Skinfaxi - 01.02.2007, Side 12

Mikið frjálsíþróttaefni
frá Reykjum í Hrútafirði:
Margt ungt frjálsíþróttafólk hefur verið að koma
fram í sviðsljósið undanfarin misseri. Á síðustu
vikum hefur hvert mótið rekið annað við fyrsta
flokks aðstæður í nýju frjálsíþróttahöllinni í
Laugardal. Það er alveg deginum Ijósara að
þessar aðstæður í Laugardalnum hafa knúið
fram betri árangur hjá flestum einstaklingum og
eflaust líka ýtt undir áhuga ungs fólks á að hefja
æfingar í frjálsum íþróttum. Eins áður sagði er
nokkuð um bráðefnilegt ungt fólk í dag og í
þeim hópi er Helga Margrét Þorsteinsdóttir,
15 ára gömul stúlka úr USVH, en hún býr með
foreldrum sínum á Reykjum 2 í Hrútafirði. Þrátt
fyrir ungan aldur hefur þessi geðþekka stúlka
vakið mikla athygli fyrir árangur sinn og vilja
margir meina að hún sé í hópi efnilegustu
stúlkna sem fram hafa komið um árabil hér á
landi. Helga gerir sjálf ekki mikið mikið úr
árangri sínum. „Mitt markmið er að gera mitt
besta hverju sinni/'eins og hún komst að orði
þegar Skinfaxi hitti hana að máli á dögunum.
Helga Margrét krækti sér í silfurverðlaun
á Norðurlandamóti 18 og yngri í fyrra og á
mótum í vetur hefur þessi stúlka slegið hvert
meyja- og stúlknametið á fætur öðru.
Skinfaxi hitti Stefán Jóhannsson, frjálsíþrótta-
Qtvi b&stci fumju íúuvi
þjálfara, að máli á einu frjálsíþróttamótanna
sem haldin hafa verið í vetur. Hann segir Helgu
Margréti vera geysilegt efni og ef rétt verði á
spilum haldið eigi hún eftir að ná langt.
„Helga Margrét er tvímælalaust eitt mesta
efnið sem komið hefur fram hér á landi síðstu
ár,"sagði Stefán Jóhannsson, þjálfari hjá Fjölni/
Ármanni, við Skinfaxa á dögunum.
- Hvað ætli hafi ráðið því að Helga Margrét fór
að æfa frjáisar iþróttir?
„Ég man eftir því, frá því að ég var lítil stelpa,
að vera á hlaupum eða stökkva yfir eitthvað. Við
systkinin vorum öll í íþróttum svo að ég kynntist
þessum heimi mjög snemma. Samhliða frjálsum
íþróttum æfði ég einnig körfubolta allt fram á
síðasta haust en þá ákvað ég að einbeita mér
alfarið aðfrjálsum íþróttum og leggja körfubolt-
ann til hliðar. Ég gat ekki verið í þessu hvoru-
tveggja öllu lengur," sagði Helga Margrét.
f dag er Helga Margrét að æfa 6-7 sinnum í
viku, tvo tíma í senn, en á undirbúningstímabil-
inu æfir hún fleiri tíma á dag. Á veturna æfir hún
inni í íþróttasalnum á Laugabakka í Miðfirði en
þar leggur hún einnig stund á nám, en lýkur
vistinni þar þegar 10. bekknum lýkur í vor.
Þjálfarinn hennar nyrðra er Guðmundur Hólmar.
- Hvað tekur við hjá Helgu Margréti þegar
skólagöngunni lýkur á Laugabakka?
„Ég er ákveðin í að fara suður. Ég gæti alveg
farið í framhaldsskóla hér fyrir norðan en
aðstæður til æfinga og keppni eru fyrsta flokks
fyrir sunnan og þangað er ég að fara. Ég get
varla beðið eftir því að fara suður, svo mikið
hlakka ég til. Ef markmiðin mín ganga eftir ætla
ég að setjast á skólabekk í MH. Ég er full til-
hlökkunar að fara í nýtt umhverfi, setjast í nýjan
skóla og æfa við góðar aðstæður," sagði Helga
Margrét.
Þegar hún var spurð út í það hvort hún ætti
sér einhverjar fyrirmyndir sagði hún að Vala
Flosadóttir hefði verið fyrirmynd sín á yngri
árum, en í dag kæmu margir til greina í þeim
efnum. Hún segist yfir höfuð fylgjast vel með
frjálsum íþróttum og allri umfjöllun um þær.
Hún segist alls ekki missa af því þegar frjálsar
íþróttir eru í sjónvarpi.
Aðspurð hvernig henni litistá aðstæðurnar
sem frjálsíþróttafólk byggi við á landsbyggðinni
sagði hún að þær væru að mörgu leyti ágætar.
Hvað inniaðstöðuna varðaði þá væri hún alls
ekki nógu góð. Útiaðstaðan væri aftur á móti
mjög góð sums staðar og þá alveg sérstaklega
fyrir sunnan og eins á þeim stöðum sem Ungl-
ingalandsmótin hefðu verið haldin.
- Sérðu þig eingöngu sem sjöþrautarmann-
eskju i framtiðinni?
„Já, ég myndi segja það þangað til annað
kemur í Ijós. Ég get ekki gert upp á milli greina
eins og staðan er í dag," sagði Helga Margrét.
Helga Margrét var innt eftir því í lokin hvort
hún væri búin ákveða í hvaða félag hún færi
þegar hún kæmi suður.
„Ég er ekki alveg búin að kveða upp úr með
það. Það eru tvö félög sem koma til greina en
ég mun ákveða mig fljótlega," sagði hin efnilega
Helga Margrét Þorsteinsdóttir.
+
♦
4
12 SKINFAXI - tímarit Ungmannafélags Islands