Sjómannablaðið Víkingur - 01.09.2005, Side 19

ræðis breyting að fara af gamla Þór, sem
var 628 tonn, yfir á Akraborgina, sem er
1.774 tonn. Vissulega er þetta mikið
rými en sannleikurinn er sá að það hef-
ur nýst virkilega vel. í skipinu voru þrír
salir, tveir á bátaþilfari og einn undir
bílaþilfarinu en þeim sal erum við nýlega
búnir að breyta í tvær kennslustofur.
Annar hinna tveggja er þriðja kennslu-
stofan en í hinum salnum er kaffiaðstaða
fyrir nemendur og kennara.
Bílaþilfarið er gjörnýtt sem æfinga-
svæði en þar er meðal annars líkan af
innviðum skips sem nýtt er til reykköf-
unaræfinga.
Þarna er líka að finna aðstöðu fyrir
nemendur til að skipta um föt en í
gömlu Sæbjörginni var ekkert slíkt og
menn bjástruðu við það á göngum hálf-
naktir og allsnaktir að skipta um föt. Þar
voru ekki heldur neinar geymslur fyrir
búnað skólans.“
Skóli á nýrri öld
„Slysavarnaskóli sjómanna, sem vel að
merkja er í eigu Slysavarnafélagsins
Landsbjargar, er alfarið unr borð í Sæ-
björgu. Þetta er framhaldsskóli og ég
kalla mig skólameistara enda er ég með
kennararéttindi fyrir framhaldsskóla.
Kennarar við skólann eru fimm, á skrif-
stofunni er ein kona og ennfremur erum
við með einn verkefnisstjóra sem vinnur
meðal annars að öryggisstjórnunarkerf-
um fyrir fiskiskip og verkefnum tengd-
um áætlun í öryggismálum sjómanna.
Við erum því alls sjö sem vinnutn um
borð í Sæbjörginni þar sem við erum
með okkar eigin skrifstofur og annað
sem þarf til skólahalds.
Við höfum það reyndar umfram kenn-
ara í landi að í skipinu erum við einnig
með svefnaðstöðu, klefa og fínar kojur.
Við erum nefnilega ekki aðeins ráðin
sem skólafólk heldur einnig sem sjó-
menn og erum öll með stöðuheiti þegar
Sæbjörgin leysir landfestar. Ég er skip-
stjórinn um borð, aðstoðarskólameistar-
inn er bátsmaður, þrír kennarar eru í
stöðum yfirstýrimanns, yfirvélstjóra og 2.
vélstjóra, og skrifstofukonan okkar og
verkefnisstjórinn eru hásetar. Okkur
vantar því bara kokkinn þegar við sigl-
um.
Þetta er sannarlega mikil breyting frá
því sem var þegar skólinn var stofnaður
og Þorvaldur forveri minn þurfti að
hlaða öllu sínu hafurtaski á bíl þegar átti
að halda námskeið utan Reykjavíkur.
Reyndar hefur allur skólinn tekið gífur-
legum stakkaskiptum síðan þá og er
raunar alltaf í þróun sem er eðlilegt og
nauðsynlegt.
í þessu sambandi langar mig til að
nefna að stóru tímamótin á þessu ári eru
ekki aðeins tvítugsafmælið heldur einnig
að Slysavarnaskólinn fékk gæðavottun
samkvæmt alþjóðlegum staðli, ISO
9001/2000, fyrstur íslenskar skóla. Fjöl-
tækniskóli íslands kom í kjölfarið en
þessir tveir skólar eru þeir einu á íslandi
sem hafa hlotið slíka vottun. Það er hins
vegar fyllilega tímabært að til dæmis
Verkmenntaskólinn á Akureyri hyggi að
slíkri vottun fyrir vélstjórnarnám sitt og
einnig aðrir skólar er sinna vélstjórnar-
námi.
Við byrjuðum fyrir fjórum árum að
koma þessu gæðakerfi á hjá okkur. Það
er reyndar hægur vandi að koma því upp
en erfiðara að temja sér að vinna eftir því
og laga að þörfurn skólans. Því kerfið á
ekki að stjórna skólanunr heldur skólinn
kerfinu. Kosturinn við hina alþjóðlegu
vottun er ótvíræður. Hún er viðurkenn-
ing þess að aðferðir okkar við þekk-
ingaröflun og kennslu eru áreiðanlegar
og traustar. Einnig allt umsýslukerfi okk-
ar í kringum námskeiðin og aðföng. Með
öðrum orðum, þegar menn sjá að við
erum vottaðir samkvæmt ISO 9001/2000
þá vita þeir að við höfum allt okkar á
hreinu og byggjunr á viðurkenndum að-
ferðum en ekki einhverju húmbúkki.
Við miðum allt okkar starf við alþjóða-
kröfur STCW sem gerir það að verkum
að fiskimenn og farmenn fara í gegn um
sama prógramm en í sumum löndum er
farið að gera þær kröfur til fiskimanna að
þeir hafi skírteini um öryggisfræðslu
samkvæmt alþjóðlegum kröfum líkt og
gert er til sjómanna á kaupskipum
Hér á íslandi hefur það verið þannig
síðan 2003 að sjómenn eiga ekki að fá
lögskráningu nema þeir hafi lokið nám-
skeiði hjá okkur. Þetta eru fimrn daga
grunnnámskeið sem veita alþjóðlegt skír-
teini og eru menn þá orðnir gjaldgengir á
allar tegundir skipa. Á fimm ára fresti
ber mönnum svo að endurnýja kunnáttu
sína hér hjá okkur eða við sambærilega
skóla.
Sjómenn hafa verið duglegir að sækja
til okkar sem endurspeglast í því að á
seinasta ári stóðum við fyrir 92 nám-
skeiðum, sem er met, og nemendur voru
alls 1.268.
Allt hefur þetta orðið vegna velvilja og
rnikils stuðnings landsmanna, sérstaklega
sjómanna.
Stjórnmálamenn hafa sannarlega ekki
látið sitt eftir liggja. Þó held ég að
ekki sé á neinn hallað þótt Sturla
Böðvarsson, núverandi samgöngumála-
ráðherra, sé sérstaklega nefndur í þessu
sambandi en hann hefur veitt skólanum
afar nrikinn stuðning og verið mikill á-
hugamaður um að efla öryggismál sjó-
manna sem allra nrest og best. Má þar
sérstaklega nefna átak sem hann setti á
laggirnar og var langtímaáætlun í örygg-
ismálum sjómanna senr nú kallast ein-
ungis áætlun í öryggistnálum sjómanna.
Sú áætlun gerir ráð fyrir árlegum fjár-
upphæðum til að hrinda í framkvæmd
fræðslu og miðlun þekkingar til sjó-
manna um öryggismál svo stenrma megi
stigu við slysum á sjó og gera atvinnu-
greinina eina hina öruggustu sem hugs-
ast getur.“
Sœbjörg á Homafirði.
Sjómannablaðið Víkingur - 19