Skinfaxi - 01.04.2001, Blaðsíða 46
Danspariö Helga Dögg og ísak
tekin inn í úrslitin sem maður veit að hafa
verið að dansa verr en við," segir ísak.
Skiptir þá miklu máli að hafa þjálfara
víðsvegar um heiminn?
,,Já, það getur gert það. Það eru mörg
danspör sem reyna að fá kennslustund hjá
sem flestum þjálfunum til að kynnast þeim.
En þrátt fyrir pólitíkina getur það líka verið
slæmt fyrir þig að flakka svona á milli
þjálfara því hver þjálfari hefur sinn stíl og
útfærslurnar geta því verið fjölbreyttar.
Þetta getur gert dansparinu erfitt um vik,"
segir ísak
Eru þið sátt við árangurinn sem þið
náðuð í Köbiens?
,,Já, ég verð að viðurkenna það en
vissulega hefðum við viljað gera betur. Það
voru tvö pör fyrir ofan okkur sem við höfum
unnið á mótum en þau hafa einnig unnið
okkur þannig að við erum mjög sátt við
árangurinn á mótinu," segir Helga.
Ef það væri engin pólitík hjá dómur-
unum. Gætuð þiö þá staðiö framar en
þiö gerið í dag?
„Ég veit það ekki. Mér fannst pólitíkin ekki
ráða ferðinni í Köblens þannig að hún kom
ekki í veg fyrir að við næðum lengra," segir
Helga.
Hvað þýðir þaö fyrir ykkur að lenda í 8-
10 sæti á Heimsmeistaramótinu?
„Það verður náttúrlega tekið betur eftir
okkur. En það er enginn styrkleikalisti í
okkar aldursflokki og með tilliti til þess þá
hefur það lítil áhrif. Maður byrjar alltaf upp á
nýtt í hverju móti. En um áramótin förum við
síðan upp í efsta flokk þ.e. 19 ára og eldri
og þar er styrkleikalisti sem gildir. Þá skiptir
miklu máli að vinna sig upp listann og vera
ofarlega því þá eigum við
möguleika á styrkjum og ekki
veitir af þar sem það er mjög
dýrt að stunda dansinn,"
segir ísak og Helga bætir við.
,,Það eru aðallega ferðirnar
erlendis, gisting, þjálfarar og
svo kjólarnir sem vega þungt.
En ég þarf að eiga nokkra
kjóla til skiptanna og þeir geta
kostað allt upp í 100.000 kr.
hver."
Er þá ekki eina ráðið að
gera dansinn aö atvinnu
ykkar - aö fá borgað fyrir að
dansa?
„Auðvitað væri það gaman
en við eru kannski ekki alveg
kominn með hugann við það.
Það er mikil atvinumennska
erlendis og ágætis peningar í
þessu, en maður verður að
vera mjög góður til að komast
alla leið. Ég á tvö ár eftir í skólanum, en ég
stunda nám í MK og Helga er að byrja á
öðru ári í Versló í haust og við viljum klára
skólann fyrst áður en við förum að velta
þessu alvarlega fyrir okkur," segir ísak
Þótt þiö standið framarlega í dansinum í
dag hafið þið sjálfsagt átt ykkar slæmu
daga líka. Hvernig bregðist þið við ef
einn dans gengur ekki upp hjá ykkur og
svo þurfiö þið að fara beint í næsta
dans? „Mér finnst það ekki erfitt en ég veit
að Helga á dálítið erfitt með að rífa sig upp
aftur." „Mér finnst erfitt að gíra mig upp
aftur, breyta hugarfarinu og sætta sig við
mistökin. Þetta hefur að sjálfsögðu áhrif en
maður reynir samt að útiloka þetta og
einbeita sér að næsta dansi. En maður
verður líka að gæta sín á því að stundum er
maður ekki sáttur við dansinn hjá sér en
svo þegar maður kemur af dansgólfinu eru
allir ánægðir og hrósa manni. Það þarf því
ekki alltaf að haldast hendur hvað okkur
finnst og hvað dómurum og áhorfendum
finnst. Það er því nauðsynlegt að halda
einbeitingu allan tímann og reyna að
svekkja sig sem minnst þótt það geti verið
ansi erfitt oft á tíðum."
Hvernig er það þegar annað ykkar gerir
mistök. Verðið þið þá ekkert pirruð út í
hinn aðilann?
„Jú, það getur gerst en það kemur þó ekki
oft fyrir. Það er frekar að maður verður
svekktur með sjálfan sig að gera mistök, en
svo er líka oft á tíðum erfitt að greina
mistökin hjá dansfélaganum þegar maður
er að einbeita sér að dansinum sjálfur,"
segir ísak.
Hafið þiö gert einhver alvarleg mistök í
keppnum?
„Já, blessaður vertu," svarar ísak á
augabragði. „Ég held að ég hafi dottið fimm
sinnum í keppnum. Svo er nokkuð um
árekstra á dansgólfinu á milli para. Við
erum yfirleitt minnst á dansgólfinu og einu
sinni vorum við keyrð niður og lágum bæði
hálf rugluð á gólfinu. Helga var í kjól og ég
flæktist einhvern veginn í hann þannig að
við gátum ekki staðið upp. Þetta var hálf
vandræðalegt," segir hann hlæjandi við
tilhugsunina.
Og eru þiö þá úr leik?
„Nei, alls ekki. Dómararnir taka tillit til
þessa enda gerist þetta reglulega.
Stundum fær maður enn meiri athygli því
áhorfendur klappa þá fyrir manni og hvetja
mann áfram."
Hefur þú aldrei stigiö á fótinn á henni
ísak?
„Nei, það hefur ekki enn komið fyrir og
verður vonandi ekki en ég hef stigið á
kjólinn hennar og eyðilagt hann. Aftur á
móti hefur hún kýlt mig nokkrum sinnum,
en það hefur þá verið óvart og gerst í
snúningnum hjá henni. Það versta sem við
höfum þó lent í var þegar ég var keyrður
niður af öðru danspari. Ég fékk olnbogann í
andlitið og datt á gólfið hálf rotaður. Það
þurfti að leiða mig út af og við þurftum að
hætta keppni."
En þið hafiö heldur betur sannað ykkur
á síðustu árum. En hver eru markmiðin
ykkar í framtíðinni?
„Við höfum voðalega lítið planað hlutina
fram í tímann enda erfitt. Við tökum þó þátt
í Heimsmeistaramótinu í 10 dönsum í Kiev
í Úkarníuí lok desember og þar ætlum við
okkur stóra hluti. Hvað gerist eftir það
verður að koma í Ijós," segja þau að lokum-
I
VIKUR
PRJÓN
i
Ný verslun á netinu
Verslaöu sokkana þína á
vikurprjon.is
I
VIKUR
PRJÓN
I
46