Sjómannablaðið Víkingur - 01.04.1940, Qupperneq 30

á ferð, enda er landið þarna fremur gróður-
lítið og óbyggilegt.
Um morguninn lægði storminn og héldum
við þá af stað, og þegar dróg lítið eitt norð_
ar, var komið logn og sólskin. — Daginn þar
á eftir sigldum við fram hjá skriðjöklinum
við Friðrikshaab., Er það geysimikill skrið-
jökuli, sem gengur beint í sjó fram og er að
því leyti frábrugðinn grænlenzku skriðjökl-
unum, sem flestir ,,skríða“ fram í dali og
fjarðarbotna.
Næsta dag komum við undir Svartasker og
sigldum síðan sem leið lá inn sundin til Fær-
eyingahafnar, sem átti nú að verða áfanga-
staður okkar í rúman ársfjórðung.
Höfðum við þá verið rétta viku á leiðinni
frá ílslandi til Grænlands.
Búist um í Færeyingahöfn.
Ekkert höfðum við séð til skipa á okkar leið
og ókomin var skonnortan ,,Arctic“. (Er það
sama skipið, sem Fiskimálanefndin er nú búin
að kaupa af Dönum og ætlar að hafa í freð-
fisksflutningum til Englands). En hún átti að
vera ,,móðurskip“ okkar um sumarið. Hafði
hún farið frá Keflavík viku á undan okkur,
en kom ekki til Færeyingahafnar fyrr en
viku á eftir okkur.
Eftir að búið var að binda bátinn við klapp-
irnar (við Grænland er víða svo aðdjúpt, að
hægt er að leggja allstóru skipi alveg upp að
klöppunum) fór ég með Finnboga skipstjóra
í land með skjöl bátsins og skilríki. — Hefir
danska stjórnin þarna umboðsmann. Hét sá
Möller, sem þetta starf hafði með höndum.
Reyndist hann okkur hinn almennilegasti og
bezti maður. Ennfremur var þarna danskur
loftskeytamaður, og höfðu þessir tveir dönsku
embættismenn þrjá Grænlendinga í þjónustu
sinni, ráðskonu og tvo karlmenn.
Nú liðu dagarnir í aðgerðaleysi, því ekkert
var hægt að hafast að fyrr en ,,Arctic“ kæmi,
en með skipinu var umboðsmaður ,,reiðar_
ans“, Gunnar Thordarsen, góður maður og
gegn. Eftir fjögra daga bið og aðgerðaleysi
kom ,,Arctic“ og batt sig við klöppina í Fær-
eyingahöfn. Voru þær festar ekki leystar fyrr
en um haustið. Var þó svo umtalað áður en
farið var vestur, að skipið ætti að fylgja okk-
ur eftir á miðunum til þess að gjöra okkur
auðveldara fyrir með veiðiskapinn. Hafði
þetta af okkur mikla veiði eins og síðar verð-
ur frá sagt.
Nú var tekið til óspilltra málanna, timbri
og sementi skipað í land úr ,,Arctic“ og reist-
ur úr því lítill geymsluskúr til afnota fyrir
okkur. Ennfremur voru látin í land þau veið-
arfæri, sem við gátum ekki haft um borð.
Ég skal skjóta því hér inn í, að þetta sama
sumar lét trúboð Færeyinga reisa sjómanna-
heimili í Færeyingahöfn og Danir lítinn spít-
ala, svo að staðurinn leit heldur en ekki upp
um sumarið og fleira varð til að prýða hann
heldur en við og báturinn okkar!
Uppskipun úr Snorra goða við klappirnar í Fœreyingahöfn.
VÍKINGUR
Veiðin hafin.
Að þessari vinnu lokinni tókum við ís, salt
og kost úr ,,Arctic“ og héldum út á veiðar.
Eru fiski-,,bankarnir“ mjög víðáttumiklir, en
djúpir álar í kringum þá. Dýpið á grunninu er
þetta frá 25—40 faðmar, en álarnir 400—
600 faðma djúpir. — Veldur misdýpi þetta
straumum og talsverðum sjó jafnskjótt og
nokkuð hvessir. í þessum fyrsta róðri lögðum
við 2000 öngla af haukalóð í hallann á
,,Fyllu-banka“. Var afli fremur rýr, mig
minnir 10 lúður og engin stór, allmikið af
steinbít og hlýra, svolítið af blágómu og karfa
og nokkuð af stórum þorski. Var hann mag-
ur og lifrin eins og dökkar tægjur.
30