Sjómannablaðið Víkingur - 01.09.1998, Blaðsíða 37

áfram því ekki er vafi á að framtíðin er sú að
veiðarfæri verði sértækari og hlutur óæskilegs
afla verði lágmarkaður með hönnun rétts
búnaðar fremur en að loka svæðum eða setja
tímabundið bann við veiðum. Þetta verður
mjög í deiglunni á næstu árum.“
Fjölbreyttur starfshópur
-Hvernig er samsetningin á starfsfólkinu.
Er það flest fiskifræðingar og aðstoðarmenn
þeirra?
„Það er margbreytileg reynsla sem er sam-
an komin hér á stofnuninni. Hér eru um
140 stöðugildi en talsvert fleiri koma við
sögu því mikið er um aðstoðarfólk sem kem-
ur inn í ýmis verkefni, þar á meðal sjómenn.
Hjá stofnunni starfa fiskifræðingar, tölfræð-
ingar og fólk úr ýmsum fleiri greinum. Þar
má nefna haffræðinga, hafeðlisfræðinga,
dýrafræðinga og plöntufræðinga. Það er
mjög mikilvægur þáttur í starfseminni að afla
almennrar þekkingar um lífkerfið sem nytja-
stofnar okkar lifa í. Þá má ekki gleyma rann-
sóknarmönnum með ýmis konar bakgrunn.
Oft eru það líffræðingar með fyrrihluta próf
úr háskóla. Margir rannsóknarmenn eru fyrr-
verandi sjómenn.
Þessi fjölbreytileiki er af hinu góða því
þarna kemur saman ýmis konar reynsla sem
ekki fæst í háskóla. En þetta er mikið hóp-
starf og allir þurfa að standa sína pligt svo vel
gangi. Þótt sérfræðingar hafi oft einhverjar
sérstakar tegundir á sinni könnu þá er það
svo að þegar ráðgjðf er tilbúin um einstakar
tegundir eru margir sérfræðingar búnir að
koma að málinu og margt annað starfsfólk.
Einstakir fræðingar hafa auðvitað sérþekk-
ingu og þekkja smáatriðin í gögnunum og
annað slíkt. En það koma margir að ráðgjöf-
inni og við erum með sérstaka fiskiveiðiráð-
gjafanefnd hér innanhúss. Hún samanstend-
ur af 5 - 6 sérfræðingum sem eru iðulega í
Það er mjög mikilvæg-
ur þáttur í starfseminni
að afla almennrar þekk-
ingar um lífkerfið sem
nytjastofnar okkar lifa
í. Þá má ekki gleyma
rannsóknarmönnum
með ýmis konar bak-
grunn.
nokkra mánuði í úttekt á hverjum og einum
fiskistofni. Þeir sem bera ábyrgð á tilteknum
tegundum leggja öll sín gögn á borðið í þess-
ari nefnd og þar eru málin síðan rædd til hlít-
ar. Þetta á að vera ákveðið gæðaeftirlit og
trygging fyrir því að viðhöfð séu bestu fáan-
legu vinnubrögð á hverjum tíma. Þó svo að
einstakir sérfræðingar vinni kannski stærstan
hluta þess verks sem á við um einstakar teg-
undir þá er farið í gegnum alla þætti málsins
í nefndinni. Síðan fara sérfræðingar gjarnan
með þetta í vinnunefndir hjá alþjóðahaf-
rannsóknarráðinu þar sem ákveðin yfirferð á
sér stað og að Iokum í fiskiveiðiráðgjafanefnd
ráðsins. Það er því ekki tilviljunarkennt hver
niðurstaðan er á hverjum tíma.“
-Hafa sérfræðingar Hafrannsóknunar-
stofnunarinnar menntast í sömu háskólum
erlendis?
„Nei, þvert á móti. Það má segja að þeir
hafi sótt menntun sína vítt og breytt um
heiminn. Þeir hafa menntast í Noregi, Bret-
landi, Danmörku, Bandaríkjunum, Kanada
og Þýskalandi svo dæmi séu tekin. Fólk
kemur því ekki allt úr sama skólanum sem er
mikill kostur. Síðan fara menn víða um heim
og hitta starfsbræður. Ég get nefnt sem dæmi
að ég hef átt gott samstarf við sérfræðinga frá
Suður-Afríku, Japan, Bandaríkjunum og
Kanada.
En varðandi framtíðaráherslur, þá vil ég
taka fram að það er mér mikið kappsmál að
örva unga landa okkar til náms í fræðum á
sviði hafrannsókna, bæði hér heima við há-
skólana og eins er mikilvægt að við sækjum
okkur þekkingu og reynslu erlendis eins og
við á. Mun stofnunin því vinna markvisst að
nýliðunarmálum okkar enda það ein af meg-
in forsendum framfara.“
-Svo við förum út í aðra sálma í lokin.
Veiðir þú eitthvað sjálfúr í þínum tómstund-
um - til dæmis lax?
„Ég hef aldrei farið á laxveiðar. En ég hef
gaman af að renna fyrir silung og fara á skak
og útivist almennt. Það er fátt fegurra en vera
úti á hafi á sléttum sjó, veiða vel og sjá marga
hvali. Ég tala nú ekki um ef það eru ísjakar
líka,“ sagði Jóhann Sigurjónsson. ■
TÆKNIBÚNAÐUR
RAFMÓTORAR
Slærðir: 0,18-900 kW
HRAÐASTÝRINGAR
Nýjung: ACS-140
Litlar stýringar
Stærðir:
0,37 - 2,2 kW
Breidd: 8cm
Festist beint á
DIN-skinnu
A IIII
MVII
Nánari upplýsingar í síma 5 200 800 og á vefnum:
www.ronning.is & www.abb.com
AFLR0FAR
Sjómannablaðið Víkingur
37