liösins?
„Ég held að þaö sé hefðin á bak við félagið. Yngsta kynslóðin í Njarðvík elst upp
við það að horfa á liðið vinna titla ár eftir ár og sjá hvað leikmenn hafa gaman af
leiknum. Ég man það t.d. þegar ég var yngri þá fylgdist ég vel með liðinu og
maður átti sína uppáhldsleikmenn t.d. var Teitur Örlygsson algjört goð í mínum
augum. Ég lét mig ekki vanta á leik og ég sá liðið sópa til sín titlunum. Það eina
sem ég hugsaði um var að svona ætlaði ég að gera þegar ég yrði stór. Þetta er
einmitt hugsunarhátturinn hérna i Njarðvík, titlar er það eina sem menn stefna
á."
Nú er Teitur aö þjálfa þig í dag. Er hann enn sama goðið í
þínum huga?
„Já, ég ber jafn mikla virðingu fyrir honum í dag og þá. Ég er enn með
eiginhandaráritun frá honum upp á vegg heima hjá mér sem ég fékk þegar ég var
10 ára. Mér líður mjög vel í dag þegar hann er með boltann í leikjum."
Þú ert 19 ára en orðinn besti leikmaöur liösins í dag og í miklu
ábyrgöarhlutverki. Finnst þér ekkert erfitt aö höndla þessa á
ábyrgö svona ungur aö árum?
„Nei, aldurinn skiptir ekki miklu máli þegar þú ert kominn í svona mikla keppni.
10