Sjómannablaðið Víkingur - 01.09.1998, Page 61

Mikið um að
vera hjá ísfelli
ísfell hefur nýverið hafið inn-
flutning á s.k. milliburstum fyrir
rokkhopperlengjur. Tilgangur
þeirra er að loka bilinu milli
rokkerhoppergúmmíanna,
þannig að fiskur sleppi síður
þar á milli og undir trollið sjálft.
Fyrstu lengjurnar með milli-
burstum hafa verið settar upp
og prófaðar og lofar sú reynsla
góðu. Fyrsta reynsla, sem var
um borð í Sóley SH, sýnir að
áberandi meira fiskast af auka-
tegundum, sérstaklega botn-
lægum fiski, einnig er léttara
að meðhöndla trollið í köstun
auk þess sem svo virðist sem
minna rifni.
ísfell kaupir Sjóco ehf.
ísfell hefur keypt öll hluta-
bréf í Sjóco ehf. af Jóni Ósk-
arssyni og fjölskyldu hans.
Sjóco hefur aðallega stundað
sölu á þorska- og grásleppu-
netum, sigurnaglalínum, tein-
um og tógum. Auk þess hefur
Sjóco verið söluaðili fyrir neta-
niðurleggjara frá Rapp. Með
kaupunum á Sjóco hefur ísfell í
raun tekið ákvörðun um að
blanda sér f sölu á neta- og
línuveiðibúnaði af fullum krafti.
Til að byrja með verður Sjóco
rekið áfram með óbreyttum
hætti, starfsemin verður flutt í
húsnæði Isfells að Fiskislóð 82
innan skamms. Fyrirhugað er
að Sjóco sameinist ísfelli um
næstu áramót.
Jón Óskarsson, aðaleigandi
og framkvæmdastjóri Sjóco,
mun áfram starfa sem
framkvæmdastjóri Sjóco til
áramóta og sem sölumaður
hjá ísfelli eftir áramót við sölu á
neta- og línuveiðarfærum og
öðrum vörum sem Sjóco hefur
haft fram að bjóða.
Nýir starfsmenn
Magnús Eyjólfsson hefur
starfað hjá ísfelli frá s.l. áramó-
tum. Magnús hefur undanfarin
ár stundað sjómennsku á
nóta- og togskipum, en stun-
dar nú nám í rekstrarfræði við
Tækniskóla íslands. Hann mun
sinna ákveðnum verkefnum
með námi, en kemur síðan til
starfa að nýju að námi loknu í
vor.
Guðmundur Bárðarson
hefur nýverið hafið störf hjá
ísfelli sem sölumaður tog- og
nótarveiðarfæra. Guðmundur
hefur langa sjómennsku-
reynslu, lengst af sem stýri-
maður og skipstjóri á
Víkurbergi GK-1 og nú síðar ár
sem skipstjóri við rækjuveiðar
bæði hér heima og á
Flæmska hattinum.
Víðir Björnsson hefur
sömuleiðis nýhafið störf hjá
ísfelli. Víðir hefur einnig
verulega reynslu sem stýri-
maður og skipstjóri á
togveiðum og ver-
tíðarbátum. Undanfarin ár
hefur hann starfað hjá Sam-
skipum sem umsjónarmaður
með rekstri frystigeymslu
þeirra í Hafnarfirði og nú
síðast við hina nýju
frystigeymslu jsheima. ■
Sjómannablaðið Víkingur
61