Skinfaxi - 01.04.2001, Blaðsíða 14

Hreinn Halldórsson forstöðumaður íþróttamannvirkja á Egilsstöðum
Allt búið að
vera á haus!
Paö veröur í nægu aö snúast hjá þér þegar aö
Landsmótinu kemur?
,,/Etli að mesta törnin verði ekki yfirstaðin þegar kemur loks að
Landsmótinu .Þá verður allt búið., en það er allt búið að vera á
haus. Bæði hvað varðar útboðin á tólum og tækjum, búnaðinn
fyrir völlinn og íþróttahúsið og svo þarf sundlaugin líka að vera
klár. Við höfum þurft að fá sumt lánað en annað höfum við
keypt. Við fáum t.d. lánaðar snúningsgrindur fyrir sundið,
stangastökksdýnur og -búnað, sem við fáum frá Borganesi."
Hreinn Halldorson fyrrverandi
íslands- og Evrópumeistari í kúlu-
varpi er forstöðumaður íþrótta-
mannvirkja á Egilsstöðm. Það
hefur verið í mörg horn að líta hjá
honum við undirbúning aðstöð-
unnar fyrir Landsmótið á Egils-
stöðum. Gunnar Guðmundsson
leit við hjá Hreini og skoðaði
aðstöðuna, sem er hin glæsi-
legasta og til mikils sóma fyrir
Egilsstaði og Austurland.
Þannig aö aðstæður veröa hinar bestu þegar mótið hefst?
,,Já, það er alveg ljóst.“
Hvert er þitt mat á áhrifum Landsmótsins á íþróttalífið á
Austurlandi til lengri tíma litið?
,,Það er kannski rétt að það komi fram í byrjun að það voru
margir og eru á móti þessari framkvæmd og telja að hún eigi
ekki rétt á sér. Það er álitamál hvert peningarnir eiga að fara og
eins hitt að íþróttafólk hér á Austurlandi væri ekki nægilega vel
á sig komið til þess að fá svona mót. Það þyrftu að vera fleiri
góðir. Menn horfa gjarnan til baka og vitna í tímann þegar
Austfirðingar áttu lið í fyrstu deild í frjálsum íþróttum. Eitthvað
slíkt ætti að vera uppi þegar verið væri að taka að sér
Landsmót. En í mínum huga er þetta rangt því að svona mót
ýtir á eftir, hvetur og dregur marga áfram til þess að koma sér
í æfingu eða þá að halda áfram. Þetta eru vissulega ungmenni
sem eru hér á ferð hjá okkur núna. Ég er ekki að tala um
einhverja gamla sem geta komið aftur og aftur heldur hina sem
eru á uppleið. Þetta eru ungmenni sem eru við fermingu og
rúmlega það sem hafa verið að gera góða hluti á
íslandsmeistaramótum barna og unglinga. Þau hafa verið að
koma heim með verðlaunapeninga í bak og fyrir.
Þannig að efniviðurinn er til staðar og það er vonandi
að þessir krakkar haldi áfram. Þetta er það sem ég sé
ef litið er til framtíðar að þessi mannvirki og þessi
uppbygging hafi þau áhrif. Ef að þetta hefði ekki verið
gert núna þá hefði ekki þessi vakning sem nú er komin
átt sér stað. Þá hefði þetta farið enþá lengra niður en
nú erum við þó farin að sjá til sólar hvað þetta varðar."
Þú hefur semsagt oröiö var viö aö það er einhver
vakning í gangi hér?
"Ég hef svona fundið fyrir því utan að mér já. Og eins
á því að þegar almenningur er farinn að snúa við
blaðinu spilar það stóra rullu inn í þetta. Það skiptir
mjög miklu máli þegar upp er staðið að almenningur
sé sæmilega sáttur við þetta. Það er svipað og gerðist
í Borgarnesi. Fólk breytti um skoðun eftir því sem nær
dró og þegar það sá að þetta var alvara og að það
væri hægt að gera þetta. Það sama er að gerast hér, fólk er
þegar farið að skokka á brautunum og farið að sjá að þetta er
ekki bara fyrir einhverja útvalda. Við sjáum þetta bara með
íþróttahúsið hér. Raunverulega má ekki tengja þetta allt
Landsmóti því þetta hefði komið hvort eða var. Það er bara
spurning hvenær. íþróttahúsið átti samkvæmt skipulagi að vera
löngu klárað. Landsmótið ýtti fyrst og fremst á eftir því að það
yrði klárað. Stærð hússins tvöfaldaðist sem þýðir að við erum í
dag með þrjá sali í gangi í staðinn fyrir einn, þar sem við getum
skipt salnum með tveimur tjöldum. Við erum með þrjár
mismunandi greinar á ferðinni í einu og afköstin eru því orðin
langt um meiri en þau voru. Við skulum athuga það að nú sér
hin almenni maður langt um fleiri tíma hér í húsinu heldur en
áður hefur verið. Hvað þá með annað, eins og þegar völlurinn
er kominn í fullt gagn líka. Þá verður þessi almenna þátttaka
vonandi miklu betri og meiri. Menntaskólinn hérna er með
íþróttabraut og þetta kemur til með að nýtast honum líka. Allt
þetta dregur vonandi fólk inn á svæðið og er þá ekki
tilganginum náð ef við getum aukið fjölda þeirra út á þessa
aðstöðu?“
Hreinn ætti að kunna vel við sig á kúluvarpsvellinum!
14