Skinfaxi - 01.02.2007, Blaðsíða 26

Linda Ósk lenti í ævintýri eftir veru í dönskum íþróttalýðháskóla:
Á Levð í jwdeifaýerð um
S'Awœrífai m&ð dmtsfamt kápi
Linda Ósk Þorvaldsdóttir
er ein af þeim sem hefur
sótt lýðháskóla í Danmörku.
í janúar 2006 fór Linda í
Gymnastik- og Idrætshöj-
skolen ved Viborg þar sem
hún fékk að kynnast nýju
landi, nýjum skóla, nýju
fólki og síðast en ekki síst að
stunda íþrótt sína af kappi.
Linda valdi stökkfimleika og
dans sem aðalfög en fékk
einnig að kynnastýmsum
nýjum og skemmtilegum
hlutum.
Úrtökupróf
Kennararnir voru fullir af
orku og hugmyndum sem
gerði það að verkum að
engin vika var eins, hver
dagur bar með sér ný
ævintýri. í júlí var svo komið
að heimför en ævintýri Lindu var alls ekki lokið. Henni var
boðið í úrtöku fyrir GIV's Elitehold sem er sýningarlið fyrir
gamla nemendur úr skólanum sem skarað hafa fram úr á
fimleikasviðinu. Linda sló til og mætti aftur til Danmerkur í
ágúst þar sem úrtakan fór fram.
Linda fór í úrtöku fyrir stökkhópinn þar sem 35-40
manns mættu en aðeins 20 komust inn. Úrtakan tók heila
helgi og þurfti Linda að sýna hvað hún gæti á dýnu,
trampolíni, stökki og í dansi. Linda var ein af fjórum stelp-
um sem komust inn í stökkhópinn ásamt 16 strákum en
einnig voru valdar 20 stelpur í danshóp.
Býr á íslandi - sýnir í Danmörku
Hópurinn kemur fram fyrir hönd skólans og heldur sýning-
ar víðs vegar um Danmörku. Þrátt fyrir að vera í þessum
hópi býr Linda á íslandi og æfir fimleika af kappi með
meistarahópi Umf. Selfoss. Sá hópur samanstendur af 28
stelpum, fæddum á árunum 1985-1993, og stefna þær á
að komast á Evrópumót Juniora sem haldið verður í haust.
Það er ekki auðvelt að búa á íslandi og vera í fimleikahópi í
Danmörku en Linda fer út að meðaltali einu sinni til tvisvar
sinnum í mánuði til þess að æfa og sýna með hópnum.
Linda hefurfengið styrkfrá afreksmannasjóði íþrótta-
og tómstundaráðs Árborgar til að æfa með hópnum en
vonast að sjálfsögðu til þess að fá fleiri styrki til að standa
undir kostnaði. Einnig hefur hópurinn komið einu sinni til
íslands þar sem þau voru á landinu í fjóra daga við æfingar
og að skoða landið.
Ferðalag til Suður-Ameríku í október
í október fer Linda svo með hópnum í þriggja vikna ferða-
lag um Brasilíu, Kólumbíu og Perú þar sem þau munu
kynna og sýna fimleika. Marga dreymir eflaust um svona
ævintýri og þá er ekkert annað hægt að gera en að láta
drauminn verða að veruleika.
Eftir Önnu Guðrúnu Steindórsdóttur, 22 ára nema á þriðja ári í íþrótta-
fræðum við Kennaraháskóla íslands á Laugarvatni. Hún var í vett-
vangsnámi hjá UMFl í þrjár vikur.
26 . SKINFAXI - tímarit Ungmannafélags íslands