Sjómannablaðið Víkingur - 01.09.1998, Side 30

Alltafá
Vakt!
Fullkominn skráningabúnaður
fyrir hita og fl. Aðstoðar fyrirtæki
við að uppfylla t.d. GÁMES.
Nánari upplýsingar hjá sölu-
mönnum okkar í síma 455 4555.
Element hf.
Ártorg 1
550 Sauðárkrókur
S(mi: 455 4555
Fax: 455 4499
Netfang: element@element.is
menni um borð, bíiadekkið er fullt og eins
eru bílar og fleira á efra dekki. Þegar verið er
að Iesta og losa tekur öll áhöfnin þátt í því.
Einnig skipstjórinn. Þar sem þröng er á þingi
er ekki úr vegi að spyrja hvort Baldur sé nógu
stór fyrir þau verkefni sem þeir sinna.
„Nei, hann er það ekki. Það vantar meira
pláss. Það kemur fyrir allt árið að við erum í
vandræðum vegna plássleysis. Sá hluti Vest-
fjarða sem við þjónum er eins og eyja hluta
ársins. Vegasamband er nánast ekkert. Á vet-
urna förum við eina ferð á dag og ef mikið er
um fiskflutninga þá erum við flöskuhálsinn.
Það er oft á mörkunum að við getum flutt
alla þá fiskflutningabíla sem þurfa að fara
með okkur. Það er mikið undir hjá þeim sem
eru í þessu. Fiskurinn á að fara til vinnslu á
tilsettum tíma og jafnvel í flug. Ég held að ég
megi segja að við séum góðir í að leysa úr
þeim vandamálum sem hafa komið upp.
Oftast gengur þetta upp en við verðum að
sætta okkur við þessi takmörk. Skipið er lítið
og við það verðum við að búa.“
Það fer ekki á milli mála að það þarf að
sinna mörgu á siglingu yfir Breiðafjörð. Eftir
að skrifstofu Baldurs er lokað hringir síminn
um borð, það er verið að panta far næstu
daga og leita ýmisa svara, það er nóg að gera.
„Það má segja að þessi sjómennska sé
Sá hluti Vestfjarða sem við þjónum er eins og
eyja hluta ársins. Vegasamband er nánast
ekkert. Á veturna förum við eina ferð á dag
og ef mikið er um fiskflutninga þá erum við
flöskuhálsinn. Það er oft á mörkunum að við
getum flutt alla þá fiskflutningabíla sem þurfa
að fara með okkur.
kannski fráburgðin annarri fyrir hversu
miklu þjónustuhlutverki við gegnum. Við
erum í beinu sambandi við viðskiptavininn.
Við höfum gaman að leysa úr þeim málum
sem koma upp. Ég hef verið spurður hvort
það sé ekki leiðinlegt að sigla alltaf sömu leið-
ina. En svo er alls ekki. Hver dagur er í raun
sérstakur. Það eru misjöfn verkefni, veðrið er
síbreytilegt og ég verð að segja eins og er að ég
nýt þeirra fallegu náttúru sem er hér við
Breiðafjörðinn."
Aftur að upprunanum, það er þeim breið-
firska. Eins og fyrr sagði var Hörður oft í
Flatey þegar hann var yngri. „Stórfjölskyldan
heldur enn hlunnindum í Hergilsey og allt
þetta er eflaust hluti þess að ég er í þessu starfi
í dag. Það skemmir ekki fyrir að hafa verið
hér, þriðjungur af siglingaleiðinni er þannig
að það er ekkert að styðjast við annað en
þekking. Það eru engin kort. Það var gaman
að vera í Flatey sem krakki, að vísu missti ég
talsvert úr fótboltanum en það er öruggt að
annað kom í staðinn og ég sé það á mínum
krökkum að þeir vilja ólmir vera í Flatey, en
ásamt ættingjum erum við með tvö hús þar.
Þar er ég mikið þegar ég á frí.“
Þannig að þú ferð stundum með Baldri
sem farþegi?
„Já, ég geri það.“
Og hvernig líkar þér það?
„Bara vel. Ég fæ góðar trakteringar og
reyndar held ég að farþegar fái það einnig.“
Herði er mikið niðri fyrir varðandi bar-
áttumál sjómanna. Hann segir okkur hafa
tapað miklu með fækkun farmanna, það
verði erfitt að viðhalda starfsþekkingu að ó-
breyttu og reyndar segir hann að við séum að
missa af lestinni. Hvað varðar fiskimenn seg-
ir hann allt snúast um kvótann.
„Ég vona að kvótakerfið verði kosninga-
málið.“
Lengra varð ekki komist. Skyldan kallaði,
skipstjórinn þurfti að sinna farþegum sem
leituðu til hans og auk þess styttist siglingin
að Brjánslæk, en Baldur var fáar mínútur á
eftir áætlun þar sem það var mikið að gera,
eins og fyrr sagði margt var um manninn og
bæði dekk þakin af bílum og öðrum varn-
ingi. ■
Texti og Ijósm.: Sigutjón M. Egilssson.
30
Sjómannablaðið Víkingur